БОЖЬЯ АПТЕКА

БОЛЕЗНЬ С ТОЧКИ ЗРЕНИЯ ПРАВОСЛАВНОГО ХРИСТИАНИНА

Болезнь и немощь – тяжёлое испытание. Нарушается привычный образ жизни, становятся невозможными многие прежние радости и утешения, приходит боль и страдание. Преподобный Амвросий писал о тяжести болезни: «В скорбях человек может находить утешение в молитве, а в тяжкой болезни телесной он и этого утешения лишен».

Причины болезней

Много причин у болезней. Преподобный Макарий наставлял:

«Телесная болезнь служит к исцелению душевной; мы не можем похвалиться, чтобы оной не имели. Слава и благодарение Господу, врачующему нас терпкими наведениями!»

В своих письмах старец учил приписывать болезнь воле Божией, хотящей человеку спасения:

«Пробегая паки письмо твоё, заметил в оном твоё малодушие о болезнях твоих. Пишешь ты, что болезнями посещает Господь не от любви, а наказует за грехи, а ежели бы знала, что от любви, то лучше бы терпела. Как же не от любви Бог тебя посещает? Ежели и самое наказание от любви Божией происходит? Прочти в послании к Евреям в 12-й главе: Егоже бо любит Господь наказует, биет же всякого сына, егоже приемлет».

Преподобный Анатолий (Зерцалов) писал о болезни как об очищении для души:

«Что больна – не беда, грешным людям это очищение; как ржа от огня очищает железо, так и болезнь врачует душу…»

Преподобный Амвросий напоминал о том, что Господь вразумляет нас через болезни, которые посылаются к пользе душевной:

«Болезни и неприятные случаи посылаются нам к пользе нашей душевной, и, прежде всего, к смирению нашему и к тому, чтобы вели жизнь свою осмотрительнее и разсудительнее…»

Преподобный Иосиф наставлял:

«Надо Бога благодарить за болезнь, ибо ею очищаются грехи».

Как больной может быть блаженнее здорового?

Сравнивая здорового и больного человека, преподобный Антоний замечал, что в болезненном состоянии можно быть блаженнее здорового:

«Если посмотреть на человека здорового, и посмотреть на человека долговременно страждущего, и рассмотреть состояние души одного и другого: то кого из них назвать блаженным или окаянным　– здорового или страждущего? Например, вы в болезни своей сколько раз приносили раскаяние в грехах своих пред Господом Богом и пред духовным отцем, и приобщались Святых Таин? Между тем здоровому человеку некогда и подумать о грехах, и если случится поговеть однажды в год, то не столько из усердия, сколько из приличия, чтоб сказать: «И я нынче говела». А исповедь бывает такая,　– больше немая, то есть, ничего кажется нет на душе.

Вы в болезни своей сколько из глубины души испустили пред Богом тяжких воздыханий, которые все видит и слышит Господь. Но у здоровых совсем бывает не то; если же и они когда вздыхают, то больше о том, когда долго не видят кого, когда давно не имеют весточки о чём.

Вы в болезни своей нередко орошали лице своё слезами, а здоровые люди вместо слёз сколько каждый день потратят мыла на лице своё, чтоб было чисто, а об душе ни слова.

Вы в болезни своей очи свои часто с молитвою обращаете к образу Христа Спасителя и к Пречистой Его Матери, а здоровые дамы или девы вместо образа раз по сту в день посмотрят на себя в зеркало; а помолиться хорошенько или перекреститься как должно　– некогда.

А посему вы ныне в болезненном состоянии своем блаженнее всех здоровых, окружающих вас; а к сему ещё и вечное блаженство на небеси приготовлено для вас от Господа Бога, о чём во страдании своём радуйтеся вы и веселитеся, и от всея души благодарите милосердаго Бога, что у Него для страждущих приготовлено великое множество милости и утешения, которые в своё время получите вы за молитвы Богородицы».

Соборование, исповедь и Причастие

Преподобный Антоний писал:

«Апостол не говорит: «умирает ли кто из вас?», но болит ли кто, пусть призовёт пресвитера, и воздвигнет его Господь. Мы же, по губительному неверию, прибегаем сперва к внешней помощи. Когда уже нет более никакой надежды, приступаем к приобщению и соборованию, забывая, что сказал Спаситель слепцам, просившим у него исцеления: по вере вашей буди вам».

И советовал:

«Советую Вам во все святые посты приобщаться Святых Таин; а кроме сего, если когда случится какая болезнь, то не к лекарю посылать и в аптеку, но к иерею Божию, и просить его исповедывать и приобщить, а потом уже к лекарю послать; ибо весьма спасительно питать свою душу Нетленным и Святым Хлебом. Если бы случилось человеку в тот день умереть, в который он приобщался Святых　Таин, то душу его приемлют святые Ангелы на руки свои, чести ради приобщения, и все воздушныя мытарства безбедно проходит».

Соборованию преподобный Антоний придавал очень большое значение, он вспоминал, что после того, как он сам соборовал двадцать тяжело больных человек, все они исцелились:

«…чрез особорование мною недостойным человек до двадцати, все они от тяжких и неисцельных болезней освободились. В том числе и старца отца Леонида в болезнях его раз до пяти соборовал я, а также многих других».

Преподобный Макарий также наставлял причащаться в болезни, причём, замечал, что больным разрешается причащаться без особого поста:

«Слава Богу, что ты сподобилась быть причастницею Пречистых Таин Христовых, а о том не малодушествуй, что не говела. Да ты, страдая телом, больший переносишь подвиг говения».

Преподобный Иларион советовал страждущим припомнить все грехи, совершённые с семилетнего возраста и исповедаться в них, а затем причаститься:

«Итак причина наших болезней душевных и телесных – суть грехи наши. Собразно с сим и врачебство одно: страждущий человек должен внимательно разсмотреть себя, припомнить все грехи, совершённые им с семилетнего возраста и сознать в особенности тот грех, в котором заключается причина болезни. Потом он должен все эти грехи искренно исповедать пред священником, примириться с ближними, оставить всякую против них злобу и положить твёрдое намерение и начало не обращаться вновь на старые грехи, и, наконец, с сокрушением приступить к принятию Святых　Христовых Таин».

Преподобный Никон подчёркивал важность соборования при болезни или немощи:

«Если нет болезни или вообще какой-либо немощи, то соборование не обязательно, потому что при соборовании молятся об исцелении, молятся о телесном и душевном здравии. Телесное здоровье не всем и не всегда даётся, ибо Господь знает, что для нас полезнее. А душевное　– всегда подаётся».

В болезни не забывать о молитве　

Преподобный Анатолий (Зерцалов) советовал в болезни не забывать Иисусову молитву:

«…Ты опять больна? Значит, ты не помнишь моего лекарства. Я тебе говорил: твори постоянно молитву Иисусову, и будешь здорова. Ведь я тебе не с ветра давал этот совет, а испытавши хорошо на деле. Правда, что поболеть молодому человеку полезно. Но ещё лучше здоровому служить телом и духом Богу».

Об этом же напоминал и преподобный Иосиф:

«»Молитва Иисусова и с болящего спрашивается», – пишут святые отцы».

Старец также наставлял молиться друг за друга:

«Скорбеть о здоровье кого-либо не должно, Господь знает лучше нас, кому что полезно: здоровье или болезнь, наш долг – молиться. Господь сказал: «Молитеся друг за друга, да исцелеете»».

Врачей и лекарства создал Господь

На вопрос о врачах преподобный Амвросий отвечал так:

«Спрашиваешь меня грешнаго, – в обыкновенных болезнях ждать ли всегда чудеснаго исцеления, молитвенно прибегая к помощи Божией, и не грешно ли пользоваться и простыми средствами. Греха в этом никакого нет; потому что всё от Господа Бога и лечебныя средства, и самые лекаря. И не в том состоит грех, что человек прибегает к врачебным пособиям; а в том, если больной всю надежду на выздоровление полагает в одном враче и врачебных средствах, забывая притом, что всё зависит от Всеблагаго и Всемогущаго Бога, Который Един, их же хощет, живит или мертвит».

А преподобный Никон писал кратко:

«Врачей и лекарства создал Господь. Нельзя отвергать лечение».

Советы по поводу конкретных болезней

Часто к старцам обращались с жалобами на заболевания, и преподобные советовали что-то по поводу конкретной болезни.

Про раковые заболевания старец Амвросий писал, что эта болезнь чаще всего происходит от тревожного состояния души:

«В последнем письме ты прямо сказала, что боишься болезни рака в груди. И всякая болезнь тяжела, кольми паче болезнь рака; но делать нечего, покориться этому следует. Бог лучше нас знает, кому какая пригодна болезнь для очищения страстей и согрешений. Не напрасно святой　Ефрем пишет: боли болезнь болезненне, да мимотечеши суетных болезней болезни. Сама знаешь, что болезнь эта большею частию происходит от тревожного состояния души…»

На вопрос в письме о женской болезни преподобный Амвросий отвечал, что, возможно, причиной её является не почитание поста в семейных отношениях или нарушение супружеской верности, советовал искренне исправить свою жизнь и покаяться:

«Болезнь жены вашей, может быть, произошла по вашей же вине: или не почитали вы праздников в супружеских отношениях, или не соблюдали супружеской верности, за что и наказываетесь болезнями жены, так как мужу приятно иметь всегда жену здоровую. Ежели вы постараетесь искренно исправить свою жизнь и искренно примете истину православного исповедания, то силен Господь возвратить здравие супруге вашей, если только это будет полезно обоим вам, Всеблагий Господь всегда устрояет только полезное, душеполезное и спасительное».

Преподобный Иларион, упоминая о болезнях детей, наставлял, как много значит Таинство Крещения, учил остерегаться обращения к знахарям:

«Человек обновляется в таинстве Святого Крещения, омывающем грехи его (Деян 22, 16). Но во свидетельство своей веры, он должен не только креститься во Христа, но после того и исполнять его заповеди. Отступничество от Бога, источника жизни, начинается чрез неразумныя действия родителей: часто тотчас же по обновлении младенца Святого Крещением, по отрицании сатаны и изгнании всякаго гнездившегося в его сердце нечистаго духа, его несут иногда прямо к бабкам, умеющим будто бы лечить болезни. И вот для ребенка начало хотя и безсознательного с его стороны отпадения от Бога.

Когда ребенок хворает, родители не у Бога ищут помощи, прибегают не к дозволенным и одобряемым Церковью разумным средствам, а к различным суеверным обычаям… И удивительно ли, что получив доступ к младенцу чрез такия нашептывания, умывания и сему подобные языческие обряды, а точнее – чрез отступничество от Бога родителей, диавол получает власть мучительно действовать на младенца, ребенок часто мучится в различных болезнях, например, в так называемой „младенческой» и в других, непонятных для врачей хворобах».

О терпении и смирении в болезни

О терпении и смирении в болезни напоминают все Оптинские старцы. Преподобный Амвросий отмечал:

«Хронические болезни, как телесные, так и душевные, неудобно лечатся, но у Бога всё возможно, только потребно терпение со смирением».

Преподобный Иосиф также писал о терпении:

«Господь да подаст тебе терпение в болезни. Упадать духом не надо, а надо молиться и просить у Бога терпения. Ты сознаёшься, что по грехам своим стоишь этой болезни. Это хорошо, вот и терпи, и не унывай, но приноси Господу покаяние в своих грехах и надейся на милосердие Господне. Телесными страданиями очистит Господь душевные скверны и прощение подаст. Терпи, и молись, и за всё Бога благодари».

И добавлял:

«И болезни, и безсонницу с терпением переноси. Видно, так Господу угодно, и надо потерпеть. Когда не спишь, то твори молитву».

Господь не ищет от человека подвигов сверх силы

Старцы Оптинские не требовали от болящих телесных подвигов. Преподобный Амвросий писал больному духовному чаду:

«Да ты больше сиди, где тебе стоять? В болезни это не требуется».

Преподобный Иосиф советовал:

«По болезненности не ходите в храм Божий. — Что делать? Ведь все видят и знают, что вы не ходите по болезни, и никто с вас за это не взыскивает. И Господь не ищет от человека подвигов сверх силы. Поэтому и не смущайтесь».

Боляй и служай единую мзду приемлют от Бога

Наставляли старцы и об уходе за больными. На жалобу больной, что ей неудобно принимать услуги от ухаживающих за ней, преподобный Макарий отвечал:

«Пишешь: тяготит тебя, что за тобою ходят, и усугубляет твою болезнь. Это искушение вражие. Оне ходят с любовию и состраждут тебе, за что, конечно, не лишатся от Бога награды: «Боляй и служай единую мзду приемлют от Бога!»

Но если доселе продолжается болезнь…

Некоторые больные остаются неисцелёнными, даже прибегув к мастерству врачей и Таинству покаяния. Преподобный Антоний писал по этому поводу так:

«Но, если доселе продолжается болезнь, то это не потому, будто бы не слышит Бог молитвы молящихся к Нему, но потому некоторых оставляет Он без исцеления, чтоб лучше и более облагодетельствовать человека страждущего, дабы чрез временное страдание освободить человека грешного не точию от вечных мучений за грехи, но и даровать ему спасение и соделать наследником небесного Царствия».

Здоровьем следует дорожить

Преподобный Иосиф называл здоровье «даром Божиим»:

«Пишете, что по тяжёлым обстоятельствам не следует гнаться за здоровьем и жизнию. Вообще, здоровьем и жизнию должно дорожить, ибо это есть дар Божий. А если где потребует крайняя необходимость, там, конечно, должно жертвовать и здоровьем, и жизнию. Но у Вас такой необходимости ещё нет».

Закончим главу о болезнях словами преподобного Анатолия (Зерцалова):

«Похворать можно, но только когда Бог пошлёт».

Преподобные отцы наши, старцы Оптинские, молите Бога о нас, грешных!https://www.pravoslavie.ru/ Ольга Рожнева

 

МОЛИТВЫ, ЧИТАЕМЫЕ В БОЛЕЗНЯХ И О БОЛЕЮЩИХ

МОЛИТВЫ КО ГОСПОДУ ИИСУСУ ХРИСТУ

 

Боже, очисти мя грешнаго и помилуй мя.

Создавый мя Господи, помилуй мя.

Без числа согреших, Господи, прости мя.

Царю Небесный… Трисвятое по Отче наш:

Тропарь, глас 4-й

Скорый в заступлении един сый, Христе, скорое свыше покажи посещение страждущему рабу Твоему, и избави от недуг и горьких болезней; и воздвигни во еже пети Тя и славити непрестанно, молитвами Богородицы, Едине Человеколюбче.

Кондак, глас 2-й

На одре болезни лежащаго и смертною раною уязвленнаго, якоже иногда воэдвигл еси, Спасе, Петрову тещу и разслабленнаго на одре носимаго; сице и ныне, Милосерде, страждущего посети и исцели: Ты бо един еси недуги и болезни рода нашего понесый и вся могий, яко Многомилостив.

Владыко Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молимся Тебе, Боже наш, раба Твоего (имя рек) немощствующа посети милостию Твоею, прости ему всякое согрешение вольное и невольное. Ей, Господи, врачебную Твою силу с небесе низпосли, прикоснися телеси, угаси огневицу, укроти страсть и всякую немощь таящуюся, буди врач раба Твоего (имя рек), воздвигни его от одра болезненнаго и от ложа озлобления цела и всесовершенна, даруй его Церкви Твоей благоугождающа и творяща волю Твою. Твое бо есть, еже миловати и спасати ны, Боже наш, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь.

Молитва в скорби или недуге

Спаси, Господи, и помилуй раба Твоего (имярек) словесами Божественного Евангелия Твоего, читаемыми о спасении раба твоего (имярек), Попали, Господи, терние всех согрешений его, и да вселится в него благодать Твоя, опаляющая, очищающая, освящающая всякого человека во имя Отца и Сына и Святого Духа. Аминь.

Женская молитва в болезни
Господи, видишь Ты мою болезнь. Ты знаешь, как я грешна и немощна; помоги мне терпеть и благодарить Твою Благость. Господи, сотвори, чтобы болезнь эта была в очищение многих моих грехов.
Владыко Господи, я в руках Твоих, помилуй меня по воле Твоей и, если мне полезно, исцели меня вскоре. Достойное по делам моим приемлю; помяни мя, Господи, во Царствии Твоем! Слава Богу за все!

Молитва в болезни первая
Господи Боже, Владыко жизни моей, Ты по благости Твоей сказал: не хочу смерти грешника, но чтоб он обратился и жив был. Я знаю, что эта болезнь, которою я страдаю, есть наказание Твое за мои грехи и беззакония; знаю, что по делам моим я заслужил тягчайшее наказание, но, Человеколюбче, поступай со мною не по злобе моей, а по беспредельному милосердию Твоему. Не пожелай смерти моей, но дай мне силы, чтобы я терпеливо сносил болезнь, как заслуженное мною испытание, и по исцелении от нее обратился всем сердцем, всею душою и всеми моими чувствами к Тебе, Господу Богу, Создателю моему, и жив был для исполнения святых Твоих заповедей, для спокойствия моих родных и для моего благополучия. Аминь.

Молитва в болезни вторая
Владыко Вседержителю, врачу душ и телес, смиряяй и возносяй, наказуяй и паки исцеляяй; брата нашего (имярек) немощетвующа посети милостию Твоею, простри мышцу Твою, исполнену исцеления и врачбы, и исцели его, возставляй от одра и немощи, запрети духу немощи, остави от него всяку язву, всяку болезнь, всяку рану, всяку огневицу и трясавицу. И аще есть в нем согрешение или беззаконие, ослаби, остави, прости, Твоего ради человеколюбия.

МОЛИТВЫ КО ПРЕСВЯТОЙ БОГОРОДИЦЕ

Молитва

Пресвятая Богородице, всесильным заступлением Твоим помоги мне умолить Сына Твоего, Бога моего, об исцелении раба Божия (имя).

Молитва

Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь; помо-зи ми яко немощну, окорми мя яко странна. Обиду мою веси, разреши ту, яко волиши; яко не имам иныя помощи, разве Тебе, ни иныя предстательницы, ни благия утешительницы, токмо Тебе, о Богомати, яко да сохраниши мя и покрыеши во веки веков. Аминь.

Кондак

Не имамы иныя помощи, не имамы иныя надежды, разве Тебе, Пречистая Дево, Ты нам по-мози, на Тебе надеемся и Тобою хвалимся, Твой бо есмы раби, да не постыдимся.

Величание

Величаем Тя, Пресвятая Дево, Богоизбранная Отроковице, и чтим образ Твой святый, имже то-чиши исцеления всем с верою притекающим.

МОЛИТВА ВСЕМ СВЯТЫМ И БЕСПЛОТНЫМ СИЛАМ НЕБЕСНЫМ

Боже святый и во святых почиваяй, трисвятым гласом на небеси от Ангел воспеваемый, на земли от человек во святых Своих хвалимый: давый Святым Твоим Духом комуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, их же словом проповеди.

Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе нам образ добрых подвигов своих оставивше, в радости прешедшии, готови, в нем же сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго, в них действовавшаго, восхваляю, и онех благотворения Твоя дарования быти веруя, прилежно молю Тя, Святе святых, даждь ми грешному последовати их учению, паче те Твоею вседействующею благодатию, небесныя с ними сподобитися славы, хваляще пресвятое имя Твое, Отца и Сына и Святаго Духа вовеки. Аминь.

МОЛИТВЫ КО СВЯТЫМ БОЖИИМ

МОЛИТВЫ АНГЕЛУ-ХРАНИТЕЛЮ

Молитва первая
Ангеле Христов святый, к тебе припадая молюся, хранителю мой святый, преданный мне на соблюдение души и телу моему грешному от святого крещения, аз же своею леностию и своим злым обычаем прогневах твою препричистую светлость и отгнах тя от себе всеми студными делы: лжами, клеветами, завистию, осуждением, презорством, непокорством, братоненавидением и злопомнением, сребролюбием, прелюбодеянием, яростию, скупостию, объядением без сытости и опивством, многоглаголанием, злыми помыслы и лукавыми, гордым обычаем и блудным взбешением, имый самохотение на всякое плотское вожделение, о злое мое произволение, его же и скоти безсловеснии не творят! Да како возможеши возрети на мя или приступити ко мне, аки ко псу смердящему? Которыма очима, Ангеле Христов, воззриши на мя, оплетшася зле во гнусных делах? Да како уже возмогу отпущения просити горьким и злым моим и лукавым деяниям, в няже впадаю по вся дни и нощи и на всяк час?
Но молюся ти припадая, хранителю мой святый, умилосердися на мя грешнаго и недостойного раба твоего (имярек), буди ми помощник и заступник на злаго моего сопротивника, святыми твоими молитвами, и Царствия Божия причастника мя сотвори со всеми святыми, всегда, и ныне, и присно, и во веки веков. Аминь.

Каждый из нас, приняв святое Крещение, получает от Господа чудный дар – Ангела-Хранителя, который с этого дня и до самой смерти будет оберегать нас от бед и несчастий, от греховных мыслей и поступков, помогать находить правильный путь в жизни. Ангел-Хранитель видит и слышит все наши мысли, знает о самых сокровенных наших желаниях и потребностях. Помните о том, что Ангел-Хранитель есть у каждого крещеного человека, и помогает ему, даже если тот, в своем неразумении, не обращается к нему с молитвами.

Молитва вторая
О святый Ангеле, хранителю и покровителю мой благий! С сердцем сокрушенным и душею болезненною предстою ти, моляся: услыши мя, грешнаго раба своего (имя рек), с воплем крепким и плачем горьким вопиющаго; не помяни беззаконий моих и неправд, имиже аз, окаянный, прогневляю тя по вся дни и часы и мерзостна себе творю пред Создателем нашим Господем; явися мне милосерд и не отлучайся мене, сквернаго, даже до кончины моея; возбуди мя от сна греховнаго и пособствуй твоими молитвами прочее время живота моего без порока преити и сотворити плоды достойны покаяния, паче же от смертных падений греховных соблюди мя, да не погибну во отчаянии, и да не порадуется враг о погибели моей.

Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне, непотребнем и паче всех грешнейшем, да не изымет Преблагий души моея в день нечаяния моего и в день творения злобы. Не престай убо умилостивляя Премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами, да спасет мя, да накажет мя зде по неизреченней милости Своей, но да не обличит и не истяжет мя онамо по нелицеприятному правосудию Своему; да сподобит мя покаяние принести, с покаянием же Божественное Причащение достойне прияти, о сем паче молю и таковаго дара всеусердно желаю.

В страшный же час смерти неотступен буди ми, благий хранителю мой, прогоняя мрачныя демоны, имущия устрашити претрепетную душу мою; защити мя от тех ловления, егда имам преходити воздушныя мытарства, да, храним тобою, безбедно достигну рая, ми вожделеннаго, идеже лицы святых и горних Сил непрестанно восхваляют всечестное и великолепое имя в Троице славимаго Бога, Отца и Сына и Святаго Духа, Ему же подобает честь и поклонение во веки веков. Аминь.

СВЯТОМУ ВЕЛИКОМУЧЕНИКУ И ЦЕЛИТЕЛЮ ПАНТЕЛЕЙМОНУ

О великий угодниче Христов, страстотерпче и врачу многомилостивый Пантелеимоне! Умилосер-дися надо мною, грешным рабом, услыши стенание и вопль мой, умилостиви Небеснаго Верховна-го Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благода-тию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

Тропарь

Страстотерпче святый и целебниче Пантелеймоне, моли Милостиваго Бога, да прегрешений оставление подаст душам нашим.

СВЯТОМУ ПРЕПОДОБНОМУ САПСОНУ СТРАННОПРИИМЦУ

О теплый молитвенниче, благостный отче, преподобне Сампсоне! Моли Бога о мне грешнем, и низпосли от Всеблагаго Владыки помощь ми и избавление, привременна бо есть жизнь моя и исполнена труда, скорбей и болезней.

Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное, да славлю прославльшагося в тебе Господа во веки. Аминь.

СВЯТОЙ ВЕЛИКОМУЧЕНИЦЕ ВАРВАРЕ 

Молитва первая

Святая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них Самаго Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему — безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков. Аминь.

Молитва вторая

Премудрая и всекрасная святая великомученице Христова Варваро! Блаженна еси, яко Премирная мудрость Божия плоть и кровь не яви тебе, но Сам Бог, Отец Небесный, Иже тебе, веры ради от невернаго отца оставленную, изгнанную и умерщвленную, в дщерь Себе возлюбленную прият; за тленное земнаго имения наследие плоти нетление дарова; труды мученическия упокоением Небеснаго измени Царствия; временное твое житие, смертию Его ради пресеченное, сицевою воспрослави почестию, яко душу с лики Небесных вчини духов, тело же, на земли в храме их ангельском положенное, Ангелом заповеда сохранити цело, честно и многочудесно. Блаженна еси, Христу Сыну Божию, Жениху Небесному, уневещанная дево, Егоже доброты твоея Рачителя имети желающи, всю себе страданием, ранами, удов резанием и самыя главы усечением, аки утварьми дражайшими, потщалася еси украсити: да тако, яко жена, верна главе своей — мужу, Христу духом и телом соединишися неразлучно, глаголющи: «Обретох, Егоже возлюби душа моя, удержах Его и не оставих Его». Блаженна еси, яко Святый Дух на тебе почил есть, имже духовными духовная разсуждати научена, вся духи лукавствия во идолех яко пагубныя отринула еси и Единаго Бога Духа познавши, яко истинная поклонница, духом и истиною кланятися изволила еси, проповеднически глаголющи: «Троицу чту, Едино Божество». Сию Святую Троицу, Юже в животе и смерти исповеданием и страданием своим прославила еси, умоли о мне, предстательнице моя, яко да и аз всегда тройственною веры, любве и надежды добродетелию, Туюжде Святую Троицу почитаю. Имам светильник веры, но празден благих дел елеа; ты, мудрая дево, страдальческую плоть твою, крове исполненную и ранами преливающуюся, аки светильник имущая, даждь от елеа твоего, да тем душевную мою свещу украсивши, сподоблюся по тебе в Чертог Небесный внити. Пресельник аз есмь на земли и пришлец, якоже вси отцы мои; благ вечных наследнице и блаженныя вечери в Царствии Небеснем причастнице, яко в странствии жития, Трапезы Божественныя угодения, сице и во исходе от мира желаемаго сподоби мя напутствования; и егда в конец сном смерти начну усыпати, коснися тогда изнемогающия плоти моея, яко иногда Ангел Илии, глаголющи: востани, яждь и пий; яко да благодатию Божественных Тела и Крове Тайн укреплен, преиду в крепости яди тоя далекий путь смерти, даже до Горы Небесныя: и тамо, Егоже ты чрез три окна банныя прежде верою Бога Троицу узрела еси, Сего купно с тобою лицем к лицу да удостоюся видети и славити Его в некончаемыя веки. Аминь.

СВЯТОМУ АГАПИТУ ПЕЧЕРСКОМУ, ВРАЧУ БЕЗМЕЗДНОМУ

Молитва первая
О, всеблаженне Агапите, земный ангеле и небесный человече! Припадаем к тебе с верою и любовию и молим ти ся прилежно: яви нам, смиренным и грешным, святое свое заступление; се бо грех ради наших не имамы свободы чад Божиих просити о потребах наших Господа и Владыку нашего, но тебе, молитвенника благоприятна, к Нему предлагаем и просим тя со усердием многим: испроси нам от благости Его благопотребныя дары душам и телесем нашим: веру праву, любовь ко всем нелицемерну, в злостраданиих — терпение, тяжкими болезнями одержимым — от недугов исцеление, под бременем скорбей и напастей неудобоносимых падающим и жития своего отчаявшимся твоими молитвами получити скорое облегчение и избавление. Не забуди, блаженне отче, и обитель твою святую, присно тя чтущую, и соблюди ю и всех, живущих и подвизающихся в ней и на поклонение в ню приходящих, невредимыми от искушений диавольских и всякаго зла. Егда же приспеет наше от временнаго сего жития отшествие и к вечности преселение, не лиши нас помощи твоея небесныя, но молитвами твоими всех нас приведи в пристанище спасения и наследники яви нас быти всесветлаго Царствия Христова, да поем и славим неизреченныя щедроты Человеколюбца Бога, Отца и Сына и Святаго Духа, и твое вкупе с преподобными Антонием и Феодосием отеческое зaступление во веки веков. Аминь.

Молитва вторая 
Преподобне отче Агапите! Воззри на нас милостивно и к земли приверженных возведи к высоте небесней. Ты – горе на небеси, мы – на земли низу, удалены от тебе не толико местом, елико грехами своими и беззаконии, но к тебе прибегем и взываем: настави нас ходити путем твоим, вразуми и руководствуй нас. Вся твоя святая жизнь бысть зерцалом всякия добродетели. Не престани, угодниче Божий, о нас вопити ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедают тя быти своего покровителя и заступника. Яви древния милости твоя, ихже отцем вспомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи нас, малодушных, и утверди в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

 

МОЛИТВА О ТЕРПЕНИИ БОЛЕЗНЕЙ ИОВУ МНОГОСТРАДАЛЬНОМУ

Кондак, глас 8
Яко истинен и праведен, благочестив и непорочен, освящен же явлься, всеславне, Божий угодниче истинный, просветил еси мир в терпении Твоем, терпеливейший и доблейший темже вси, богомудре, память твою воспеваем.

Тропарь, глас 2-й
Память праведнаго Твоего Иова, Господи, празднующе, тем Тя молим: избави нас от наветов и сетей лукаваго диавола и спаси души наша, яко Человеколюбец.

Молитва
О великий праведниче, Иове Многострадальне, чистым житием своим и святою близостию к Богу просиявый. Ты до Моисеа и Христа на земли пожил еси, вся же заповеди Божия, нося их в сердце своем, исполнял еси. Явленныя миру чрез Христа и Его Святых апостолов тайны, глубокими своими откровении уразумев, причастник веяний Духа Свята быти сподобился еси. Всякия козни диавольския, в посланных тебе от Господа особых искушениих, истинным смирением своим препобедив, образ злострадания и долготерпения всей вселенней явился еси. Любовь велию к Богу и ко всем людем в безмерных своих скорбех сохранив, чистым сердцем за гробом единения с Господем радостно ожидал еси. Ныне же в селениих праведных пребываеши и Престолу Божию предстоиши. Услыши нас, грешных и непотребных, пред святою иконою твоею предстоящих и усердно к ходатайству твоему прибегающих. Моли Человеколюбца Бога, да к вере крепцей, непорочней и нерушимей нас утвердит, от всякаго зла враг видимых и невидимых защитит, в скорбех и искушениих нам крепость подаст, в сердцах наших память смертную присно сохранит, в долготерпении и братолюбии укрепит, и сподобит нас на страшнем суде Христове добрый ответ дати и в воскрешенней плоти нашей Триединаго Бога созерцати и славу Ему со всеми святыми воспевати во веки веков. Аминь.

СВЯЩЕННОМУЧЕНИКУ ЕРМОЛАЕ НИКОМИДИЙСКОМУ, НАСТАВНИКУ ПАНТЕЛЕЙМОНА

Тропарь, глас 1-й
Миром благодати помазан, преблаженне отче Ермолае, иерей Бога Вышняго явился еси и благочестия светлый проповедник, мученик же твердый и безмездный врач притекающих к тебе.

Кондак, глас 4-й
Яко святитель благочестно пожив и священномучения венец приял еси. Идольския жертвы погасив, добрый пастырь Христова стада был еси, премудре, и Пантелеимону истинный учитель. Сего ради почитаем тя песньми, вопиюще: от бед избави нас присно молитвами твоими, Ермолае, отче наш.

Молитва
О преславный священномучениче Ермолае и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и расслабленныя укрепляти. Сего ради к тебе, яко благодатному врачу болезней, аз немощный прибегаю и, твой досточтимый образ с благоговением лобызая, молюся: твоим предстательством у Царя Небеснаго испроси мне болящему исцеление от удручающия мя болезни, аще бо и недостоин есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна твоего заступления чрез мое обращение от злых дел к благому житию, уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако, тихое и безмолвное житие пожив во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.

СВЯТЫМ БЕССЕРЕБРЕНИКАМ КОСМЕ И ДАМИАНУ, ЧУДОТВОРЧАМ АСИЙСКИМ

Молитва
К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклонше колена, прибегаем и, припадающе, усердно вопием: не презрите моления нас грешных, немощных, во многая беззакония впадших и по вся дни и часы согрешающих.

Умолите Господа, да пробавит нам, недостойным рабом Своим, великия и богатыя Своя милости, избавьте нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры безмезднаго врачевания и мученическия кончины вашея.

Паки, припадающе, прилежно молим: испросите нам от Господа вся благополезная, яже в животе нашем временном, наипаче же ко спасению вечному належащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем.

Ей, угодницы Божии, не престайте молящеся за ны, с верою к вам притекающия, аще бо по множеству грехов наших и несмы достойни милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне и присно и во веки веков. Аминь.

МУЧЕНИКАМ БОРИСУ И ГЛЕБУ, БЛАГОВЕРНЫМ КНЯЗЬЯМ СТРАСТОТЕРПЦАМ

Молитва
О, двоице священная, братие прекрасная, доблии страстотерпцы Борисе и Глебе, от юности Христу верою, чистотою и любовию послужившии, и кровми своими, яко багряницею украсившиися и ныне со Христом царствующии, не забудите и нас сущих на земли, но яко теплии заступницы, вашим сильным ходатайством пред Христом Богом, сохраните юных во святей вере и чистоте неврежденными от всякаго прилога неверия и нечистоты, оградите всех нас от всякия скорби, озлоблений и напрасныя смерти, укротите всякую вражду и злобу, действом воздвизаемую от ближних и чуждых. Молим вас, христолюбивии страстотерпцы, испросите у Великодаровитаго Владыки всем нам оставление прегрешений наших, единомыслие и здравие, избавление от нашествия иноплеменных, междоусобныя брани, язвы и глада. Снабдевайте своим заступлением всех чтущих святую память вашу во веки веков. Аминь.

СВЯТИТЕЛЮ НИКОЛАЮ ЧУДОТВОРЦУ, МИР ЛИКИЙСКИХ

Тропарь

Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ я́же веще́й и́стина;/ сего́ ра́ди стяжа́л еси́ смире́нием высо́кая,/ нището́ю бога́тая./ О́тче священнонача́льниче Нико́лае,/ моли́ Христа́ Бо́га// спасти́ся душа́м на́шим.

Кондак, глас 3

В Ми́рех, свя́те, священноде́йствитель показа́лся еси́:/ Христо́во бо, преподо́бне, Ева́нгелие испо́лнив,/ положи́л еси́ ду́шу твою́ о лю́дех твои́х/ и спасл еси́ непови́нныя от сме́рти;// сего́ ра́ди освяти́лся еси́, я́ко вели́кий таи́нник Бо́жия благода́ти.

Молитва первая

О, всесвяты́й Нико́лае, уго́дниче преизря́дный Госпо́день, теплый наш засту́пниче и везде́ в скорбех ско́рый помо́щниче. Помози́ мне, гре́шному и уны́лому, в настоя́щем житии́, умоли́ Го́спода Бо́га дарова́ти ми оставле́ние всех мои́х грехо́в, ели́ко согреши́х от ю́ности моея́, во всем житии́ мое́м, де́лом, сло́вом, помышле́нием и все́ми мои́ми чу́вствы, и во исхо́де души́ моея́ помози́ ми, окая́нному, умоли́ Го́спода Бо́га, всея́ тва́ри Соде́теля, изба́вити мя возду́шных мыта́рств и ве́чнаго муче́ния, да всегда́ прославля́ю Отца́, и Сы́на, и Свята́го Ду́ха и твое́ ми́лостивное предста́тельство, ны́не, и при́сно, и во ве́ки веко́в. Ами́нь.

Молитва вторая

О, всеблаги́й о́тче Нико́лае, па́стырю и учи́телю всех, ве́рою притека́ющих ко твоему́ заступле́нию и те́плою моли́твою тебе́ призыва́ющих, ско́ро потщи́ся и изба́ви Христо́во ста́до от волко́в, губя́щих е, и вся́ку страну́ христиа́нскую огради́ и сохрани́ святы́ми твои́ми моли́твами от мирска́го мяте́жа, тру́са, наше́ствия иноплеме́нников и междоусо́бныя бра́ни, от гла́да, пото́па, огня́, меча́ и напра́сныя сме́рти. И я́коже поми́ловал еси́ трие́х муже́й, в темни́це седя́щих, и изба́вил еси́ их царе́ва гне́ва и посече́ния ме́чного, та́ко поми́луй и мене́, умо́м, сло́вом и де́лом во тьме грехо́в су́ща, и изба́ви мя гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию Христо́с Бог ти́хое и безгре́шное житие́ даст ми пожи́ти в ве́це сем и изба́вит мя шу́ияго стоя́ния, сподо́бит же десна́го со все́ми святы́ми. Ами́нь.

Молитва третья

О, до́брый наш па́стырю и богому́дрый наста́вниче, святи́телю Христо́в Нико́лае! Услы́ши нас гре́шных (имена), моля́щихся тебе́ и призыва́ющих в по́мощь ско́рое предста́тельство твое́; виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных; потщи́ся, уго́дниче Бо́жий, не оста́вити нас в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, Ему́же ты со безпло́тными ли́ки предстои́ши: ми́лостива к нам сотвори́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шим и по нечистоте́ серде́ц на́ших, но по Свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, и укроти́ во́лны страсте́й и бед возстаю́щих на нас, да ра́ди святы́х твои́х моли́тв не обы́мет нас напасть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст нам ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в. Ами́нь.

Молитва четвертая

О, вели́кий засту́пниче, архиере́ю Бо́жий, Нико́лае преблаже́нне, и́же подсо́лнечную осия́вый чудесы́, призыва́ющим же тя ско́рый услы́шатель явля́йяся, и́хже при́сно предваря́еши и спаса́еши, и избавля́еши, и от бед вся́ческих изъима́еши, от Бо́га да́нною ти чуде́с и даро́в благода́тию! Услы́ши мя недосто́йнаго, с ве́рою тя призыва́юща и моле́бное тебе́ принося́ща пе́ние; тебе́ бо хода́тая на умоле́ние ко Христу́ предлага́ю. О преслову́щий в чудесе́х, святи́телем высото́! я́ко име́яй дерзнове́ние, ско́ро Влады́це предста́ни, и преподо́бнии свои́ ру́це моле́бне к Нему́ простри́ о мне гре́шнем, и от Него́ щедро́ты бла́гости пода́ждь ми, и приими́ мя в свое́ заступле́ние, и от всех бед и зол мя изба́ви, от наше́ствия враго́в ви́димых и неви́димых свобожда́я, и тех всех наве́ты и злохи́трства погубля́я, и борю́щих мя во всей жи́зни мое́й отража́я; прегреше́нием же мои́м проще́ние испроси́, и спасе́на мя Христу́ предста́ви и Ца́рствия Небе́снаго сподо́би улучи́ти за мно́жество Того́ человеколю́бия, Ему́же подоба́ет вся́ка сла́ва, честь и поклоне́ние, со безнача́льным его Отце́м, и с Пресвяты́м и Благи́м и Животворя́щим Ду́хом, ны́не и при́сно и во ве́ки веко́в. Ами́нь.

Молитва пятая

О, всехва́льный и всечестны́й архиере́ю, вели́кий чудотво́рче, святи́телю Христо́в, о́тче Нико́лае, челове́че Бо́жий и ве́рный ра́бе, му́жу жела́ний, сосу́де избра́нный, кре́пкий сто́лпе церко́вный, свети́льниче пресве́тлый, звездо́ осиява́ющая и освеща́ющая всю вселе́нную. Ты еси́ пра́ведник, я́ко фи́никс процве́тший, насажде́нный во дво́рех Го́спода своего́, живы́й в Ми́рех, ми́ром облагоуха́л еси́ и ми́ро приснотеку́щее благода́ти Бо́жия источа́яй. Твои́м ше́ствием, пресвяты́й о́тче, мо́ре освяти́ся, егда́ многочуде́сныя твоя́ мо́щи ше́ствоваху во град Ба́рский, от восто́ка до за́пада хвали́ти и́мя Госпо́дне. О преизя́щный и преди́вный чудотво́рче, ско́рый помо́щниче, те́плый засту́пниче, па́стырю предо́брый, спаса́ющий слове́сное ста́до от вся́ких бед! Тебе́ прославля́ем и тебе́ велича́ем, я́ко наде́жду всех христиа́н, исто́чника чуде́с, защи́тителя ве́рных, прему́драго учи́теля, а́лчущих корми́теля, пла́чущих весе́лие, наги́х одея́ние, боля́щих врача́, по мо́рю пла́вающих управи́теля, пле́нников свободи́теля, вдов и сиро́т пита́теля и засту́пника, целому́дрия храни́теля, младе́нцев кро́ткаго наказа́теля, ста́рых укрепле́ние, по́стников наста́вника, тружда́ющихся упокое́ние, ни́щих и убо́гих изоби́льное бога́тство. Услы́ши нас, моля́щихся тебе́ и прибега́ющих под кров твой, яви́ предста́тельство твое́ о нас к Вы́шнему и исхода́тайствуй твои́ми богоприя́тными моли́твами вся поле́зная ко спасе́нию душ и теле́с на́ших: сохрани́ святу́ю оби́тель сию́ (или́ храм сей), вся́кий град и весь, и вся́кую страну́ христиа́нскую, и лю́ди живу́щия от вся́каго озлобле́ния по́мощию твое́ю, ве́мы бо, ве́мы, я́ко мно́го мо́жет моли́тва пра́веднаго, поспешеству́ющая во благо́е; тебе́ же пра́веднаго, по Преблагослове́нней Де́ве Мари́и, предста́теля ко Всеми́лостивому Бо́гу и́мамы, и к твоему́, преблаги́й о́тче, те́плому хода́тайству и заступле́нию смире́нно притека́ем: ты нас соблюди́, я́ко бо́дрый и до́брый па́стырь, от вся́ких враго́в, губи́тельства, тру́са, гра́да, гла́да, пото́па, огня́, меча́, наше́ствия иноплеме́нников, и во вся́ких беда́х и ско́рбех на́ших подава́й нам ру́ку по́мощи, и отве́рзи две́ри милосе́рдия Бо́жия: поне́же недосто́йни есмы́ зре́ти высоту́ небе́сную, от мно́жества непра́вд на́ших, свя́зани у́зами грехо́вными, и николи́же во́ли Созда́теля на́шего сотвори́хом, ни сохрани́хом повеле́ний Его́. Те́мже преклоня́ем коле́на сокруше́нна и смире́нна се́рдца на́шего к Зижди́телю своему́, и твоего́ оте́ческаго заступле́ния к Нему́ про́сим: помози́ нам, уго́дниче Бо́жий, да не поги́бнем со беззако́нии на́шими, изба́ви нас от вся́каго зла и от вся́кия ве́щи сопроти́вныя, упра́ви ум наш и укрепи́ се́рдце на́ше в пра́вой ве́ре, в не́йже твои́м предста́тельством и хода́тайством, ни ра́нами, ни преще́нием, ни мо́ром, ни ко́им гне́вом от Созда́теля своего́ ума́лени бу́дем, но ми́рное зде поживе́м житие́ и да сподо́бимся ви́дети блага́я на земли́ живы́х, сла́вяще Отца́ и Сы́на и Свята́го Ду́ха, Еди́наго в Тро́ице сла́вимаго Бо́га и покланя́емаго, ны́не, и при́сно, и во ве́ки веко́в. Ами́нь.

Линое прошение

О, святи́телю Христо́в Нико́лае! Услы́ши нас, гре́шных, моля́щихся тебе́ (имя) и призыва́ющих в по́мощь ско́рое предста́тельство твое́. Ми́лостива к нам сотвори́ Бо́га на́шего, да по Свое́й бла́гости пода́ст нам (содержание прошения). Изба́ви нас, уго́дниче Христо́в, от зол, находя́щих на нас, и во вся́кой жите́йской нужде́ и потре́бе посли́ нам свою́ по́мощь. Ами́нь.

ПРЕПОДОБНОМУ СЕРГИЮ РАДОНЕЖСКОМУ

Тропарь, глас 4

И́же доброде́телей подви́жник,/ я́ко и́стинный во́ин Христа́ Бо́га,/ на стра́сти вельми́ подвиза́лся еси́ в жи́зни вре́менней,/ в пе́ниих, бде́ниих же и поще́ниих о́браз быв твои́м ученико́м;/ те́мже и всели́ся в тя Пресвяты́й Дух,/ Его́же де́йствием све́тло укра́шен еси́./ Но я́ко име́я дерзнове́ние ко Святе́й Тро́ице,/ помина́й ста́до, е́же собра́л еси́, му́дре,/ и не забу́ди, я́коже обеща́лся еси́,/ посеща́я чад твои́х,// Се́ргие преподо́бне, о́тче наш.

Перевод: Добродетелей подвижник, ты, как истинный воин Христа Бога, против страстей крепко подвизался в жизни временной, в псалмопении, бдении и постах став примером для твоих учеников. Потому и вселился в тебя Пресвятой Дух: Его действием ты украшен светло. Но имея дерзновение ко Святой Троице, поминай стадо, собранное тобой премудро, и не забудь, как ты обещал, посещать детей твоих, Сергий, преподобный отче наш.

Кондак, глас 8

Христо́вою любо́вию уязви́вся, преподо́бне,/ и Тому́ невозвра́тным жела́нием после́довав,/ вся́кое наслажде́ние плотско́е возненави́дел еси́,/ и я́ко со́лнце Отече́ству твоему́ возсия́л еси́;/ тем и Христо́с да́ром чуде́с обогати́ тя./ Помина́й нас чту́щих пресве́тлую па́мять твою́, да зове́м ти:// ра́дуйся, Се́ргие Богому́дре.

Молитва первая

О свяще́нная главо́, преподо́бне и Богоно́сне о́тче наш Се́ргие, моли́твою твое́ю, и ве́рою и любо́вию, я́же к Бо́гу, и чистото́ю се́рдца, еще́ на земли́ во оби́тель Пресвяты́я Тро́ицы ду́шу твою́ устро́ивый, и а́нгельскаго обще́ния и Пресвяты́я Богоро́дицы посеще́ния сподо́бивыйся, и дар чудоде́йственныя благода́ти прие́мый, по отше́ствии же твое́м от земны́х наипа́че к Бо́гу прибли́живыйся, и небе́сныя си́лы приобщи́выйся, но и от нас ду́хом любве́ своея́ не отступи́вый, и честны́я твоя́ мо́щи, я́ко сосу́д благода́ти по́лный и преизлива́ющийся, нам оста́вивый! Ве́лие име́я дерзнове́ние ко Всеми́лостивому Влады́це, моли́ спасти́ рабы́ Его́, су́щей в тебе́ благода́ти Его́ ве́рующия и к тебе́ с любо́вию притека́ющия. Испроси́ нам от Великодарови́таго Бо́га на́шего вся́кий дар, всем и коему́ждо благопотре́бен, ве́ры непоро́чны соблюде́ние, градо́в на́ших утвержде́ние, ми́ра умире́ние, от гла́да и па́губы избавле́ние, от наше́ствия иноплеме́нных сохране́ние, скорбя́щим утеше́ние, неду́гующим исцеле́ние, па́дшим возставле́ние, заблужда́ющим на путь и́стины и спасе́ния возвраще́ние, подвиза́ющимся укрепле́ние, благоде́лающим в дела́х благи́х преспе́яние и благослове́ние, младе́нцем воспита́ние, ю́ным наставле́ние, неве́дущим вразумле́ние, сирота́м и вдови́цам заступле́ние, отходя́щим от сего́ вре́меннаго жития́ к ве́чному благо́е уготовле́ние и напу́тствие, отше́дшим блаже́нное упокое́ние, и вся ны споспешеству́ющими твои́ми моли́твами сподо́би в день Стра́шнаго суда́ шу́ия ча́сти изба́витися, десны́я же страны́ о́бщники бы́ти и блаже́нный о́ный глас Влады́ки Христа́ услы́шати: прииди́те, благослове́ннии Отца́ Моего́, насле́дуйте угото́ванное вам ца́рствие от сложе́ния ми́ра. Ами́нь.

Молитва вторая

О свяще́нная главо́, преподо́бне о́тче, преблаже́нне а́вво Се́ргие вели́кий! Не забу́ди убо́гих свои́х до конца́, но помина́й нас во святы́х свои́х и благоприя́тных моли́твах к Бо́гу. Помяни́ ста́до свое́, е́же сам упа́сл еси́, и не забу́ди посеща́ти чад свои́х. Моли́ за ны, о́тче свяще́нный, за де́ти своя́ духо́вныя, я́ко име́я дерзнове́ние к Небе́сному Царю́, не премолчи́ за ны ко Го́споду и не пре́зри нас, ве́рою и любо́вию чту́щих тя. Помина́й нас, недосто́йных, у престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо и те́лом преста́вился еси́ от нас, но и по сме́рти жив сый пребыва́еши. Не отступа́й от нас ду́хом, сохраня́я нас от стрел вра́жиих, и вся́кия пре́лести бесо́вския, и ко́зней диа́вольских, па́стырю наш до́брый; а́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у престо́ла Вседержи́теля предстоя́щи, досто́йно весели́тся. Ве́дуще бо тя вои́стинну и по сме́рти жи́ва су́ща, тебе́ припа́даем и тебе́ мо́лимся, е́же моли́тися о нас Всеси́льному Бо́гу о по́льзе душ на́ших, и испроси́ти вре́мя на покая́ние, и о невозбра́нном преи́ти от земли́ на Не́бо, мыта́рств же го́рьких, бесо́в, возду́шных князе́й и ве́чныя му́ки изба́витися, и Небе́сному Ца́рствию насле́дником бы́ти со все́ми пра́ведными, от ве́ка угоди́вшими Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние со Безнача́льным Его́ Отце́м и с Пресвяты́м, и Благи́м, и Животворя́щим Его́ Ду́хом ны́не, и при́сно, и во ве́ки веко́в. Ами́нь.

Молитва третья

О Небе́снаго граждани́не Иерусали́ма, преподо́бне о́тче Се́ргие! Воззри́ на нас ми́лостиво и к земли́ приве́рженных возведи́ к высоте́ Небе́сней. Ты горе́ на Небеси́; мы, на земли́ ни́зу, удалены́ от Тебе́ не толи́ко ме́стом, ели́ко греха́ми свои́ми и беззако́ниями; но к тебе́, я́ко нам сро́дному, прибега́ем и взыва́ем: наста́ви нас ходи́ти путе́м твои́м, вразуми́ и руково́дствуй. Сво́йственно есть тебе́, о́тче наш, благоутро́бие и человеколю́бие: на земли́ живу́щу, не о свое́м то́кмо спасе́нии бысть тебе́ попече́ние, но и о всех к тебе́ притека́ющих. Наставле́ния твоя́ бы́ша тро́стию кни́жника скоропи́сца, на се́рдце ка́ждаго глаго́лы жи́зни начертава́ющаго. Не теле́сныя то́кмо врачева́л еси́ боле́зни, но па́че душе́вных врач изя́щный яви́лся еси́; и вся твоя́ свята́я жизнь бысть зерца́лом вся́кия доброде́тели. А́ще толи́к был еси́, свя́тче Бо́жий, на земли́, коли́к ны́не еси́, на Небеси́! Ты Днесь предстои́ши Престо́лу Све́та Непристу́пнаго и в нем, я́ко в зерца́ле, зри́ши вся на́ши ну́жды и проше́ния; ты водворя́ешися вку́пе со А́нгелы, о еди́ном гре́шнице ка́ющемся ра́дующимися. И человеколю́бие Бо́жие есть неистощи́мо, и твое́ к Нему́ дерзнове́ние мно́го, не преста́ни о нас вопия́ ко Го́споду. Испроси́ предста́тельством свои́м у Всеми́лостиваго Бо́га на́шего мир Це́ркви Его́, под зна́мением креста́ во́инствующей, согла́сие в ве́ре и единому́дрие, суему́дрия же и раско́лов истребле́ние, утвержде́ние во благи́х де́лех, больны́м исцеле́ние, печа́льным утеше́ние, оби́женным заступле́ние, бе́дствующим по́мощь. Не посрами́ нас, к тебе́ с ве́рою притека́ющих. Аще бо и недосто́йни есмы́ толи́каго отца́ и хода́тая, но ты, быв подража́тель человеколю́бия Бо́жия, сотвори́ нас досто́йны чрез обраще́ние от злых дел к благо́му житию́. Вся богопросвеще́нная Росси́я, твои́ми чудесы́ испо́лненная и ми́лостями облагоде́тельствованная, испове́дует тя бы́ти своего́ покрови́теля и засту́пника. Яви́ дре́вния ми́лости твоя́ и и́хже отце́м спомоществова́л еси́, не отри́ни и нас, чад их, стопа́ми их к тебе́ ше́ствующих. Ве́руем, я́ко ду́хом нам сопрису́тствуеши. Иде́же бо есть Госпо́дь, я́коже сло́во Его́ учи́т нас, та́мо и слуга́ Его́ бу́дет. Ты ве́рный еси́ раб Госпо́день, и Бо́гу везде́ су́щу, ты в Нем еси́, и Он в тебе́ есть, па́че же и те́лом с на́ми еси́. Се нетле́нныя и живоно́сныя твоя́ мо́щи, я́ко сокро́вище безце́нное, вручи́ нам чуде́с Бог. Предстоя́ще им, я́ко тебе́ жи́ву су́щу, припа́даем и мо́лимся: приими́ моле́ния на́ша и вознеси́ их на же́ртвенник благоутро́бия Бо́жия, да прии́мем тобо́ю благода́ть и благовре́менну в ну́ждах на́ших по́мощь. Укрепи́ на́ше малоду́шие и утверди́ нас в ве́ре, да несомне́нно упова́ем получи́ти вся блага́я от благосе́рдия Влады́ки моли́твами твои́ми. Па́ству же твою́ духо́вную, тобо́ю со́бранную, не преста́ни управля́ти жезло́м духо́вныя му́дрости: подвиза́ющимся помози́, разсла́бленных возста́ви, споспеши́ и́го Христо́во нести́ во благоду́шии и терпе́нии и всех нас упра́ви в ми́ре и покая́нии сконча́ти живо́т наш и пресели́тися со упова́нием в блаже́нная не́дра Авраа́мова, иде́же ты ра́достно по труде́х и по́двизех ны́не почива́еши, прославля́я со все́ми святы́ми Бо́га, в Тро́ице сла́вимаго, Отца́ и Сы́на и Свята́го Ду́ха. Ами́нь.

ПРЕПОДОБНОМУ ДАМИАНУ, ЦЕЛЕБНИКУ ПЕЧЕРСКОМУ

Молитва
Преподобне отче Дамиане! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих.

Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

МУЧЕНИКУ ТРИФОНУ

Тропарь, глас 8-й
Мученик Твой, Господи, Трифон во страдании своем венец прият нетленный от Тебе, Бога нашего: имеяй бо крепость Твою, мучителей низложи, сокруши и демонов немощныя дерзости. Того молитвами спаси души наша.

Молитва
О святый мучениче Христов Трифоне, скорый помощниче и всем к тебе прибегающим и молящимся пред святым твоим образом скоропослушный предстателю! Услыши ныне и на всякий час моление нас, недостойных рабов твоих, почитающих святую память твою во всечестнем храме сем, и предстательствуй о нас пред Господем на всяком месте.

Ты бо, угодниче Христов, в великих чудесех возсиявый, источаяй цельбы притекающим к тебе с верою и сущия в скорбех человеки заступаяй, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в какой-либо нужде, печали и болезни душевней или телесней призывати начнет святое имя твое, той да избавлен будет от всякаго прилога злаго. И якоже ты иногда дщерь цареву, в Риме граде от диавола мучиму, исцелил еси, сице и нас от лютых его козней сохрани во вся дни живота нашего, наипаче же в день последняго нашего издыхания предстательствуй о нас. Буди нам тогда помощник и скорый прогонитель лукавых духов, и к Царствию Небесному предводитель. И идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно прославляем Отца и Сына и Святаго Утешителя Духа вовеки. Аминь.

СВЯЩЕННОМУЧЕНИКУ МОКИЮ АМФИПОЛЬСКОМУ

Тропарь, глас 4-й
И нравом причастник, и престолом наместник апостолом быв, деяние обрел еси. Богодухновенне, в видения восход; сего ради, слово истины исправляя, и веры ради пострадал еси даже до крови, священномучениче Мокие, моли Христа Бога спастися душам нашим.

Кондак глас 8-й
Вооружився щитом веры, нечестивых ополчения стерл еси, священномучениче, и венец от Христа взял еси, Мокие, тем и, со Ангелы радуяся, спасай от бед поющия тя, моля непрестанно о всех нас.

ПРЕПОДОБНОМУ ПИМЕНУ МНОГОБОЛЕЗНЕННОМУ, ПЕЧЕРСКОМУ

Тропарь, глас 5:

Богоно́снаго Анто́ния смиренному́дрием подража́я, / терпе́нием И́ову подо́бяся, / не исцеле́ния от боле́зни, но па́че протяже́ния тоя́ / жела́л еси́ себе́, терпеливоду́шне Пи́мене, / да не ка́ко, здрав быв / и от ме́ста сего́ роди́тельми исто́ржен, / сожи́тия преподо́бных и чи́на их лиши́шися, / тем па́че наде́жды от сами́х А́нгел постриже́н был еси́, / с ни́миже моли́ Христа́ Бо́га // спасти́ся душа́м на́шим.

Кондак, глас 6:

Долговре́менную боле́знь благода́рне претерпе́вшаго,/ прииди́те, соше́дшеся, восхва́лим Пи́мена многотерпели́ваго,/ и́же бо иногда́ за смрад в боле́зни бе гнуша́емь,/ сей ны́не благоуха́ние испуща́ет/ с ве́рою к ра́це моще́й его́ приходя́щим/ и прого́нит злосмра́дие страсте́й от вопию́щих:// прииди́, Пи́мене, к нам, и ничто́же успе́ет враг на ны.

Молитва

О свяще́нная главо́, преподо́бне о́тче, преблаже́нне а́вво Пи́мене! Не забу́ди убо́гих твои́х до конца́, но помина́й нас всегда́ во святы́х и благоприя́тных моли́твах к Бо́гу: помяни́ ста́до твое́, е́же сам упа́сл еси́, и не забу́ди посеща́ти чад твои́х моли́ за ны, о́тче свяще́нный, за де́ти твоя́ духо́вныя, я́ко име́яй дерзнове́ние к Небе́сному Царю́: не премолчи́ за ны ко Го́споду, и не пре́зри нас, ве́рою и любо́вию чту́щих тя: помина́й нас недосто́йных у Престо́ла Вседержи́телева, и не преста́й моля́ся о нас ко Христу́ Бо́гу, и́бо дана́ тебе́ бысть благода́ть за ны моли́тися. Не мним бо тя су́ща ме́ртва: а́ще бо те́лом и преста́вился еси́ от нас, но и по сме́рти жив сый пребыва́еши, не отступа́й от нас ду́хом, сохраня́я нас от стрел вра́жиих и вся́кия пре́лести бесо́вския и ко́зней диа́вольских, па́стырю наш до́брый. А́ще бо и моще́й твои́х ра́ка пред очи́ма на́шима ви́дима есть всегда́, но свята́я твоя́ душа́ со а́нгельскими во́инствы, со безпло́тными ли́ки, с Небе́сными си́лами, у Престо́ла Вседержи́телева предстоя́щи, досто́йно весели́тся, ве́дуще у́бо тя вои́стину и по сме́рти жи́ва су́ща, тебе́ припа́даем и тебе́ мо́лимся: моли́ся о нас Всеси́льному Бо́гу, о по́льзе душ на́ших, и испроси́ нам вре́мя на покая́ние, да невозбра́нно пре́йдем от земли́ на Не́бо, от мыта́рств же го́рьких, бесо́в возду́шных князе́й и от ве́чныя му́ки да изба́вимся, и Небе́снаго Ца́рствия насле́дницы да бу́дем со все́ми пра́ведными, от ве́ка угоди́вшими Го́споду на́шему Иису́су Христу́: Ему́ же подоба́ет вся́кая сла́ва, честь и поклоне́ние, со Безнача́льным Его́ Отце́м, и с Пресвяты́м и Благи́м и Животворя́щим Его́ Ду́хом, ны́не и при́сно, и во ве́ки веко́в. Ами́нь.

Молитва
Преподобне отче Пимене! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих.

Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь.

Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.

МУЧЕНИКУ ФАЛАЛЕЮ ЭГЕЙСКОМУ

Тропарь, глас 4:

Му́ченик Твой, Го́споди, Фалале́й,/ во страда́нии свое́м вене́ц прия́т нетле́нный от Тебе́, Бо́га на́шего;/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того моли́твами // спаси ду́ши на́ша.

Кондак, глас 3:

Му́чеником сострада́лец я́влься и ору́жник, / во́ин изря́дный Царя́ сла́вы был еси́, / искуше́ньми и му́кою возвыше́ние идолослужи́телей попра́л еси́, / сего́ ра́ди честну́ю твою́ пое́м па́мять, // му́дре Фалале́е.

Величание
Велича́ем тя,/ страстоте́рпче святы́й Фалале́е,/ и чтим честна́я страда́ния твоя́,/ я́же за Христа́ // претерпе́л еси́.

12 ГРЕЧЕСКИХ МОЛИТВ ОБ ИСЦЕЛЕНИИ БОЛЬНЫХ

Молитва 1-я

Святой Отче, Великий Врач душ и телес наших! Ты послал Господа Иисуса Христа, Единородного Сына Твоего, дабы искупить нас от греха и смерти и исцелить всякую болезнь. Исцели же болезнь тела и души раба Твоего (имя) и даруй ему жизнь. Ибо Ты Один источник всякого исцеления, Боже наш, и Тебе мы славу воссылаем: Отцу, и Сыну, и Святому Духу, ныне, и присно, и во веки веков. Аминь.

Молитва 2-я

Владыка, Господи Саваоф! Ты управляешь и направляешь всё творение и всё живущее всемогущею Своею и всеведущей силой и мудростью. Взываем ко благости Твоей, Боже наш! Прими и услыши молитву нашу, и исцели раба Твоего (имя) от тяжкой болезни. Ибо Ты Единый милующий и спасающий, и Тебе мы славу воссылаем: Отцу, и Сыну, и Святому Духу, ныне, и присно, и во веки веков. Аминь.

Молитва 3-я

Отче Господа нашего Иисуса Христа, восседающий на Херувимах и принимающий восхваления от Серафимов! Ты повелеваешь солнцу восходить над добрыми и злыми, и дождю изливаться на святых, и на грешников. Ты Один имеешь власть восстановить здоровье человека. Услыши же, по великому состраданию к творению Своему, молитвы наши и исцели раба Твоего (имя). Да все с любовью Тебя прославляем вкупе со Единородным Твоим Сыном, и Всесвятым Духом ныне, и присно, и во веки веков. Аминь.

Молитва 4-я

О Господь Всемогущий! Ты исцеляешь все болезни единым словом Своим. Ты наказываешь с состраданием и исцеляешь по доброте Своей. Помоги же рабу Твоему (имя) и подними его со одра боли и болезни. Даруй ему по милости Твоей и по святой воле Твоей совершенное здравие и полное выздоровление. Мы же непрестанно Тебе славу воссылаем: Отцу, и Сыну, и Святому Духу, ныне, и присно, и во веки веков. Аминь.

Молитва 5-я

Господи Боже, слепого Вартимея исцеливший, Единый, имеющий власть избавить нас от всякой немощи! Ты Неизменный вчера, и днесь, и вовеки! Пошли же великую Твою милость (имя) и исцели его от всех болезней и даруй отпущение и прощение всех грехов. Удали от него дух немощи. Да вместе с нами Тебе, Великому Врачу души и тела, славу воссылает: Отцу, и Сыну, и Святому Духу, ныне, и присно, и во веки веков. Аминь.

Молитва 6-я

Господи, Целитель наших душ и тел! Посети брата нашего (имя) любящей Своею добротою и протяни исцеляющую руку Свою. Подними его с ложа болезни и исцели от всех недугов, боли и страданий, связавших его. Да, исцелившись, вкупе с нами благословляет и чтит Тебя: Святейшего Отца нашего Небесного, Милостивого Сына и Животворящего Духа, ныне, и присно, и во веки веков. Аминь.

Молитва 7-я

О Иисусе Христе, Господь и Спаситель мой! Ты сошёл с небес, дабы жить среди людей как человек. Ты умер на кресте ради нашего спасения. Ты по любви Своей к нам и состраданию исцелял людей от болезней и недугов. Посети же и брата нашего (имя) ныне, Господи, и даруй ему силу и исцеление от болезни, которой он страдает. Вверяем его Твоей любящей заботе, ибо Ты Единый истинный источник жизни и исцеления: Отец, Сын и Дух Святой, и Тебе воздаём хвалу и славу ныне, и присно, и во веки веков. Аминь.

Молитва 8-я

Всемогущий Боже и Отче Господа нашего Иисуса Христа, сострадающий всему, сотворённому Тобою, по любви Своей к человеку! По слову Единородного Сына Твоего даже малейший из воробьёв не падает на землю без ведома Твоего. Потому молим Тебя об исцелении души и тела раба Твоего (имя). Успокой его уверенностью в полноте любви Твоей, ибо к Тебе возносится вся наша хвала и поклонение: Отцу, и Сыну, и Святому Духу, ныне, и присно, и во веки веков. Аминь.

Молитва 9-я

Отец наш Небесный, источник жизни и исцеления! Благословляю святое имя Твоё и молю об избавлении брата нашего (имя) от болезни. Восстанови в полном здравии по милосердию Единородного Твоего Сына Иисуса Христа и даруй ему прожить остаток жизни своей в верности Тебе, по воле Твоей и Слову Твоему. Да все мы Тебе славу воссылаем: любящему Отцу, почитаемому Сыну и возлюбленному Духу Святому во веки веков. Аминь.

Молитва 10-я

Господи Иисусе Христе! Ты жизнь и сила всех, надежду на Тебя возложивших. Сокровищница добра Твоего безгранична, потому смиренно просим Тебя: сотвори благо брату нашему (имя). По благоволению Своему восстанови телесное здоровье его и благослови душу его всеми небесными милостями, дабы, восстав от одра болезни, подвизаться мог со всяким усердием в добрых делах. Ибо Тебе подобает всякая честь и поклонение, вкупе со Вечным Отцом Твоим и Всесвятым Духом во веки веков. Аминь.

Молитва 11-я

Отче бесконечного милосердия и Боже всякого утешения! Благоволи прийти на помощь нам и избавь брата нашего (имя) от телесной немощи. Даруй ему, доверяющему Твоей любви и состраданию, полную силу. И да приблизит испытание это его к Тебе, нашей скале и прибежищу, нашей радости и утешению. Направь (имя) следовать воле Твоей и жить в истинном послушании Тебе. Ибо к Тебе возносится вся наша хвала и поклонение: Отцу, и Сыну, и Святому Духу, ныне, и присно, и во веки веков. Аминь.

Молитва 12-я

Возлюбив Бога, Целителя и Утешителя, молимся о брате нашем (имя), страждущем. Взгляни с милосердием на бедствие его и покрой его миром. О Возлюбленный и Добрый Пастырь! Молим Тебя: по состраданию Твоему и милосердию сочувствуй больному брату нашему в Своей жалости, дай покой и успокоение его духу. Да возрастёт доверие его к любви Твоей во имя и славу Сына Твоего, Иисуса Христа, и в силе Святого Твоего Духа, ныне, и присно, и во веки веков. Аминь.

В редакции иг. Силуана (Туманова)

МОЛИТВА НА ПРИНЯТИЕ ЛЕКАРСТВА И ИНОГО ВРАЧЕВАНИЯ

Го́споди, Бо́же наш, созда́вый врача́ и разли́чная врачева́ния, я́коже рече́ Писа́ние1, во е́же неду́ги исцеля́ти и боле́зни облегча́ти дарова́вый! При́зри ми́лостивно на мя, гре́шнаго, прости́ беззако́ния моя́ и грехи́, исцели́ ду́шу мою́, те́лу же пода́ждь здра́вие врачева́нием сим, да, восприи́м милосе́рдную по́мощь Твою́, послужу́ Тебе́ со вся́ким благодаре́нием. Я́ко Ты еси́ Исто́чник исцеле́ний, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

АКАФИСТ СВЯТЫМ ЦЕЛИТЕЛЯМ, БЕССЕРЕБРЕНИКАМ И ЧУДОТВОРЦАМ

Тропарь, глас 8

Святые бессребреники и чудотворцы, посетите немощи наши: «даром получили, даром давайте» нам.

Кондак, глас 2

Получив благодать исцелений, простираете вы здравие пребывающим в бедах, врачи, чудотворцы славные; но вашим посещением и врагов дерзости низложите, мiр исцеляя чудесами.

АКАФИСТ ВСЕМ СВЯТЫМ ЦЕЛИТЕЛЯМ

Кондак 1

Избранные помощники страждущих, врачи болеющим и чудотворцы предивные, святые безмездные целители милостивые, с радостью взываем к вам, заступникам нашим и в скорбях утешителям. Вы же, как имеющие дерзновение к Всемилостивому Спасу нашему, ходатайствуйте к Нему об избавление от страстей и болезней всех, с верою и любовью воспевающих вам:

Радуйтесь, святые Богоблаженные врачеватели, целители душ и тел наших.

Икос 1

Ангелов и людей Творец избрал вас, врачей, целителей и чудотворцев святое сословие, как любовью и состраданием ко всем людям горящих, и даровал вам сугубую благодать; да будете избавлять от бед, скорбей, болезней и всяких лютых искушений всех чтущих святую память вашу и с любовью восхваляющих вас так:

Радуйся, святой Пророк, Предтече и Креститель Господень Иоанн, души наши покаянием обновляй.

Радуйся, святой праведный Симеон, Богомладенца Христа на руки свои принимающий и ныне всех младенцев Богодаро́ванных хранитель.

Радуйся, святой Апостол и Евангелист Иоанн Богослов, возлюбленный Христов ученик, любящим и чтущим тебя, любовью воздающий.

Радуйся, мученик Лонгин, от капли крови Господа очи свои исцеливший и благодать обрётший духовное прозрение людям даровать.

Радуйтесь, святые мученицы Зинаида и Филонилла, родственницы Апостола Павла, сугубо болящим послужившие.

Радуйтесь, священномученик Киприан и мученица Иустина, от бесов и злых волхвователей (колдунов) крепкие заступники.

Радуйся, великомученик Димитрий Солунский, мvро благовонное всем болящим на исцеление источающий.

Радуйся, Кесарий Назианзин, царей благочестивых врач, от многих тяжких недугов богомудрый целитель.

Радуйся, великомученица Варвара, агница всеблаженная, от внезапной смерти верных избавляющая.

Радуйся, великомученица Екатерина, дева премудрая, избранный сосуд чистоты, омрачение ума нашего просвещающая.

Радуйся, великомученица Анастасия, неду́ги заключённых в темницах врачевавшая и от многих скорбей нас избавляющая.

Радуйся, мученица Фомаида, целомудрия ради душу свою положившая и плотские страсти побеждать людям помогающая.

Радуйтесь, святые Богоблаженные врачеватели, целители душ и тел наших.

Кондак 2

Видев Тебя, Матерь Всепречистая, на Кресте пригвождённый Сын Твой и Бог, у Креста предстоящую и болезненно Ему состраждущую, возлюбленному ученику Своему Апостолу Иоанну Тебя в Матерь нарёк и этим весь род человеческий Тебе усыновил, да будешь воистину Мать всем скорбящим, страждущим, болеющим, в бедах и тяжких обстоятельствах пребывающим, Сына Твоего Христа Бога призывающим и поющим Ему: Аллилуйя.

Икос 2

Разум человеческий не может постигнуть великого Твоего милосердия, Пресвятая Владычица Богородица, Ты есть необоримая ограда, охраняющая нас от всяких болезней душевных и телесных и заступающая всех прибегающих к Тебе с молитвою, печальным Утешение, скорбящим Радость, обиженным Заступница, бедствующим Помощь, больных Целительница, грешных Споручница. В этом имея материнское обо всех попечение, благоизволила прийти на помощь избранникам Божиим, врачам и целителям, их же память празднуя, воспеваем так:

Радуйтесь, Пресвятой Владычицы Богородицы избранные служители.

Радуйтесь, чада Её верные и возлюбленные.

Радуйтесь, Заступницы Усердной рода христианского, благоговейные почитатели.

Радуйтесь, воли Той святые исполнители.

Радуйтесь, упование на Матерь Божию возложившие.

Радуйтесь, небесную помощь от Неё получившие.

Радуйтесь, милостивое заступничество Божией Матери ко всем болящим и страждущим людям призывающие.

Радуйтесь, великое дерзновение к Ней стяжавшие.

Радуйтесь, что Преблагословенную Матерь Господа ходатайствовать о нас умоляете.

Радуйтесь, что благословением Её здравие и крепость безнадёжно болящим доныне возвращаете.

Радуйтесь, во все дни и ночи в молитве к Царице небес и земли со слезами пребывающие.

Радуйтесь, что с Ней о спасении всех людей православных к Христу руки воздеваете.

Радуйтесь, святые Богоблаженные врачеватели, целители душ и тел наших.

Кондак 3

Силою Всевышнего укрепляемый, святой пророк Божий Илья, послан был от Господа в Сарепту Сидонскую к вдове кормиться во время голода, но имея благодать творить чудо, умножил муку́ и елей в доме её до скончания голодного времени и молитвою (к Всевышнему) воскресил умершего её сына, воспевая Богу благодарственную песнь: Аллилуйя.

Икос 3

Имеющие единственное попечение, чтобы Отцу Небесному благоугождать и верно Ему служить, и великой ревности о Боге исполненные святые пророки Божии, по слову Апостола, «верою побеждали царства, творили правду, получали обетования, заграждали уста львов, угашали силу огня, избегали острия меча, укреплялись от немощи, были крепки на войне, прогоняли полки́ чужих»; ныне же, в Царствии Небесном пребывающие, врачуют язвы безнадёжные и всякий же недуг всем нам, скорбями и болезнями отягчёнными, с верою и надеждою вопиющим так:

Радуйтесь, разум свой воли Божией покорившие.

Радуйтесь, светом премудрости от Бога озарённые.

Радуйтесь, посланцы Отца Небесного и провозвестницы святых Его велений.

Радуйтесь, знамениями и чудесами Божественную истину утверждавшие.

Радуйтесь, будущее, как настоящее провидевшие.

Радуйтесь, как врачи благоискусные, людей от всяких болезней исцеляющие.

Радуйтесь, во время голода верных питатели.

Радуйтесь, болеющим и расслабленным скорые помощники.

Радуйтесь, отчаявшимся надежду на спасение подающие.

Радуйтесь, мvро целебное благодати нам источающие.

Радуйтесь, благодатью Божию мёртвых воскрешающие.

Радуйтесь, Судью Праведного за грешных людей умоляющие.

Радуйтесь, святые Богоблаженные врачеватели, целители душ и тел наших.

Кондак 4

Буря скорбей и напастей, воздвигаемая злобою мiра сего, не ослабила веры и любви твоей к Господу, Апостол святой Иаков, первый Иерусалимский архиерей и учитель. Ты Божественным Духом просветлённый, Бога Слова проповедал и воспринял благодать елеем святым исцелять всех язвы и неду́ги, говоря в послании своём, что молитва веры спасёт болящего и воздвигнет его Господь: многое может усиленная молитва праведного. Так же и ныне исцеления подавая всем, к твоему заступничеству притекающим, и о тебе Богу вопиющим: Аллилуйя.

Икос 4

Слышавшие верные великую вашу к страждущим любовь и чудесное врачевание ваше, Апостолы святые, от всех концов земли устремляются к вам с верою в целебную благодать Божию, в вас действующую, ибо Сам Господь, по слову Апостола, дал вам власть над духами нечистыми, чтобы изгонять их, и заповедь исцелять всякий недуг и всякую болезнь, произнеся: «Больных исцеляйте, прокажённых очищайте, мёртвых воскрешайте, бесов изгоняйте; даром получили, даром давайте». Сего ради от любви сердечной приносим вам со смирением и верою похвалы эти:

Радуйтесь, благовестия Евангельского трубы.

Радуйтесь, все концы земли просветившие.

Радуйтесь, серафимскою пламенною любовью к Господу горевшие.

Радуйтесь, Церкви Христовы слава и утверждение.

Радуйтесь, Пресвятой Владычице Богородице верно послужившие.

Радуйтесь, покровом Её покрытые.

Радуйтесь, от Самого Господа Иисуса Христа благодать и силу целить недужных принявшие.

Радуйтесь, на стезю покаяния нас наставляющие.

Радуйтесь, даров духовных всегдашние податели.

Радуйтесь, болезней душевных и телесных целители благодатные.

Радуйтесь, немощи немощных на себе носившие.

Радуйтесь, спасению многих душ человеческих послужившие.

Радуйтесь, святые Богоблаженные врачеватели, целители душ и тел наших.

Кондак 5

Боготочный источник дивных чудес явился, святитель отче Николай, принял от Господа дар неду́ги душевные и телесные врачевать, бесов изгонять и всех сущих в бедах скоро от тех избавлять. Тем же прибегаем к тебе, как пленных освободителю, нищих заступнику и благодетелю, врачу благодатному и милостивому, да спасаемся святым заступничеством твоим, воспеваем о тебе Христу Богу хвалебную песнь: Аллилуйя.

Икос 5

Видевшие люди вас, отцы богоносные, святители Христовы, не только как учителей духовных и к жизни вечной путеводителей, но и как целителей от всяких телесных и душевных недугов, хвалу Господу воздающие. Мы же за многие и неисчислимые исцеления ваши, на нас изливаемые, ублажаем вас, милостивых заступников и чудотворцев, похвалами сими:

Радуйтесь, Единому Богу, в Троице славимому, верно послужившие.

Радуйтесь, многоразличными дарованьями Духа Святого укрепление.

Радуйтесь, веры истинной дерзновенные проповедники.

Радуйтесь, апостольских преданий хранители.

Радуйтесь, архиереи Божии, по истине пасущие словесное стадо ваше.

Радуйтесь, от ересей и расколов ограждение.

Радуйтесь, заблудших на путь правый наставляющие.

Радуйтесь, бесов именем Христовым изгоняющие.

Радуйтесь, любовью вашей всех покрывающие.

Радуйтесь, благодатную росу исцелений верным источающие.

Радуйтесь, болезнями тяжкими одержимых премудрые врачеватели.

Радуйтесь, обо всём мире печальницы и молитвенники.

Радуйтесь, святые Богоблаженные врачеватели, целители душ и тел наших.

Кондак 6

Проповедует весь мир христианский великое чудо, тобой сотворённое, священномученик Власий, когда жена некая, имеющая сына своего при смерти, положила его у ног твоих, плача и прося об исцелении его. Ты же, отче, именем Спасителя исцелил его, возглашая: «И в остальное время, если случится что с человеком или с животным и станут поминать имя моё, говоря: “Боже, помоги молитвами раба твоего Власия”, то Ты, Господи, скорый на помощь, помоги тем и подай исцеление в славу и честь святого Твоего имени». Тем же молим тебя, не лиши твоей благодати и нас, да и мы здравы будем телом и душою, поём Богу благодарственную песнь: Аллилуйя.

Икос 6

Воссиял в сердцах ваших свет Божественной любви и благодати, святители Христовы и страстотерпцы, кровью священную одежду свою украсившие. Тем же прославил вас Господь, видя ваше безмерное ко всем сострадание, ибо соблюдаете от всяких болезней не только людей, но и скот, и дома верных всяческих благ исполняете. Не отриньте посему и нас, грешных, скорбями, болезнями и многими печалями обуреваемых, и помогите всем вопиющим вам:

Радуйтесь, души свои за веру Православную положившие.

Радуйтесь, служители Божии себя христианами перед мучителем исповедавшие.

Радуйтесь, страстям Христовым мужественные подражатели.

Радуйтесь, священную одежду вашу кровавыми страданиями обагрившие.

Радуйтесь, ибо вами от многих ран грешные избавляются.

Радуйтесь, ибо вами от всяких болезней верные освобождаются.

Радуйтесь, неисчерпаемые источники исцелений.

Радуйтесь, ибо возложением рук ваших и звери от болезней исцеляются.

Радуйтесь, нетлением мощей ваших от Бога прославленные.

Радуйтесь, многими чудесами от них (мощей) верных ободрившие.

Радуйтесь, исцеления во славу Божию совершающие.

Радуйтесь, теми (чудесами) нас к прославлению Бога призывающие.

Радуйтесь, святые Богоблаженные врачеватели, целители душ и тел наших.

Кондак 7

Человеколюбец Господь явил милосердие Своё людям, даровав нам тебя, великомученик Пантелеймон, великого целителя болезней душевных и телесных, прогонителя духов злобы поднебесных. Ты милости Божий сподобясь, от Самого Вседержителя Спаса достойно именование всемилостивого принял, ибо сострадателен был, и милуешь всех, сугубо подавая исцеления, словом благодати врачуя и к разуму Божественному наставляя верных, призывая их петь Подателю всех благ Богу песнь: Аллилуйя.

Икос 7

Новую показал милость рабам Своим Человеколюбец Господь, когда благоволил явить сонм святых мучеников, молитвенников, целителей душ и тел наших и ходатаев спасения вечного. Вы, святые мученики, имеющие веру во Христа, подобную твёрдости алмаза, мужественно претерпели от гонителей темничные узы и страдания, смерть же лютую приняв, жертву благоприятною Богу явили. И ныне, Небесному Престолу всех Владыки предстоящие, неоскудно исцеления источаете всем, с верою прибегающим к вам и зовущим так:

Радуйтесь, пресветлому мученическому лику сопричтённые.

Радуйтесь, ибо мучения ваши видевши, множество людей к Христу обратились.

Радуйтесь, Господу своему даже до смерти послужившие.

Радуйтесь, чудотворцы преславные, на утешение нам дарованные.

Радуйтесь, святые врачи, болезни наши исцеляющие.

Радуйтесь, светом добродетелей ваших и нас духовно просвещающие.

Радуйтесь, во снах и видениях страждущих посещающие.

Радуйтесь, в бедах и напастях помощь нам подающие.

Радуйтесь, болящих младенцев и отроков прибежище и исцеление.

Радуйтесь, скорбей родителей их врачевание.

Радуйтесь, на мытарствах воздушных верным помощь являющие.

Радуйтесь, о спасении нашем Господа умоляющие.

Радуйтесь, святые Богоблаженные врачеватели, целители душ и тел наших.

Кондак 8

Странниками и пришельцами на земле себя помышляющие, святые братья, врачи-бессребреники Косма и Дамиан, ничего от тленных вещей мира сего стяжать себе не возжелали, всегда имея Христа, действующего в вас, и силою Его болящих исцеляете, врачевство ваше источник есть неисчерпаемый, на всякий день умножаемый. Не оставьте сего ради и нас благодатною вашей помощью, да все с верою и любовью воззовём Богу: Аллилуйя.

Икос 8

Всё житие ваше на земле любовью к Богу и ближним исполнено было, святые врачи-бессребреники, мvро благоуханное исцелений источающие, от бед и скорбей избавляющие, печали утоляющие всех почитающих вас. Благодарим и величаем прославившего вас Господа, даровавшего нам дивный богосветлый собор молитвенников, целителей и чудотворцев, Его же, святые бессребреники, умолите спастись всем поющим вам так:

Радуйся, святой Апостол Лука, истинный врач духовный, Евангелие всей твари проповедавший.

Радуйся, святитель Спиридон Тримифунтский, великий чудотворец, всякую болезнь и язву исцеляющий и мёртвых преславно воскрешающий.

Радуйся, священномученик Антипа Пергамский, дьявольскую силу поправый и всем христианам благодатные исцеления даруя.

Радуйся, святитель Модест, похвала святого города Иерусалима, источник милости неиссякаемой и чудотворец.

Радуйся, великомученик Артемий, злочестивого царя мучителя победитель, страстей разжение угашающий и духов нечистых изгоняющий.

Радуйся, священномученик Ермолай, пастырь добрый Христова стада и святого Пантелеймона Целителя истинный учитель.

Радуйтесь, три одноимённых и единонравных пар братьев Косма и Дамиан богомудрые, врачи-бессребреники, болящих страсти безмездно исцеляющие.

Радуйтесь, мученики Кир и Иоанн, врачи от Бога, ибо чудодействовали непрестанно, все неду́ги наши исцеляя.

Радуйся, мученик Диомид, врач душ и тел, истинный и непобедимый страстотерпец, даров Божественных исполненный.

Радуйтесь, Фотий славный и богомудрый Аникита, два страдальца, огонь и му́ки прошедшие и венец победный принявшие.

Радуйся, мученик Фалалей, врач сильный, ты был дан Владыкой Христом на исцеление всем верным.

Радуйся, мученик Трифон, дар Божественных исцелений принявший, от козней дьявола нас охраняй.

Радуйтесь, святые Богоблаженные врачеватели, целители душ и тел наших.

Кондак 9

Всякое естество ангельское и человеческое удивилось делу милосердия Господа, который даровал нам, грешным, в помощь и заступничество тебя, преподобный отче Сампсон, врача преизрядного и милостивого, благодать исцелений подающего, единым прикосновением руки своей царя исцелившего; молитвенника благоприятного, алчущих и нищих питателя и сущих в нуждах поборника великого. Тем же все верные знающие тебя, как служителя Христова и преподобным отцам причастника, воспевают о тебе благодарственную песнь: Аллилуйя.

Икос 9

Ораторы красноречивые не смогут достойно восхвалить вас, преподобные и богоносные отцы наши, как наставников монахов и Ангелов собеседников, и прославить подвиги и дела, что творили здесь на земле. Но и по преставлении многие и преславные чудеса и исцеления творить не прекращаете, славные мощи ваши подобны Силоаму, где хромые, недужные, расслабленные и одержимые духами злобы здравие обретали. Ибо ради подвигов ваших приняли от Господа власть исцелять болезни неисцелимые, угашать страсти наши, возбуждать в людях плач о грехах, да чистою совестью и сокрушённым сердцем воспеваем вам похвалы сии:

Радуйтесь, житию бесплотных поревновавшие.

Радуйтесь, во всём христианском мире как великие целители прославленные.

Радуйтесь, образ жития праведного нам показывающие.

Радуйтесь, побеждать мир, плоть и дьявола нам помогающие.

Радуйтесь, многие чудеса и знамения от мощей ваших являющие.

Радуйтесь, ибо мощей ваших демоны трепещут.

Радуйтесь, от Господа власть над духами нечистыми получившие.

Радуйтесь, силою Божьею их прогоняющие.

Радуйтесь, бездетным родителем чадородие дарующие.

Радуйтесь, омрачённых умом просветители богомудрые.

Радуйтесь, сосуды, елей милосердия Божия источающие.

Радуйтесь, живоносные источники, струи исцелений нам изливающие.

Радуйтесь, святые Богоблаженные врачеватели, целители душ и тел наших.

Кондак 10

Спасти желая души людей, недугом пьянства одержимых, Всемилостивый Господь даровал помощников и целителей от злой страсти сей: святого мученика Вонифатия, преподобного Моисея Мурина, преподобного Варлаама Серпуховского и иных многих угодников Своих и подвижников. Мы же, преклоняя колена, и руки свои, простирая к вам, святые отцы и матери, молим вас: умолите Господа даровать исцеление погибающим от пьянства братьям и сёстрам нашим, жития трезвенного и целомудренного начало положить всех нас сподобите, да возможем победить борющий нас грех и непрестанно славить Бога, воспевая Ему: Аллилуйя.

Икос 10

Стена есть и заступничество всем страждущим людям чудный образ Богоматери, пред ним же некий крестьянин, исполняя повеление преподобного Варлаама Серпуховского, отслужил молебен и от страсти пьянства исцелился. Икона, «Неупиваемая Чаша» именуемая, исцеления дарует отчаявшимся и погибающим, более же страдающим пьянством. Тем же молим Тебя, Пречистая Владычица, исцели нас, страждущих от страстей греховных молитвами святых целителей и чудотворцев, помощников наших Богодарованных, к ним же благодарственно взываем так:

Радуйтесь, от мучительного недуга пьянства страждущих избавляющие.

Радуйтесь, к искреннему покаянию и исправлению их приводящие.

Радуйтесь, глубину милосердия Богоматери страждущим показывающие.

Радуйтесь, ибо благодатью Её многие от страсти пьянства исцеляются.

Радуйтесь, отчаявшимся надежду на помощь подающие.

Радуйтесь, из глубины смертной безнадёжных спасающие.

Радуйтесь, к подвигу воздержания всех призывающие.

Радуйтесь, от смертоносного зелья нас ограждающие.

Радуйтесь, от страстей, как от сна погибельного, нас пробуждающие.

Радуйтесь, всем борющимся с грехами покровители Богодарованные.

Радуйтесь, к новому, праведному и трезвенному житию нас направляющие.

Радуйтесь, ибо молитвами вашими духовную нашу жажду утоляете.

Радуйтесь, святые Богоблаженные врачеватели, целители душ и тел наших.

Кондак 11

Пение благодарственное Пресвятой Троице люди земли Русской приносят, прославляя тебя, преподобный отче Сергий, как великого заступника, целителя и утешителя православным христианам, в стране нашей и по всему лицу земли обитающим, ибо данною тебе Божьею благодатью слепых просвещаешь, от телесных и душевных болезней исцеляешь, от демонского насилия освобождаешь, от напастей ограждаешь и все наши прошения во благо исполняешь, воспевая возлюбленному тобой Христу Богу: Аллилуйя.

Икос 11

Души светозарные от истинного Света озаряемые, явились, святые земли Русской: иерархи и преподобные, священномученики и мученики, Христа ради юродивые и святых дев и жён сословие, с ними же собор новомучеников и исповедников Русских, все прославленные (канонизированные) и не прославленные, ведомые нам и неведомые. Люди же русские, обременённые грехами, болезнями и скорбями многими, имея вас заступников и целителей: подающим во все дни бытия народа нашего врачевание страстям неизлечимым, слепым прозрение, глухим слышание, расслабленным здравие, страждущим раковыми язвами исцеление и всем благодать изливаете, радостью озаряющие сердца верных, чтущих вас и воспевающих с любовью так:

Радуйся, преподобный Агапит, первый врач безмездный в земле Русской и великий чудотворец.

Радуйся, святитель Алексей Московский, пастырь и учитель премудрый земли нашей, исцеления верным источающий.

Радуйся, преподобный Серафим Саровский чудотворец, врач скорый и благодатный.

Радуйся, святой праведный Иоанн Кронштадтский, страны́ Русской молитвенник и чудотворец предивный.

Радуйся, святой праведный Иоанн Русский, в исповедании Христа пострадавший, болящих младенцев истинный врачеватель.

Радуйтесь, святые царственные страстотерпцы: царь Николай, царица Александра, царевич Алексей, царевны Ольга, Татьяна, Мария и Анастасия, за землю Русскую пред Богом молитвенники и преславные чудотворцы.

Радуйся, святитель Крымский и исповедник Лука, врач благой и милостивый.

Радуйся, преподобный отче Серафим Вырицкий, жизнью и подвигам древних отцов подражатель, дар чудодейственной благодати принявший.

Радуйся, преподобный отче Амфилохий Почаевский, врач безмездный, силой Божьей многие чудеса и исцеления совершивший.

Радуйся, преподобная Евфросиния, Великая княгине Московская, Богу угодившая и дар исцелений от Него принять сподобилась.

Радуйся, святая блаженная Ксения Петербургская, безумием мнимым безумие мiра обличившая и дар чудодейственной помощи от Христа стяжавшая.

Радуйся, преподобномученица Великая княгиня Елизавета, духовною и телесною красотою воссиявшая и людям русским истинную любовь и милосердие показавшая.

Радуйтесь, святые Богоблаженные врачеватели, целители душ и тел наших.

Кондак 12

Благодать, которую дал вам Господь Бог, целить все неду́ги душевные и телесные, теперь нас собрала [благодать], чтобы почтить святую память вашу, святые врачи, целители и чудотворцы. Поэтому благоговейно взирая на чтимую икону вашу, угодники Божии, и с умилением сердец к ней припадая, молим вас: не только от недугов и болезней нас исцелите, но чудным светом Божиим нашу жизнь озарите, благословите нас миром и любовью, подайте нам твёрдую веру, чистоту жизни и страх Божий, от греховной погибели нас соблюдите, да вашим заступничеством достигнем Небесного отечества, где с вами воспоём Богу ангельскую песнь: Аллилуйя.

Икос 12

Воспевая Господа, дивного во святых Своих, хвалим и прославляем ныне святой и великий собор целителей и чудотворцев, с ним же Сама Пречистая Дева Богородица, Архангелы и Ангелы, Божественные Апостолы, пророки и святители, мученицы и преподобные, блаженные и все праведники торжествуют. Славим и величаем прославившего вас Христа Бога нашего, излившего на вас обилие Своих даров благодатных, вас же, святых помощников и заступников наших, благодарным сердцем и устами ублажаем песнями так:

Радуйся, святой Архистратиг Божий Рафаил, всех душевных и телесных недугов благодатный целитель.

Радуйтесь, святые праведные Богоотцы Иоаким и Анна, неплодство супругов благодатью Божию разрешающие.

Радуйся, великомученик Георгий Победоносец, непобедимый воин Христа Бога нашего, болеющих скорый врач и всем в скорбях и бедах пребывающим заступник.

Радуйся, святитель Иулиан, святого Апостола Петра ученик, младенцев от болезней и смерти благодатно сохраняющий.

Радуйся, преподобный отче Паисий Великий, молитвою душу послушника своего из ада спасший, и нас от му́ки вечной молитвами твоими избавляй.

Радуйтесь, святые мученики Флор и Лавр, Богомудрая двоица пресветлая, трудолюбцы незлобивые и недугов наших целители.

Радуйтесь, преподобный царь Симеон Мироточивый и святитель Савва, украшение Сербии, многими чудесами и даром исцелений от всяких болезней Богом прославленные.

Радуйся, преподобный отче Иоанн Рыльский, лечебную силу от Бога принявший и всем с верою приходящим здравие подающий.

Радуйся, преподобная матерь Мария Египетская, страсти плотские мечом воздержания отсекать нас научающая.

Радуйся, страстотерпица Христова Параскева, свет благодатный душевным и телесным очам нашим открывающая.

Радуйся, мученица Агриппина, прокажённых от неизлечимой этой болезни освобождающая.

Радуйся, великомученица Марина, силою Креста главу дьявола сокрушившая и многих недугов лютых прогонительница.

Радуйтесь, святые Богоблаженные врачеватели, целители душ и тел наших.

Кондак 13

О предивные и преславные угодники Божии, святые врачи-бессребреники и чудотворцы, скорые помощники всем с верою к вам прибегающим, примите сие хваление наше и мольбы слёзные вам приносимые: исцелите многообразные неду́ги душ и тел наших и ревностным заступничеством вашим испросите нам у Христа Бога избавление от всех бед и напастей, прощение прегрешений наших и благую надежду вечного спасения, да сподобимся с вами и со всеми святыми воспевать вовеки Спасителю нашему: Аллилуйя.

(Трижды)

Затем читается 1‑й Икос и 1‑й Кондак

Молитва

О чудотворцы славные, врачи безмездные, земные Ангелы и небесные жители, скоро послушливые помощники всем к вам прибегающим! Вы, угодники Божии, бесчисленными чудесами весь мир наполняете и не только телесные неду́ги исцеляете, но и верою Христовою души просвещаете, в терпении болезней укрепляете, в тяжких недугах сущих об исправлении жития вразумляете, к Христу покаянием направляете и силою Всемогущего Бога обильные дары благодатной помощи источаете. Сего ради к вам, благодатным врачам, мы, недостойные и грешные, с благоговейною любовью припадаем и молимся: услышьте воздыхания множества страждущих людей, умолите Небесного Врача душ и тел наших и Его Пречистую Матерь даровать нам исцеление от недугов наших, сохраните нас от лютых и неизлечимых болезней, от расслабления тела, от исступления ума и смертоносной язвы, от внезапной смерти, от всяких бед и скорбей и от всякого зла; помогите всем, в немощах лежащим и в человеческой помощи отчаявшимся, к вам же с надеждою прибегающим; утешение и отраду подайте всем в тяжких работах, в заточении и темницах унывающим, и пламенным ходатайством вашим к Богу соблюдите в вере Православной, в богомыслии, в молитвах к Богу прилежных; умолите Господа, да подаст всем нам христианскую кончину безболезненную, непостыдную, мирную, Божественных Таинств причастие, и добрый ответ на Страшном Суде Своём, да с надеждою спасения достигнем Царствия, которое уготовал Господь любящим Его, и сподобимся совместно с вами, угодники Божии, славить Отца и Сына и Святого Духа во веки веков. Аминь.

АКАФИСТ СВЯТОЙ ПРАВЕДНОЙ БЛАЖЕННОЙ МАТРОНЕ МОСКОВСКОЙ

Икос 2

Разум имея просвещенный, иерей Божий Василий позна, яко крещаемая от него сосуд благодати Божия есть, и тя, праведная Матроно, отроковицу святу нарече. От нашего же усердия приносим ти похвалы сия:

Радуйся, во святей купели благодатию Святаго Духа облагауханная; Радуйся, на персех твоих крест запечатленный имевшая.
Радуйся, молитвеннице, от Бога людем дарованная; Радуйся, свеще неугасимая, пред Господем сияющая.
Радуйся, даром чудотворения от Бога прославленная на земли; Радуйся, венцем неувядаемым от Господа увенчанная на небеси.
Радуйся, милости Божия грешным возвещающая; Радуйся, от источника воды живыя жаждущия напаяющая.
Радуйся, праведная мати Матроно, теплая о нас к Богу молитвеннице.

Кондак 3

Силу Божия благодати ощущающи, еще во младенчестве сущи, Матроно блаженная, ко иконам святым устремлялася еси, и чистым сердцем и младенческими усты хвалу Богу возглашала еси: Аллилуиа.

Икос 3

Имущи от Бога дар прозрения издетска, блаженная мати, сокровенная сердец приходящих к тебе ведущи, и оным будущая, яко настоящая сказующи, многия люди на путь благочестия направляла еси. Темже прославляюще Бога, умудряющаго слепцы, вопием тебе сице:

Радуйся, дивная провидице; Радуйся, сокровенных грехов обличительнице.
Радуйся, помраченных душею пресветлая наставнице; Радуйся, заблуждших милостивая путеводительнице.
Радуйся, звездо, верным путь указующая; Радуйся, свеще, во тьме века сего светящая.
Радуйся, единому Богу послужившая; Радуйся, козни диавольския благодатию Духа Святаго поправшая.
Радуйся, праведная мати Матроно, теплая о нас к Богу молитвеннице.

Кондак 4

Буря недоумения и смятения о чудесех твоих в людех развеяся, мати блаженная, и тии, вразумившу их Господу, дивному во святых Своих, прославиша и восхвалиша тя, Богу же с благодарением воспеша: Аллилуиа.

Икос 4

Слышавше людие, мати Матроно, яко помощь в недузех душевных и телесных подаеши, прихождаху к тебе со упованием, и, совет благоприятен и исцеление получивше, благодаряще Бога, воспеваху тебе:

Радуйся, яко болезнующих и страждующих душею приемлеши; Радуйся, яко мир душам скорбящим даруеши.
Радуйся, в заблуждениих сущих вразумительнице; Радуйся, благочестия учительнице.
Радуйся, печалей наших утолительнице; Радуйся, в скорбех утешительнице.
Радуйся, благая безсребренице; Радуйся, недугов всячеких безмездная врачевательнице.
Радуйся, праведная мати Матроно, теплая о нас к Богу молитвеннице.

Кондак 5

Боготечная звезда возсияла еси, мати блаженная Матроно, во дни лихолетия во Отечествии нашем, яко новая исповедница, иго Христово дерзновенно и безбоязненно чрез все житие пронесла еси, и благодатиею Божиею укрепляема, подавала еси недоумевающим вразумление, страждующим ослабу, больным исцеление, благодарственно зовущим Богу: Аллилуиа.

Икос 5

Видяще мнози Российстии людие чудеса и исцеления, Божиею благодатиею от тебе подаваемая: хромым – хождение, разслабленным и на одре лежащим – исцеление, беснующимся – духов злобы отгнание, устремишася к тебе, мати, яко к источнику неисчерпаемому, от него же испивше обильно, умиленным сердцем возопиша тебе таковая:

Радуйся, на путь правый от младенчества призванная; Радуйся, праведнице, от Бога нам дарованная.
Радуйся, целительнице, недуги наша исцеляющая; Радуйся, в нуждах наших скоро помогающая.
Радуйся, душеполезными советы нас вразумляющая; Радуйся, недоумения наша скоро разрешающая.
Радуйся, духи нечистыя от человек отгоняющая; Радуйся, от всякого зла молитвою твоею ограждающая.
Радуйся, праведная мати Матроно, теплая о нас к Богу молитвеннице.

Кондак 6

Провозвестник святости и праведности жития твоего, блаженная мати, явися святый и праведный отец Иоанн Кронштадтский, егда узре тя во храме и наименова тя свою преемницу таже и осмый столп России. Вси же, слышавше сие, прославиша Господа, возглашающе Ему песнь: Аллилуиа.

Икос 6

Возсия молитвами твоими, мати Матроно, свет благодати Божия в сердцах, не ведущих Бога и грехми многими прогневляющих Его. Тии же, видяще чудеса, тобою совершаемая, обращахуся ко Господу, ублажающе тя сице: Радуйся, подвиги твоими Бога прославляющая; Радуйся, славу Божию нам являющая.

Радуйся, неверныя на путь правый наставляющая; Радуйся, грехми оскверненныя молитвами твоими очищающая.
Радуйся, к покаянию нас призывающая; Радуйся, за вся благодарити Господа нас вразумляющая.
Радуйся, храм Божий любити нас научающая; Радуйся, во ограду церковную расточенныя овцы собирающая.
Радуйся, праведная мати Матроно, теплая о нас к Богу молитвеннице.

Кондак 7

Хотящи Пресвятую Владычицу нашу Богородицу достойно ублажити, мати Матроно, повелела еси людем написати всечестный образ Ея, «Взыскание погибших» именуемый и в храме Божием веси твоея водворити, да вси взирающе на светлый лик Пречистыя, со умилением восхвалят Ю, Господу же возопиют: Аллилуиа.

Икос 7

Новую тя заступницу, молитвенницу и ходатаицу к Богу дарова Господь в годину тяжкую людем Российским, мнози бо отпадаху от Святыя Церкве, ты же, мати, маловерныя и заблуждшия наставляла еси словом и делом, являющи дивная чудеса Божия. Темже воспеваем ти сице:

Радуйся, страны нашея Российския неусыпная печальнице; Радуйся, спасения нашего ходатаице.
Радуйся, Бога, Судии праведнаго, умилостивительнице; Радуйся, недужных и обидимых покровительнице.
Радуйся, немощных и безнадежных помощнице; Радуйся, противу духов злобы непрестанная воительнице.
Радуйся, яко трепещут тя князи бесовстии; Радуйся, яко радуются о тебе ангелы и человецы.
Радуйся, праведная мати Матроно, теплая о нас к Богу молитвеннице.

Кондак 8

Странно маловерным и неразумным бысть, како слепорожденная видети и ведети может не точию настоящая, но и будущая, не ведяху бо силы Божия, в немощи человечестей совершаемыя. Мы же, блаженная мати, премудрость Божию, в тебе явленную зряще, вопием Богу: Аллилуиа.

Икос 8

Всяческия досаждения и обиды, изгнания и укорения претерпела еси, блаженная мати, не сетующи о сем, но за вся благодарящи Бога. Сим же и нас научаеши терпеливно нести крест свой, тебе же благохвалити тако:

Радуйся, в молитве непрестанно пребывавшая; Радуйся, духов злобы постом и молитвою отгнавшая.
Радуйся, мир благодатный стяжавшая; Радуйся, любовию твоею многия окрест тебе спасавшая.
Радуйся, житием твоим изрядно людем послужившая; Радуйся, и по кончине твоей людем непрестанно помогающая.
Радуйся, и ныне нашим прошением тепле внимающая; Радуйся, уповающих на помощь твою не оставляющая.
Радуйся, праведная мати Матроно, теплая о нас к Богу молитвеннице.

Кондак 9

Всякия скорби и болезни аще и претерпела еси, мати Матроно, непрестанно ведущи брань с силами тьмы, обличающи козни и коварства их, и изгоняющи бесы от одержимых, обаче до кончины дний твоих помогала еси страждующим, недугующим и скорбящим, присно поющи Богу: Аллилуиа.

Икос 9

Ветии многовещаннии не возмогут достойно прославити святое житие твое и чудеса, силою Божиею тобою творимая, предивная старице. Мы же, хотяще псаломски хвалити Бога во святых Его и подвизаемии сердечною любовию, дерзаем пети тебе таковая:

Радуйся, узкий путь и тесная врата избравшая; Радуйся, добродетельми многими просиявшая.
Радуйся, вся тленная в житии твоем отвергшая; Радуйся, смирением, яко венцем драгим, украшенная.
Радуйся, евангельски, яко птица небесная, на земли пожившая; Радуйся, Сыну Божию, не имевшему, где главу подклонити, последовавшая.
Радуйся, ныне во обителех райских веселящаяся; Радуйся, и нас, грешных, молящихся тебе, милостию твоею не оставляющая.
Радуйся, праведная мати Матроно, теплая о нас к Богу молитвеннице.

Кондак 10

Спасти хотящи многия люди от страданий телесных и душевных недуг, всенощно пребывала еси, праведнице Божия, в молитве, просящи им помощи и укрепления от Господа нашего Иисуса Христа, поющи Ему: Аллилуиа.

Икос 10

Стена и покров была еси во дни жития твоего, блаженная мати, всем к тебе прибегающим, и по смерти не престаеши ходатайствовати пред Богом о людех, с верою притекающих ко гробу твоему. Темже убо, услыши ныне и нас, грешных, скорбьми, болезньми и многими печальми одержимых и потщися на помощь твоими молитвами, всем, к тебе вопиющим:

Радуйся, обидимых скорая предстательнице; Радуйся, терпящих лишения утешительнице.
Радуйся, честнаго супружества охранение; Радуйся, всех, во вражде сущих, умирение.
Радуйся, неправо на суд влекомых защитительнице; Радуйся, и о виновных пред судом земным к Богу милостивая ходатаице.
Радуйся, лишившихся крова пристанище; Радуйся, о всех к тебе взывающих, заступнице.
Радуйся, праведная мати Матроно, теплая о нас к Богу молитвеннице.

Кондак 11

Пение ангельское слышала еси, мати честная Матроно, еще на земли живущи. Научи и нас, недостойных, како подобает славити Бога, в Троице почитаемаго, Отца и Сына и Святаго Духа, Ему же непрестанно воинства небесная велегласно воспевают: Аллилуиа.

Икос 11

Светозарным светом сияет житие твое, блаженная Матроно, освещая мрак многосуетнаго мира сего, и влечет к себе души наша: яко да и мы лучею благодати Божия озаримся и скорбный путь привременныя жизни богоугодно пройдем и Царствия Божия достигнем, идеже ты, мати, ныне вселилася еси, слышащи глас наш, тебе зовущих:

Радуйся, свеще Божия, присно горящая; Радуйся, бисере честный, блистанием святыни твоея нас озаряющий.
Радуйся, цвете благовонный, Духом Святым нас облагоухающий; Радуйся, каменю веры, малодушныя в благочестии утверждающий.
Радуйся, звездо пресветлая, правый путь нам указующая; Радуйся, добрая воительнице Христова, мечем молитвы демонския полки устрашающая.
Радуйся, яко все житие твое свято и непорочно; Радуйся, яко и смерть твоя пред Господем честна.
Радуйся, праведная мати Матроно, теплая о нас к Богу молитвеннице.

Кондак 12

Благодать Божию обильно еще от пелен восприяла еси, мати блаженная, яже выну пребысть с тобою по вся дни жизни. Веруем несумненно, яко и по успении твоем благодать сия пребогатно пребывает с тобою. Сего ради припадающе молимся: не лиши и нас, еще странствующих на земли, помощи твоея и заступления, просящи Господа помиловати всех, поющих Ему: Аллилуиа.

Икос 12

Поюще многая и дивная твоя чудеса, мати Матроно, восхваляем Бога, даровавшаго граду Москве и Отечеству нашему во дни безбожия и гонения тя, непоколебимый столп благочестия и веры. Ныне же, блаженная мати, благодарным сердцем воспеваем тебе сице:

Радуйся, мир Христов в душе твоей стяжавшая; Радуйся, сего ради многая люди окрест тебе к Богу приведшая.
Радуйся, в немощном теле сущи, силу Божия благодати показавшая; Радуйся, во обретении честных мощей твоих Божию милость нам явившая.
Радуйся, сонма святых Московских изрядное процветение; Радуйся, града Москвы преславное украшение.
Радуйся, Отечества нашего присная пред Богом печальнице. Радуйся, к покаянию и молитве о земли Российстей всех призывающая.
Радуйся, праведная мати Матроно, теплая о нас к Богу молитвеннице.

Кондак 13

О блаженная мати, услыши ныне воспеваемое тебе хвалебное пение и испроси нам у Господа Иисуса Христа грехов оставление, христианския мирныя кончины и добраго ответа на страшном судищи Его, да и мы с тобою сподобимся в селениих райских славити Святую Троицу, вопиюще: Аллилуиа. (Сей кондак читается трижды, затем икос 1-й и кондак 1-й)

Икос 1

Ангел во плоти явилася еси на земли, Матроно блаженная, исполняющи волю Божию. Аще рождество твое в слепоте телесней бысть, но Господь, умудряяй слепцы и любяй праведныя, просвети духовнеи очи твои, да послужеши людем и дела Божии явятся чрез тебе. Мы же с любовию вопием ти таковая:

Радуйся, от младенчества Богом избранная; Радуйся, благодатию Духа Святаго от пелен осененная.
Радуйся, даром чудес измлада обогащенная; Радуйся, премудростию от Бога свыше исполненная.
Радуйся, мысленныма очима волю Божию прозирающая; Радуйся, слепотствующих умом мудрецов века сего посрамляющая.
Радуйся, души заблуждшия к Богу приводящая; Радуйся, скорби и печали утоляющая.
Радуйся, праведная мати Матроно, теплая о нас к Богу молитвеннице.

Кондак 1

Избранная Духом Божиим от пелен младенческих, блаженная старице Матроно, слепоту и немощь телесную ко очищению духовному от Бога приявшая, даром прозрения и чудес обогатилася еси и венцем нетленным от Господа украсилася еси. Сего ради и мы благодарне венец похвальный приносим ти, вопиюще: Радуйся, праведная мати Матроно, теплая о нас к Богу молитвеннице.

Молитва

О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различные чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам все наши согрешения, беззакония и грехопадения, имиже мы от юности нашея даже до настоящего дне и часа согрешихом, да твоими молитвами получивше благодать и велию милость, прославим в Троице Единого Бога, Отца, и Сына, и Святаго Духа, ныне и присно и во веки веков. Аминь.

Тропарь, глас 2

Богом умудренную блаженную старицу Матрону, земли Тульския процветение и града Москвы преславное украшение, восхвалим днесь, вернии. Сия бо, света дневнаго не познавши, светом Христовым просветися и даром прозрения и исцеления обогатися. Пресельница же и странница на земли бывши, ныне в чертозех Небесных Престолу Божию предстоит и молится о душах наших.

Кондак, глас 7

К служению Христову от чрева матерня предъизбранная, праведная Матроно, стезе скорбей и печалей шествующи, твердую веру и благочестие явивши, Богу угодила еси. Темже, почитающе память твою, молим тя: помози и нам в любви Божии пребывати, старице блаженная.

Величание

Величаем тя, святая праведная блаженная Матроно, и чтим святую память твою, ты бо молиши о нас Христа Бога нашего.

АКАФИСТ БЛАЖЕННОЙ КСЕНИИ ПЕТЕРГБУРГСКОЙ

АКАФИСТ ПЕРЕД ИКОНОЙ «ЦЕЛИТЕЛЬНИЦА»

Кондак 1

Избра́нней от всех родо́в Пресвяте́й Де́ве Богоро́дице, яви́вшейся не́когда кли́рику боля́щу, во е́же исцели́ти его́ от боле́зни лю́тыя, похва́льное прино́сим пе́ние; Ты же, всеми́лостивая Влады́чице, я́ко иму́щая держа́ву непобеди́мую, от вся́ких бед и скорбе́й и болезне́й свободи́ ны, зову́щия Ти: Ра́дуйся, Благода́тная, Цели́тельнице душ и теле́с на́ших.

Икос 1

Арха́нгел Гаврии́л, возвеща́я Пресвяте́й Де́ве Мари́и безсе́менное зача́тие от Нея́ Сы́на Бо́жия, рече́: «Ра́дуйся, Благода́тная, Госпо́дь с Тобо́ю, благослове́нна Ты в жена́х»; мы́ же, гре́шнии, гла́су Арха́нгела подража́ти дерза́юще, с ве́рою, любо́вию и благогове́нием вопие́м пе́ния сицева́я:

Ра́дуйся, от нача́ла веко́в во главу́ на́шего спасе́ния предызбра́нная;
ра́дуйся, многообра́зне от проро́ков предвозвеще́нная.

Ра́дуйся, Неве́сто Неневе́стная, заче́ншая Сы́на наше́ствием Ду́ха Свята́го;
ра́дуйся, Ма́ти, в рождестве́ и по рождестве́ пребы́вшая Де́ва.

Ра́дуйся, Оде́ющагося све́том, я́ко ри́зою, пелена́ми пови́вшая;
ра́дуйся, го́рняя и до́льняя благода́тию Свое́ю Пита́ющаго млеко́м пита́вшая.

Ра́дуйся, на руку́ Твое́ю Вседержи́теля носи́вшая;
ра́дуйся, о Промысли́теле всея́ тва́ри попече́ние име́вшая.

Ра́дуйся, па́че всех Сы́на Твоего́ возлюби́вшая;
ра́дуйся, па́че всех от Него́ превознесе́нная.

Ра́дуйся, честне́йшая и сла́внейшая без сравне́ния всех Небе́сных Сил;
ра́дуйся, превы́шшая вся́каго созда́ния.

Ра́дуйся, Благода́тная, Цели́тельнице душ и теле́с на́ших.

Кондак 2

Ви́дящи, преблага́я Влады́чице, усе́рдие и благогове́ние кли́рика Вике́нтия, на всяк день преклоня́ющаго коле́на пред честны́м Твои́м образом и арха́нгельское приве́тствие Тебе́ принося́щаго, прия́ла еси́ таково́е его́ благоугожде́ние и дарова́ла еси́ ему́ во дни боле́зни внеза́пное и ди́вное со одра́ воста́ние. Те́мже и мы преклоня́ем коле́на душ и теле́с на́ших пред цельбоно́сным Твои́м о́бразом, Госпоже́ на́ша Богоро́дице, и помина́юще чу́дное явле́ние Твое́ кли́рику боля́щему, вопие́м Сы́ну Твоему́ и Бо́гу на́шему: Аллилу́иа.

Икос 2

Разуме́в чуде́сное исцеле́ние от тя́жкаго неду́га, кли́рик Вике́нтий воста́ с убо́гаго ло́жа своего́, и́де в це́рковь и та́мо пе́сньми хвале́бными просла́ви Тя, Цели́тельницу всех боля́щих. Приими́ у́бо и от нас, Ма́ти Бо́жия, сия́ благохвале́ния:

Ра́дуйся, от врат сме́ртных неисце́льно боля́щих к жи́зни возвраща́ющая;
ра́дуйся, сострада́ния к стра́ждущим преиспо́лненная.

Ра́дуйся, пораже́нных разли́чными неду́ги чуде́сно исцеля́ющая;
ра́дуйся, во вся́ких ско́рбех и печа́лех небе́сную отра́ду в сердца́ на́ша излива́ющая.

Ра́дуйся, в христиа́нских доброде́телех преуспе́ти нам помога́ющая;
ра́дуйся, любо́вию к Бо́гу и бли́жним нас воодушевля́ющая.

Ра́дуйся, от растлева́ющих ду́шу и те́ло собла́знов ми́ра сего́ сохраня́ющая;
ра́дуйся, ско́рая услы́шательнице усе́рдно Тебе́ моля́щихся.

Ра́дуйся, источа́ющая вели́кия ми́лости и щедро́ты лю́бящим Тя;
ра́дуйся, вся потре́бная в животе́ сем да́рующая упова́ющим на Тя.

Ра́дуйся, ублажа́ющих Тя в гро́зный час сме́рти не оставля́ющая;
ра́дуйся, почита́ющих Тя жи́зни ве́чныя сподобля́ющая.

Ра́дуйся, Благода́тная, Цели́тельнице душ и теле́с на́ших.

Кондак 3

Си́лою, да́нною от Тебе́, Госпоже́ Цари́це и Влады́чице, свята́я ико́на Твоя́ источа́ет неоску́дно исцеле́ния стра́ждущим от неду́г многоразли́чных, с несумне́нною ве́рою к ней притека́ющим, Бо́гу же вопию́щим: Аллилу́иа.

Икос 3

Иму́щи премно́гую любо́вь к ро́ду христиа́нскому и ма́тернее о нем попече́ние, всем прося́щим у Тебе́ по́мощи и заступле́ния вся́кое благо́е проше́ние ско́ро исполня́еши; сего́ ра́ди Тебе́, всемо́щней Засту́пнице и ско́рой Помо́щнице на́шей, прино́сим похвалы́ сия́:

Ра́дуйся, скорбя́щих утеше́ние;
ра́дуйся, безнаде́жных наде́ждо.

Ра́дуйся, тружда́ющихся по́моще и укрепле́ние;
ра́дуйся, ни́щих оде́яние.

Ра́дуйся, а́лчущих пита́тельнице;
ра́дуйся, оби́димых и гони́мых засту́пнице.

Ра́дуйся, оби́дящих устраши́тельнице;
ра́дуйся, в христиа́нстей ве́ре наста́внице.

Ра́дуйся, взыска́ние поги́бших;
ра́дуйся, спору́чнице спасе́ния гре́шных.

Ра́дуйся, земли́ Ру́сския прославле́ние;
ра́дуйся, гра́да Москвы́ благода́тный Покро́ве.

Ра́дуйся, Благода́тная, Цели́тельнице душ и теле́с на́ших.

Кондак 4

Бу́ри страсте́й и похоте́й, и искуше́ний бесо́вских изба́ви нас, премилосе́рдная Богоро́дице, укрепи́ и сохрани́ в нас до конца́ жи́зни на́шея ве́ру правосла́вную и пре́данность Святе́й Це́ркви, да возмо́жем невозбра́нно пе́ти Го́споду Бо́гу: Аллилу́иа.

Икос 4

Слы́ша Госпо́дь на Небеси́ Твоя́ о нас моле́ния, Преблага́я Влады́чице, исполня́ет ско́ро вся́кое проше́ние Твое́. Ве́дуще таково́е ма́тернее дерзнове́ние к Сы́ну Твоему́, Го́споду на́шему Иису́су Христу́, вси к Тебе́ прибега́ем и усе́рдно мо́лим Тя: предста́тельствуй о нас, многогре́шных рабе́х Твои́х, пред всемогу́щим Созда́телем на́шим, да не погуби́т нас со беззако́ньми на́шими, но да пода́ст нам оставле́ние прегреше́ний, вопию́щим Тебе́ из глубины́ души́:

Ра́дуйся, Предста́тельнице на́ша пред Бо́гом, мир от бед спаса́ющая;
ра́дуйся, Сы́на Твоего́ на ми́лость к нам недосто́йным преклоня́ющая.

Ра́дуйся, от запале́ния о́гненнаго росо́ю моли́тв Твои́х избавля́ющая;
ра́дуйся, уда́ры мо́лнии и гро́ма от нас отводя́щая.

Ра́дуйся, юро́дивую му́дрость ве́ка сего́ посрамля́ющая;
ра́дуйся, путь спасе́ния заблу́дшим показу́ющая.

Ра́дуйся, гре́шным к Бо́гу дерзнове́ние да́рующая;
ра́дуйся, изнемога́ющим в напа́стех, ско́рбех и искуше́ниих ско́ро помога́ющая.

Ра́дуйся, в посте́, моли́тве и богомы́слии пребыва́ющим при́сно спребыва́ющая;
ра́дуйся, бла́га земна́я, су́етная и скоропреходя́щая, презира́ти нас науча́ющая.

Ра́дуйся, к небе́сным и ве́чным сокро́вищем умы́ и сердца́ на́ша возводя́щая;
ра́дуйся, еди́ное на потре́бу избира́ти науча́ющая.

Ра́дуйся, Благода́тная, Цели́тельнице душ и теле́с на́ших.

Кондак 5

Свет Небе́сный озари́ хра́мину боля́щаго кли́рика, егда́ предста́ла еси́, Преблага́я Влады́чице, дарова́ти ему́ исцеле́ние от лю́таго неду́га. О Пресвята́я Госпоже́ Богоро́дице, просвети́ помраче́нныя мно́гими грехми́ ду́ши на́ша и пода́ждь исцеле́ние боле́знующим телесе́м на́шим, да прославля́юще Твоя́ ми́лости, вопие́м ра́достно Бо́гу: Аллилу́иа.

Икос 5

Ви́дяще Тя, Влады́чицу Богоро́дицу, пред огнезра́чным Престо́лом Пресвяты́я Тро́ицы стоя́щу и за христиа́н моля́щуюся, Небе́сныя Си́лы и вси святи́и, от века Бо́гу угоди́вшии, немо́лчными славосло́виями ублажа́ют Тя. Мы́ же, гре́шнии, на земли́, любо́вию к Тебе́ подвиза́емии, дерза́ем воспева́ти Тебе́ си́це:

Ра́дуйся, Ма́тернею любо́вию весь мир христиа́нский объе́млющая;
ра́дуйся, моли́твами Твои́ми к Сы́ну Твоему́ и Бо́гу нас спаса́ющая.

Ра́дуйся, о́бразом святы́м Цели́тельницы град Москв́у благослови́вшая;
ра́дуйся, оби́тель Алекси́евскую чудесы́ мно́гими освяти́вшая.

Ра́дуйся, изря́дная Спобо́рнице веду́щим брань проти́ву искуше́ний мирски́х и душевре́дных;
ра́дуйся, Наста́внице целому́дрия и воздержа́ния.

Ра́дуйся, всех прибега́ющих под кров Твой прие́млющая;
ра́дуйся, от вся́кия зло́бы и вражды́ ми́ром и любо́вию огражда́ющая.

Ра́дуйся, подви́жников благоче́стия к Го́рнему Иерусали́му Путеводи́тельнице;
ра́дуйся, душепа́губных ересе́й и раско́лов Искорени́тельнице.

Ра́дуйся, ско́рая в беда́х и печа́лех Уте́шительнице;
ра́дуйся, всех ве́рных блага́я Засту́пнице.

Ра́дуйся, Благода́тная, Цели́тельнице душ и теле́с на́ших.

Кондак 6

Пропове́дует Свята́я Правосла́вная Це́рковь мно́жество чуде́с Твои́х и вели́кия Твоя́ ми́лости, Преблага́я Влады́чице, я́ко гра́ды и ве́си огражда́еши, оби́тели и́ноческия и жили́ща благочести́вых защища́еши, оби́димых заступа́еши и вся́ блага́я и душеполе́зная низпосыла́еши всем прославля́ющим Тя и пою́щим Сы́ну Твоему́: Аллилу́иа.

Икос 6

Све́тло красу́ется зде, Госпоже́ Богоро́дице, чудотво́рная Твоя́ ико́на, имену́емая «Цели́тельница», прогоня́ющи от всех ве́рных тьму́ искуше́ний и напа́стей и оби́льно исцеле́ния источа́ющи. Сего́ ра́ди во умиле́нии зове́м Ти:

Ра́дуйся, о́браз Твой нам ми́лостивно дарова́вшая;
ра́дуйся, чрез ико́ны Твоя́ святы́я пресла́вно чудоде́йствующая.

Ра́дуйся, от неисце́льных боле́зней ско́рое исцеле́ние подаю́щая;
ра́дуйся, от вся́ких бед и скорбе́й избавля́ющая.

Ра́дуйся, грехо́вныя стра́сти укроща́ющая;
ра́дуйся, коле́блющихся в ве́ре правосла́вней укрепля́ющая.

Ра́дуйся, утеше́ние благода́тное в сердца́ боголюби́вая излива́ющая;
ра́дуйся, наде́ждою небе́сных благ ве́рных ду́ши услажда́ющая.

Ра́дуйся, в до́брых де́лех преуспева́ти нам помога́ющая;
ра́дуйся, от ви́димых и неви́димых враг нас защища́ющая.

Ра́дуйся, благода́тию Твое́ю па́дших возставля́ющая;
ра́дуйся, страх Бо́жий в сердца́ на́ша вселя́ющая.

Ра́дуйся, Благода́тная, Цели́тельнице душ и теле́с на́ших.

Кондак 7

Хотя́щи яви́ти милосе́рдие Твое́ неизрече́нное, дарова́ла еси́ нам, Преблага́я Богоро́дице Де́во, чудотво́рную ико́ну Твою́, имену́емую «Цели́тельница», да вси притека́ющии к ней с ве́рою от боле́зней свобожда́ются и вся́каго утеше́ния сподобля́ются. Сего́ ра́ди вопие́м о Тебе́ Бо́гу: Аллилу́иа.

Икос 7

Ди́вна и пресла́вна дела́ Твоя́, Пренепоро́чная Влады́чице: всем бо, бога́тым и ни́щим, здра́вым и боля́щим, с приле́жною моли́твою к цельбоно́сносней ико́не Твое́й притека́ющим, вся блага́я по коего́ждо потре́бе и в ме́ру ве́ры и любве́ подае́ши. Те́мже и мы не таи́м Твои́х благодея́ний, но, благода́рственно прославля́юще ми́лости Твоя́, глаго́лем Ти си́це:

Ра́дуйся, глухи́х слы́шание;
ра́дуйся, слепы́х прозре́ние.

Ра́дуйся, немы́х глаго́лание;
ра́дуйся, хромы́х хожде́ние.

Ра́дуйся, прокаже́нных очище́ние;
ра́дуйся, разсла́бленных укрепле́ние.

Ра́дуйся, от злых и лука́вых духо́в свобожде́ние;
ра́дуйся, по Бо́зе на́ше прибе́жище и заступле́ние.

Ра́дуйся, от нужд, печа́лей и бед непрело́жно избавля́ющая;
ра́дуйся, пристра́стие к тле́нному бога́тству искореня́ющая.

Ра́дуйся, иска́ти бога́тство нетле́нное на Небеси́ науча́ющая;
ра́дуйся, у́м наш в Го́рняя вперя́ющая.

Ра́дуйся, Благода́тная, Цели́тельнице душ и теле́с на́ших.

Кондак 8

Стра́нни и прише́льцы в ми́ре сем ско́рбнем и многомяте́жнем су́ще, ве́чнаго Небе́снаго оте́чества взыску́ем и Тебе́, всемо́щную Цари́цу Присноде́ву Богоро́дицу, смире́нно про́сим: путево́дствуй нас по стезя́м спаси́тельных за́поведей Сы́на Твоего́, Христа́ Бо́га на́шего, да избе́гше се́тей неви́димаго врага́, возмо́жем невозбра́нно воспева́ти Вседержи́телю Бо́гу песнь: Аллилу́иа.

Икос 8

Весь мир христиа́нский ублажа́ет Тя, Пренепоро́чная Де́во, гла́сы хвале́бными: всем бо ве́рным, наипа́че же боля́щим, уте́шительно есть взира́ти на всечестну́ю ико́ну Твою́, «Цели́тельница» имену́емую. О пречу́дная Госпоже́ Богоро́дице, приими́ и на́ша умиле́нная благохвале́ния такова́я:

Ра́дуйся, ра́досте на́ша;
ра́дуйся, добро́то несказа́нная.

Ра́дуйся, высото́ доброде́телей;
ра́дуйся, глубино́ смиренному́дрия.

Ра́дуйся, неистощи́мый исто́чниче ми́лостей и щедро́т;
ра́дуйся, благоуха́нный цве́те де́вства и чистоты́.

Ра́дуйся, ве́ры христиа́нския утвержде́ние;
ра́дуйся, нече́стия обличе́ние.

Ра́дуйся, Го́рних Сил похвало́;
ра́дуйся, пра́ведных сла́во.

Ра́дуйся, гре́шных упова́ние;
ра́дуйся, ненаде́емых наде́яние.

Ра́дуйся, Благода́тная, Цели́тельнице душ и теле́с на́ших.

Кондак 9

Все упова́ние на Тя возлага́ем, Ма́ти Бо́жия, и в ско́рбех и боле́знех ко святе́й ико́не Твое́й с благогове́нием и ве́рою притека́ем, ча́юще от нея́ ско́рое утеше́ние и исцеле́ние получи́ти. О Пресвята́я Цари́це Богоро́дице, воззри́ ми́лостивно на нас, смире́нных рабо́в Твои́х, и ускори́ испо́лнити вся, я́же на по́льзу нам, и в сей жи́зни, и в бу́дущей, да прославля́юще Твое́ благоутро́бие, воспева́ем Творцу́ Бо́гу: Аллилу́иа.

Икос 9

Вети́и многовеща́ннии не возмо́гут досто́йно восхвали́ти Тя, Пречи́стая Де́во, Честне́йшую Херуви́м и Сла́внейшую без сравне́ния Серафи́м, безсе́менно ро́ждшую Спа́са душ на́ших. Мы́ же, а́ще и не́мощни есмы́, оба́че, любо́вию к Тебе́ побежда́еми, отверза́ем недосто́йная уста́ своя́ на похвалы́ Тебе́ сицевы́я:

Ра́дуйся, та́йно, умы́ челове́ческими и А́нгелькими непостижи́мая;
ра́дуйся, чистото́ю А́нгелов превозше́дшая.

Ра́дуйся, чуде́с Христо́вых нача́ло;
ра́дуйся, проро́честв дре́вних исполне́ние.

Ра́дуйся, де́вство и рождество́ в Себе́ чу́дно сочета́вшая;
ра́дуйся, во обою́ непоро́чно и свя́то Себе́ сохра́ньшая.

Ра́дуйся, Ма́ти Сы́на Бо́жия и Бо́га Вы́шняго;
ра́дуйся, па́дшему челове́честву отве́рзшая вход в Ца́рствие Небе́сное.

Ра́дуйся, ти́хое приста́нище от бурь пла́вающим по мо́рю жите́йскому;
ра́дуйся, Бо́гом дарова́нная отра́до стра́ждущим.

Ра́дуйся, сия́ющая благода́тию и сла́вою преди́вных зна́мений и чуде́с;
ра́дуйся, прие́млющая похвале́ние людски́х слове́с.

Ра́дуйся, Благода́тная, Цели́тельнице душ и теле́с на́ших.

Кондак 10

Спасти́ хотя́ род челове́ческий от беззако́ний и ве́чныя му́ки, Человеколю́бец Госпо́дь Тя, Ма́терь Свою́, дарова́ в по́мощь, покро́в и защи́ту ве́рующим в Него́. Прославля́юще таково́е Созда́теля на́шего безме́рное милосе́рдие о нас, гре́шных, благода́рственным се́рдцем и устны́ вопие́м Ему́: Аллилу́иа.

Икос 10

Стена́ еси́ необори́мая и заступле́ние кре́пкое, Богоро́дице Де́во, всем с моли́твою к Тебе́ прибега́ющим. Те́мже у́бо и нас, недосто́йных, огради́ от лю́тых боле́зней и от вся́каго зла́го обстоя́ния и пода́ждь во всех де́лех благовре́менную по́мощь и укрепле́ние взыва́ющим Ти:

Ра́дуйся, Засту́пнице на́ша и похвало́;
ра́дуйся, Храни́тельнице на́ша и утвержде́ние.

Ра́дуйся, Отра́до на́ша и ди́вное о нас попече́ние;
ра́дуйся, изве́стное прибе́жище на́ше во всех ско́рбных обстоя́ниих.

Ра́дуйся, младе́нцев воспита́ние;
ра́дуйся, ю́ных Наста́внице целому́дрия.

Ра́дуйся, супру́гом любо́вь и согла́сие да́рующая;
ра́дуйся, благогове́йных ста́рцев духо́вно укрепля́ющая.

Ра́дуйся, ве́рных па́стырей Святы́я Це́ркве вразумля́ющая;
ра́дуйся, во и́ноческом о́бразе подвиза́ющимся в Го́рний Иерусали́м путь указу́ющая.

Ра́дуйся, в ми́ре благочести́во живу́щих не оставля́ющая Свои́м заступле́нием;
ра́дуйся, всем христиа́ном преди́вное вспоможе́ние.

Ра́дуйся, Благода́тная, Цели́тельнице душ и теле́с на́ших.

Кондак 11

Пе́ния и мольбы́ всеумиле́нныя, ны́не на́ми приноси́мыя пред цельбоно́сным Твои́м о́бразом, приими́, Присноде́во Богоро́дице, и сподо́би до конца́ жи́зни на́шея еди́ному Бо́гу воспева́ти: Аллилу́иа.

Икос 11

Светоза́рне сия́ет чудотво́рная ико́на Твоя́, Ма́ти Бо́жия, источа́ющи ве́рным то́ки исцеле́ний благода́тных и наставля́ющи блужда́ющих во тьме́ грехо́в на све́тлый путь доброде́телей и спасе́ния. Сего́ ра́ди вопие́м Ти хвале́бныя пе́сни таковы́я:

Ра́дуйся, чудесы́, от святы́я ико́ны истека́ющими, зе́млю Ру́сскую напои́вшая;
ра́дуйся, оби́тель Алекси́евскую о́бразом сим просла́вльшая.

Ра́дуйся, осене́нием Твоея́ ико́ны си́лу вра́жию прогоня́ющая;
ра́дуйся, прибега́ющим в ско́рбех, ну́ждах и боле́знех ско́рое утеше́ние и исцеле́ние подава́ющая.

Ра́дуйся, чу́до чуде́с, Одиги́трие Влады́чице, на путь спасе́ния наставля́ющая;
ра́дуйся, ми́рное устрое́ние обурева́емым напа́стьми да́рующая.

Ра́дуйся, чистото́ю Твое́ю чи́стому житию́ нас науча́ющая;
ра́дуйся, лука́вых, го́рдых и гневли́вых люде́й вразумля́ющая.

Ра́дуйся, пра́вую ве́ру и страх Бо́жий в нас вселя́ющая;
ра́дуйся, све́том Христо́ва уче́ния тьму́ неве́рия прогоня́ющая.

Ра́дуйся, смуще́ния помышле́ний сумни́тельных удаля́ющая;
ра́дуйся, духо́вныя да́ры ще́дро подаю́щая.

Ра́дуйся, Благода́тная, Цели́тельнице душ и теле́с на́ших.

Кондак 12

Благода́тию и щедро́тами Твои́ми, премилосе́рдная Влады́чице, не оставля́еши христиа́н правосла́вных, да́рующи скорбя́щим утеше́ние, оби́димым заступле́ние, боля́щим исцеле́ние и всем су́щим в беда́х многоразли́чных избавле́ние; сего́ ра́ди, прославля́юще Тя, благода́рственно вопие́м Бо́гу: Аллилу́иа.

Икос 12

Пою́ще Твоя́ неизрече́нныя ми́лости и чудеса́, явля́емая нам недосто́йным, преклоня́ем коле́на пред цельбоно́сным Твои́м о́бразом, Богоро́дице Присноде́во, и мо́лим Тя усе́рдно: пода́ждь нам мир, тишину́ и благу́ю христиа́нскую кончи́ну и не оста́ви без Твоея́ по́мощи и заступле́ния во второ́м прише́ствии Сы́на Твоего́ и Бо́га на́шего всех принося́щих Ти со умиле́нием сия́ похвалы́:

Ра́дуйся, в уны́ние и отча́яние впа́дших наде́ждою спасе́ния укрепля́ющая;
ра́дуйся, у́зы грехо́вныя разреша́ющая.

Ра́дуйся, пра́ведный на нас гнев Бо́жий на ми́лость прелага́ющая;
ра́дуйся, земно́е житие́ на́ше до́бре устроя́ющая.

Ра́дуйся, от опа́сных обстоя́ний Изба́вительнице;
ра́дуйся, в час кончи́ны ско́рая Помо́щнице.

Ра́дуйся, на мыта́рствах возду́шных заступа́ющая чту́щих Тя;
ра́дуйся, не чту́щих Тя посрамля́ющая.

Ра́дуйся, к Тебе́ любо́вь иму́щим отверза́ющая ра́йская врата́;
ра́дуйся, ве́чнаго блаже́нства в Ца́рствии Небе́снем сподобля́ющая прославля́ющих Тя.

Ра́дуйся, Держа́во на́ша, во дни тя́жких испыта́ний нас укрепля́ющая;
ра́дуйся, Ра́досте на́ша, во вся дни нас освяща́ющая.

Ра́дуйся, Благода́тная, Цели́тельнице душ и теле́с на́ших.

Кондак 13

О Всепе́тая Ма́ти Сладча́йшаго Го́спода на́шего Иису́са Христа́, ми́лостивно приими́ сие́ ма́лое моле́ние на́ше, изба́ви нас от вся́кия напа́сти, боле́зни и внеза́пныя сме́рти и сподо́би нас насле́дники бы́ти Ца́рствия Небе́снаго и со все́ми святы́ми воспева́ти Сы́ну Твоему́ и Бо́гу на́шему: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

Арха́нгел Гаврии́л, возвеща́я Пресвяте́й Де́ве Мари́и безсе́менное зача́тие от Нея́ Сы́на Бо́жия, рече́: «Ра́дуйся, Благода́тная, Госпо́дь с Тобо́ю, благослове́нна Ты в жена́х»; мы́ же, гре́шнии, гла́су Арха́нгела подража́ти дерза́юще, с ве́рою, любо́вию и благогове́нием вопие́м пе́ния сицева́я:

Ра́дуйся, от нача́ла веко́в во главу́ на́шего спасе́ния предызбра́нная;
ра́дуйся, многообра́зне от проро́ков предвозвеще́нная.

Ра́дуйся, Неве́сто Неневе́стная, заче́ншая Сы́на наше́ствием Ду́ха Свята́го;
ра́дуйся, Ма́ти, в рождестве́ и по рождестве́ пребы́вшая Де́ва.

Ра́дуйся, Оде́ющагося све́том, я́ко ри́зою, пелена́ми пови́вшая;
ра́дуйся, го́рняя и до́льняя благода́тию Свое́ю Пита́ющаго млеко́м пита́вшая.

Ра́дуйся, на руку́ Твое́ю Вседержи́теля носи́вшая;
ра́дуйся, о Промысли́теле всея́ тва́ри попече́ние име́вшая.

Ра́дуйся, па́че всех Сы́на Твоего́ возлюби́вшая;
ра́дуйся, па́че всех от Него́ превознесе́нная.

Ра́дуйся, честне́йшая и сла́внейшая без сравне́ния всех Небе́сных Сил;
ра́дуйся, превы́шшая вся́каго созда́ния.

Ра́дуйся, Благода́тная, Цели́тельнице душ и теле́с на́ших.

Кондак 1

Избра́нней от всех родо́в Пресвяте́й Де́ве Богоро́дице, яви́вшейся не́когда кли́рику боля́щу, во е́же исцели́ти его́ от боле́зни лю́тыя, похва́льное прино́сим пе́ние; Ты же, всеми́лостивая Влады́чице, я́ко иму́щая держа́ву непобеди́мую, от вся́ких бед и скорбе́й и болезне́й свободи́ ны, зову́щия Ти: Ра́дуйся, Благода́тная, Цели́тельнице душ и теле́с на́ших.

Молитва

О Пресвята́я Госпоже́ Цари́це Богоро́дице, Вы́шшая всех Небе́сных Сил и Святе́йшая всех святы́х! Припа́даем и поклоня́емся Тебе́ пред всечестны́м и цельбоно́сным о́бразом Твои́м, воспомина́юще ди́вное явле́ние Твое́ боля́щему кли́рику Вике́нтию, и усе́рдно мо́лим Тя, всеси́льную ро́да на́шего Засту́пницу и Помо́щницу: я́коже дре́вле подала́ еси́ исцеле́ние тому́ кли́рику, та́ко и ны́не исцели́ на́ша ду́ши и телеса́, боле́знующия ра́нами грехо́в и страсте́й многоразли́чных, изба́ви нас от вся́ких напа́стей, бед, скорбе́й и ве́чнаго осужде́ния, сохрани́ от душепа́губных уче́ний и безве́рия, от льсти́вых и на́глых нападе́ний неви́димых враго́в, пода́ждь нам христиа́нскую кончи́ну, безболе́зненну, ми́рну, непосты́дну, Святы́х Та́ин прича́стну, и сподо́би нас на нелицеприя́тнем суди́щи Христо́ве ста́ти одесну́ю всепра́веднаго Судии́ и блаже́нный глас Его́ услы́шати: «Прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра!» Ами́нь.

Иная молитва,

заимствована из сборника «Молитвы, чтомыя на молебнех и инех последованиих» (Пг.: Синодальная типография, 1915), л. 34

Приими́, о Всеблагослове́нная и Всемо́щная Госпоже́ Влады́чице Богоро́дице Де́во, сия́ моли́твы, со слеза́ми Тебе́ ны́не приноси́мыя от нас недосто́йных раб Твои́х, ко Твоему́ цельбоно́сному о́бразу пе́ние возсыла́ющих со умиле́нием, я́ко Тебе́ Само́й зде су́щей и вне́млющей моле́нию на́шему. По коему́ждо бо проше́нию исполне́ние твори́ши, ско́рби облегча́еши, немощны́м здра́вие да́руеши, разсла́бленныя и неду́жныя исцеля́еши, от бе́сных бе́сы прогоня́еши, оби́димыя от оби́д избавля́еши, прокаже́нныя очища́еши и ма́лыя де́ти ми́луеши: еще́ же, Госпоже́ Влады́чице Богоро́дице, и от уз и темни́ц свобожда́еши и вся́кия многоразли́чныя стра́сти врачу́еши: вся́ бо су́ть возмо́жна хода́тайством Твои́м к Сы́ну Твоему́, Христу́ Бо́гу на́шему. О Всепе́тая Ма́ти, Пресвята́я Богоро́дице! Не преста́й моли́тися о нас недосто́йных рабе́х Твои́х, сла́вящих Тя и почита́ющих Тя, и покланя́ющихся со умиле́нием пречи́стому о́бразу Твоему́, и наде́жду иму́щих невозвра́тну и ве́ру несумне́нну к Тебе́, Присноде́ве пресла́вней и непоро́чней, ны́не и при́сно и во ве́ки веко́в. Ами́нь.

Молитва

О Пресвята́я Госпоже́ Цари́це Богоро́дице, Вы́шшая всех Небе́сных Сил и Святе́йшая всех святы́х! Припа́даем и поклоня́емся Тебе́ пред всечестны́м и цельбоно́сным о́бразом Твои́м, воспомина́юще ди́вное явле́ние Твое́ боля́щему кли́рику Вике́нтию, и усе́рдно мо́лим Тя, всеси́льную ро́да на́шего Засту́пницу и Помо́щницу: я́коже дре́вле подала́ еси́ исцеле́ние тому́ кли́рику, та́ко и ны́не исцели́ на́ша ду́ши и телеса́, боле́знующия ра́нами грехо́в и страсте́й многоразли́чных, изба́ви нас от вся́ких напа́стей, бед, скорбе́й и ве́чнаго осужде́ния, сохрани́ от душепа́губных уче́ний и безве́рия, от льсти́вых и на́глых нападе́ний неви́димых враго́в, пода́ждь нам христиа́нскую кончи́ну, безболе́зненну, ми́рну, непосты́дну, Святы́х Та́ин прича́стну, и сподо́би нас на нелицеприя́тнем суди́щи Христо́ве ста́ти одесну́ю всепра́веднаго Судии́ и блаже́нный глас Его́ услы́шати: «Прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра!» Ами́нь.

Иная молитва,

заимствована из сборника «Молитвы, чтомыя на молебнех и инех последованиих» (Пг.: Синодальная типография, 1915), л. 34

Приими́, о Всеблагослове́нная и Всемо́щная Госпоже́ Влады́чице Богоро́дице Де́во, сия́ моли́твы, со слеза́ми Тебе́ ны́не приноси́мыя от нас недосто́йных раб Твои́х, ко Твоему́ цельбоно́сному о́бразу пе́ние возсыла́ющих со умиле́нием, я́ко Тебе́ Само́й зде су́щей и вне́млющей моле́нию на́шему. По коему́ждо бо проше́нию исполне́ние твори́ши, ско́рби облегча́еши, немощны́м здра́вие да́руеши, разсла́бленныя и неду́жныя исцеля́еши, от бе́сных бе́сы прогоня́еши, оби́димыя от оби́д избавля́еши, прокаже́нныя очища́еши и ма́лыя де́ти ми́луеши: еще́ же, Госпоже́ Влады́чице Богоро́дице, и от уз и темни́ц свобожда́еши и вся́кия многоразли́чныя стра́сти врачу́еши: вся́ бо су́ть возмо́жна хода́тайством Твои́м к Сы́ну Твоему́, Христу́ Бо́гу на́шему. О Всепе́тая Ма́ти, Пресвята́я Богоро́дице! Не преста́й моли́тися о нас недосто́йных рабе́х Твои́х, сла́вящих Тя и почита́ющих Тя, и покланя́ющихся со умиле́нием пречи́стому о́бразу Твоему́, и наде́жду иму́щих невозвра́тну и ве́ру несумне́нну к Тебе́, Присноде́ве пресла́вней и непоро́чней, ны́не и при́сно и во ве́ки веко́в. Ами́нь.

АКАФИСТ ПРЕСВЯТЕЙ ВЛАДЫЧИЦЕ НАШЕЙ БОГОРОДИЦЕ В ЧЕСТЬ ИКОНЫ ЕЯ, ИМЕНУЕМОЙ «ВСЕХ СКОРБЯЩИХ РАДОСТЬ» ВО ВСЯКОЙ БОЛЕЗНИ

Кондак 1

Взбра́нней Воево́де победи́тельная, я́ко из­ба́вль­ше­ся от ве́ч­ныя сме́р­ти бла­го­да́­тию от Те­бе́ ро́жд­ша­го­ся Хри­ста́ Бо́­га на́­ше­го и Тво­и́м ма́терним пред Ним хо­да́­тай­ством, бла­го­да́р­ствен­ная воспису́ем Ти, раби́ Твои́: я́ко иму́щая держа́ву непобеди́мую, от вся́­ких нас бед и ско́рб­ных об­стоя́­ний сво­бо­ди́, зо­ву́­щих: ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Икос 1

А́н­гел пред­ста́­тель по́с­лан бысть с Не­бе­се́ ре­щи́ Бо­го­ро́­ди­це: ра́­дуй­ся, возвеща́я Боже́ственным воплоще́нием Хри­сто́­вым хотя́щую роди́тися от Нея́ Ра́­дость все­му́ ми́­ру, в ско́р­би погиба́ющу. Те́м­же и мы, грех­ми́ обремене́ннии, на­де́ж­ду спа­се́­ния в Те­бе́ улучи́вше, уми́ль­но взы­ва́­ем Ти:

Ра́­дуй­ся, Бо́­жие ко гре́ш­ным благоволе́ние; ра́­дуй­ся, ка́ю­щих­ся пред Го́сподом Бо́­гом кре́п­кое за­ступ­ле́­ние.

Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние.

Ра́­дуй­ся, грехо́вную отъе́млющая скве́рну; ра́­дуй­ся, ба́­не, омы­ва́ю­щая со́­весть.

Ра́­дуй­ся, ро́жд­шая Изба́вителя, без­за­ко́­ния на́­ша ту́­не очища́ющаго; ра́­дуй­ся, всечу́дное всех к Бо́­гу при­ми­ре́­ние.

Ра́­дуй­ся, мо́сте, вои́стину преводя́й нас от сме́р­ти к животу́; ра́­дуй­ся, мир от по­то́­па грехо́внаго спа́сшая.

Ра́­дуй­ся, ле́ствице не­бе́с­ная, Е́ю­же Гос­по́дь к нам сни́­де; ра́­дуй­ся, вина́ всех обо́жения.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 2

Ви́­дя­ще то́­ки чу­де́с, излива́емыя от свя­ты́я Твоея́ ико́­ны, бла­га́я Бо­го­ро­ди́­тель­ни­це, я́ко Ты еси́ мо­ля́­щих­ся бла­га́я по­мо́щ­ни­ца, оби́­ди­мых за­сту́п­ни­ца, ненаде́ющихся наде́жда, пе­ча́ль­ных уте­ше́­ние, а́лчущих корми́тельница, на­ги́х оде­я́ние, де́в­ствен­ных це­ло­му́д­рие, стра́н­ных наста́вница, тру­жда́ю­щих­ся по́­мощь, сле­пы́х про­зре́­ние, глухи́х благослы́шание, больны́х ис­це­ле́­ние, благода́рственне во­пи­е́м о Те­бе́ Бо́­гу: Алли­лу́иа.

Икос 2

Ра́­зум недоразуме́нный на­ходя́­щих на ны лю́­тых скор­бе́й ра­зу­ме́­ти и́щуще, к Те­бе́ при­бе­га́­ем, о Ма́­ти и Де́­во, уте­ше­ния тре́бующе. Ты же, Я́ко бла­га́я, нау­чи́ ны ра­зу­ме́­ти в них блага́го Сы́­на Тво­его́ милосе́рдое про­мыш­ле́­ние во спа­се́­ние душ на́­ших и очи­ще́­ние мно́гих со­гре­ше́­ний, да взы­ва́­ем Ти ра́­дост­но:

Ра́­дуй­ся, обу­ре­ва́­емых ти́­хое при­ста́­ни­ще; ра́­дуй­ся, сумня́щихся из­ве́ст­ное утвер­жде́­ние.

Ра́­дуй­ся, еди́на Ма́­ти ми­ло­се́р­дия; ра́­дуй­ся, ско́­рая по­мо́щ­ни­це су́­щим в бе­да́х и на­па́с­тех.

Ра́­дуй­ся, скорбьми́ гре­хи́ на́­ша очища́ющая; ра́­дуй­ся, печа́лию на́­ша не́­мо­щи ду­ше́в­ныя врачу́ющая.

Ра́­дуй­ся, су́етныя ра́­дос­ти ми́­ра се­го́ презира́ти нас науча́ющая; ра́­дуй­ся, от ми́­ра к преми́рным ум наш возводя́щая.

Ра́­дуй­ся, от люб­ве́ зем­ны́я к не­бе́с­ней Бо­жией любви́ нас привлека́ющая; ра́­дуй­ся, в са́мых стра­да́­ни­ях на́­ших уте­ше́­ние и бла­го­да́т­ную жизнь нам по­даю́­щая.

Ра́­дуй­ся, обетова́ние благ ве́ч­ных; ра́­дуй­ся, Хо­да́­таи­це ве́ч­ныя ра́­дос­ти.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 3

Си́­лою свы́­ше укре­пи́ мя, бла­га́я Вла­ды́­чи­це, неду́гующа те́­лом и ду­ше́ю, и по­се­ще́­ния Тво­его́ спо­до́­би и про­мыш­ле́­ния, мрак уны́ния и ско́р­би, облежа́щий мя, отгоня́юще, да спаса́емый То­бо́ю, непреста́нно во­пию́ Бо́­гу: Алли­лу́иа.

Икос 3

Иму́­щи бо­га́т­ство ми­ло­се́р­дия не­из­ре­че́н­ное, всем скор­бя́­щим ру́­ку по́­мо­щи простира́еши, не­ду́­ги врачу́ющи, стра́с­ти исцеля́ющи. Не пре́­зри и ме­не́, бла­га́я Вла­ды́­чи­це, на од­ре́ не́­мо­щи моея́ низлежа́ща и во­пию́­ща Ти:

Ра́­дуй­ся, ми́­лос­ти со­кро́­ви­ще мно­го­це́н­ное; ра́­дуй­ся, от­ча́­ян­ных еди́на на­де́ж­до.

Ра́­дуй­ся, те́­ла мо­его́ врачева́ние; ра́­дуй­ся, ду­ши́ моея́ спа­се́­ние.

Ра́­дуй­ся, тве́р­дая кре́­пос­те немощны́х; ра́­дуй­ся, изнемога́ющих за­сту́п­ни­це и укреп­ле́­ние.

Ра́­дуй­ся, гнев Бо́­жий Тво­и́м мо­ле́­ни­ем ско́ро утоля́ющая; ра́­дуй­ся, стра́с­ти на́­ша си́­лою мо­ли́тв Тво­и́х укроща́ющая.

Ра́­дуй­ся, сле­пы́х зре́­ние, глухи́х слы́­ша­ние; ра́­дуй­ся, хромы́х хожде́ние, немы́х глаго́лание.

Ра́­дуй­ся, бо­ля́­щих бла­го­на­де́ж­ное по­се­ще́­ние; ра́­дуй­ся, Я́ко То­бо́ю по ме́ре ве́­ры подаю́тся бла­го­да́т­ная ис­це­ле́­ния всем немощству́ющим.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 4

Бу́ря мно́гих бед и на­па́с­тей обдержи́т мя, и волне́ния не ктому́ терплю́: Ты же, Я́ко ми́лостивая Ма́­ти Спа́­са мо­его́ и Бо́­га, воз­дви́г­ни ру́­це к Сы́­ну Тво­ему́, моля́щи Его́, да при́зрит на лю́тую скорбь се́рд­ца мо­его́ и воздви́гнет мя из пучи́ны отча́яния, во­пию́­ща­го Ему́: Алли­лу́иа.

Икос 4

Слы́шащи, Пре­свя­та́я Де́­во и Ма́­ти, Симео́на пра­вед­на­го прорече́ние: Те­бе́ же Само́й ду́­шу про́йдет ору́­жие, слага́ла еси́ в се́рд­це Тво­е́м вся гла­го́­лы сия́, разумева́ющи, я́ко ра́­дость ма́терняго се́рд­ца о ча́дех мно́гих пе­ча́­лей в ми́­ре сем бы­ва́­ет прича́стна. Те́м­же, я́ко искуше́нней по вся́ческим и спострада́ти ма́терней ско́р­би могу́щей, взы­ва́­ем Ти:

Ра́­дуй­ся, ра́­дость ми́­ру Хри­ста́ Спа­си́­те­ля ро́жд­шая; ра́­дуй­ся, мир от скор­бе́й из­бав­ля́ю­щая.

Ра́­дуй­ся, хуле́ния и клеветы́ на Сы́­на Тво­его́ терпе́вшая; ра́­дуй­ся, страда́нием Его́ спострада́вшая.

Ра́­дуй­ся, ско́рб­ных матере́й уте­ше́­ние; ра́­дуй­ся, чад их благода́тное охране́ние.

Ра́­дуй­ся, в бе­да́х ско́­рое нам за­ступ­ле́­ние; ра́­дуй­ся, за­блу́жд­ших ис­прав­ле́­ние.

Ра́­дуй­ся, младе́нцев пита́ние; ра́­дуй­ся, ю́ных наставле́ние.

Ра́­дуй­ся, Ма́­ти сиро́тствующих; ра́­дуй­ся, вдов за­ступ­ле́­ние.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 5

Богото́чную Кровь Сы́­на Тво­его́, на Кре­сте́ за спа­се́­ние на́­ше излива́емую, зря́щи, я́ко Раба́ Гос­по́д­ня, смире́нно во́ли От­ца́, И́же на небесе́х, повину́ющаяся, нам о́б­раз злострада́ния и терпе́ния яви́ла еси́, да и мы, в пещи́ ис­ку­ше́­ний и бед су́щии, во­пи­е́м смире́нно Бо́­гу: Алли­лу́иа.

Икос 5

Ви́­дя Тя Сын Твой и Бог при Кре­сте́ стоя́щую с возлю́бленным ученико́м и се́рд­цем Ему́ сраспина́ющуюся, гла­го́­ла­ше: Же́но, се сын Твой, и ученику́: се, Ма́­ти твоя́, всыновля́я Те­бе́ вся ве́­рую­щия в Не­го́. Мы же, я́ко о́бщницы ско́р­би и страда́ний Сы́­на Тво­его́, име́юще в Те­бе́ благу́ю Ма́­терь, на Тя все упо­ва́­ние в ско́р­би воз­ла­га́ю­ще, во­пи­е́м Ти:

Ра́­дуй­ся, Ма́­ти ро́­да хри­сти­а́н­ска­го; ра́­дуй­ся, усы­но­ви́в­шая нас при Кре­сте́ Сы́­на Тво­его́.

Ра́­дуй­ся, Бо́­га с че­ло­ве́­ки соедини́вшая; ра́­дуй­ся, ве́р­ных Го́сподеви сочета́вшая.

Ра́­дуй­ся, А́гнице, ро́жд­шая А́гнца, взе́мшаго гре­хи́ ми́­ра; ра́­дуй­ся, ча́ше, че́рплющая нам ра́­дость от Ис­то́ч­ни­ка без­сме́р­тия.

Ра́­дуй­ся, спору́чнице спа­се́­ния гре́ш­ных; ра́­дуй­ся, взыска́ние поги́бших.

Ра́­дуй­ся, неча́янная гре́ш­ных ра́­дос­те; ра́­дуй­ся, па́дших воста́ние.

Ра́­дуй­ся, цели́тельнице всех немоще́й; ра́­дуй­ся, утоле́ние вся́­кия пе­ча́­ли.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 6

Про­по­ве́­ду­ют ми́­лос­ти Твоя́, Бо­го­ма́­ти, вси концы́ вселе́нныя, и́бо честны́м по­кро́­вом Тво­и́м по­кры­ва́е­ши весь род христиа́нский, о не́м­же непреста́нно мо́лишися Хри­сту́ Спа­си́­те­лю на́­ше­му и избавля́еши от всех бед бла­го­нра́в­ныя и бо­го­боя́­щия­ся ра­бы́, ве́р­но во­пию́­щия Бо́­гу: Алли­лу́иа.

Икос 6

Воз­сия́ бла­го­да́ть све­то­за́р­ная от пре­чу́д­ныя ико́­ны Твоея́, Бо­го­ма́­ти, пред не́ю­же со сле­за́­ми при­па́­даю­ще, мо́­лим Ти ся: от­же­ни́ о́блак наше́дших на ны ис­ку­ше́­ний, да во­пи­е́м Ти ра́­дост­но:

Ра́­дуй­ся, принося́щая к Сы́­ну Тво­ему́ и Бо́­гу мо­ле́­ния ве́р­ных; ра́­дуй­ся, и Сама́ у Пре­сто́­ла Сы́­на Тво­его́ непреста́нно моля́щаяся о нас.

Ра́­дуй­ся, предста́тельнице к Бо́­гу, мир от бед спа­са́ю­щая; ра́­дуй­ся, за­сту́п­ни­це ро́­да хри­сти­а́н­ска­го, от Бо́­га нам дарова́нная.

Ра́­дуй­ся, дре́­во бла­го­сен­но­ли́ст­вен­ное, и́м­же покрыва́ются мно́­зи; ра́­дуй­ся, дре́­во светлоплодови́тое, и́м­же пита́ются ве́рнии.

Ра́­дуй­ся, по­кро́­ве ми́­ру, ши́рший о́блака; ра́­дуй­ся, земле́ обетова́ния, из нея́же тече́т мед и мле­ко́.

Ра́­дуй­ся, све́тлый о́блаче, ве́р­ныя непреста́нно освеща́ющий; ра́­дуй­ся, сто́л­пе о́гненный, на­став­ля́яй избра́нныя к небе́сному насле́дию.

Ра́­дуй­ся, ни́во, растя́щая оби́­лие щед­ро́т; ра́­дуй­ся, пода́тельнице вся́­кия бла́­гос­ти.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 7

Хо­тя́­щи яви́­ти то́­ки чу­де́с от Своея́ ико́­ны, Всех скор­бя́­щих Ра́­дос­ти, повеле́ла еси́, Вла­ды́­чи­це, боля́щей Евфи́мии моле́бная пе́­ния пред то́ю соверша́ти, и получи́вши ис­це­ле́­ние, всем пропове́дати ми́­лос­ти, ра́­ди тоя́ ико́­ны явле́нныя, да не сокры́т бу́дет ис­то́ч­ник бла­го­да́т­ных исцеле́ний всем тре́­бую­щим. Те́м­же и мы не таи́м Тво­и́х благодея́ний, но благода́рственне про­слав­ля́ю­ще Бо́­га, во­пи­е́м Ему́: Алли­лу́иа.

Икос 7

Но́вая ку­пе́ль Силоа́мская па́­че о́ныя дре́вния яви́­ся, Пре­чи́с­тая Вла­ды́­чи­це, храм Твой, в не́м­же покланя́емся чудотво́рней ико­не Тво­е́й: И́бо не еди́ною в ле́то и то́кмо пе́рвее входя́щим здра́­вие те́­ла подае́ши, но всег­да́ вся́кий не­ду́г и вся́­кую я́зву ду­ше́в­ную и теле́сную врачу́еши с ве́­рою и лю­бо́­вию к Те­бе́ при­бе­га́ю­щих. Се­го́ ра́­ди во­пи­е́м Ти:

Ра́­дуй­ся, ку­пе́ль, в ней­же вся ско́р­би на́­ша погружа́ются; ра́­дуй­ся, ча́ше, Е́ю­же ра́­дость и спа­се́­ние восприе́млем.

Ра́­дуй­ся, ка́­ме­ню, напои́вший жа́ждущия жи́з­ни; ра́­дуй­ся, дре́­во, услажда́ющее сла́ныя воды́ жите́йскаго мо́ря.

Ра́­дуй­ся, животво́рныя воды́ не­ис­то­щи́­мый ис­то́ч­ни­че; ра́­дуй­ся, ба́­не, омы­ва́ю­щая грехо́вную скве́рну.

Ра́­дуй­ся, скор­бе́й на́­ших услаж­де́­ние; ра́­дуй­ся, пе­ча́­лей на́­ших утоле́ние.

Ра́­дуй­ся, бо­ле́з­ней на́­ших врачева́ние; ра́­дуй­ся, бед из­бав­ле́­ние.

Ра́­дуй­ся, де́монов попра́ние; ра́­дуй­ся, вра­го́в посрамле́ние.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 8

Стра́нницы и прише́льцы вси ес­мы на зем­ли́ сей, по глаго́лу апо́столову: бе­ды́ от вра­го́в, бе­ды́ от сро́дник, бе­ды́ от лжебра́тии тер­пя́­ще в лише́ниих мно́гих и ско́р­бех. Ты же, Вла­ды́­чи­це, Я́ко Бла­га́я Одиги́трие, наста́ви нас к ти́­хо­му при­ста́­ни­щу, и мо­ли́ Сы́­на Тво­его́ проще́нию пре­гре­ше́­ний нам пре́ж­де кон­ца́ дарова́тися, да непреста́нно во­пи­е́м Бо́­гу: Алли­лу́иа.

Икос 8

Все жи­тие́ на́­ше на зем­ли́ боле́зненно и пе­ча́­ли испо́лнено от клеветы́, досажде́ния, укоре́ния и ины́х многови́дных бед и на­па́с­тей: немощству́ет бо те́­ло, изнемога́ет и дух наш. К Те­бе́ у́бо при­бе­га́­ем, Бо­го­ма́­ти, пред пре­чи́с­тою ико́­ною Твое́ю при­па́­даю­ще, ис­по́л­ни ра́­дос­ти и ве­се́­лия ско́рбная серд­ца́ на́­ша, да во­пи­е́м Ти:

Ра́­дуй­ся, путеводи́тельнице, к небе́сному оте́честву нас руководя́щая; ра́­дуй­ся, Ца­ри́­це не́­ба и зем­ли́, врата́ ра́йс­кая нам отверза́ющая.

Ра́­дуй­ся, ми́лостивая, нас ми́лующая; ра́­дуй­ся, домострои́тельнице, жи­тие́ на́­ше до́б­ре устроя́ющая.

Ра́­дуй­ся, руно́ ороше́нное, е́же Гедео́н предви́де; ра́­дуй­ся, блаже́нное чре́во, не­вме­сти́­ма­го все́­ми Бо́­га вмести́вшее.

Ра́­дуй­ся, купино́ неопали́мая; ра́­дуй­ся, неруши́мая сте­но́.

Ра́­дуй­ся, жи­во­но́с­ный ис­то́ч­ни­че; ра́­дуй­ся, цве́­те не­увя­да́­емый.

Ра́­дуй­ся, умягче́ние злых сер­де́ц; ра́­дуй­ся умиле́ние бла­ги́х.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 9

Вся­кая жите́йская в ми́­ре сем сла́­дость пе­ча́­ли бы­ва́­ет прича́стна: сла́­ва не стои́т, бо­га́т­ство мимотече́т, ле́пота и здра́­вие увяда́ют, дру́зи и и́скреннии сме́р­тию отъе́млются. Услади́ у́бо на́­ша ско́р­би, бла­ги́х вино́вная, Твою́ нетле́нную даю́щи ра́­дость нам, во­пию́­щим Бо́­гу: Алли­лу́иа.

Икос 9

Ве­ти́и мно­го­ве­ща́н­нии не­до­уме́­ют, ки́ими сло­ве­сы́ скорбя́щия утеша́ти, но Сама́, Вла­ды́­чи­це, возглаго́ли сердца́м на́­шим уте­ше́­ние, бла­го­да́­ти Твоея́ лу­ча́­ми о́блак ско́р­би на́шея и мрак уны́ния разгоня́ющи, да взы­ва́­ем Ти:

Ра́­дуй­ся, обра́довавшая наде́янием на Тя всех хри­сти­а́н; ра́­дуй­ся, ра́­дос­те и умире́ние ми́­ру.

Ра́­дуй­ся, пода́тельнице Бо­же́ст­вен­ныя бла́­гос­ти; ра́­дуй­ся, на­де́ж­до благ ве́ч­ных.

Ра́­дуй­ся, кораблю́ хотя́щих спас­ти́­ся; ра́­дуй­ся, при­ста́­ни­ще жите́йских пла́ваний.

Ра́­дуй­ся, ве́р­ная хра­ни́­тель­ни­це упова́ющих на Тя по Бо́­зе; ра́­дуй­ся, оде́ж­до на­ги́х дерзнове́ния.

Ра́­дуй­ся, хра­ни́­тель­ни­це всех и утвер­жде́­ние; ра́­дуй­ся, всех ве́р­ных ог­раж­де́­ние и свяще́нное при­бе́­жи­ще.

Ра́­дуй­ся, по́­мо­ще ве́р­но мо­ля́­щих­ся Те­бе́; ра́­дуй­ся, све́т­лое бла­го­да́­ти позна́ние.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 10

Спас­ти́ хо­тя́й род челове́ческий от ве́ч­ныя му́­ки и непрестаю́щия ско́р­би, Человеколю́бец Гос­по́дь в присноде́вственную утро́бу Твою́ все­ли́­ся и Те­бе́, Ма́­терь Свою́, да­ро­ва́ погиба́ющим в по́­мощь, по­кро́в и за­щи­ще́­ние, да бу́деши печа́льным уте­ше́­ние, скор­бя́­щим ра́­до­ва­ние, отча́янным наде́жда, ве́ч­ныя му́­ки Сво­и́м хо­да́­тай­ством из­бав­ля́ю­щая и к небе́сному весе́лию приводя́щая всех, ве́р­но во­пию́­щих Сы́­ну Тво­ему́ и Бо́­гу на́­ше­му: Алли­лу́иа.

Икос 10

Сте­на́ еси́ де́­вам, Бо­го­ро́­ди­це Де́­во, и всем к Тво­ему́ по­кро́­ву при­бе­га́ю­щим. Те́м­же мо́­лим Тя: за­сту­пи́, по­кры́й и соблюди́ всех си́­рых и без­по­мо́щ­ных от ис­ку­ше́­ний, озлобле́ний и бед, Те­бе́ с лю­бо́­вию взыва́ющих:

Ра́­дуй­ся, сто́л­пе де́вст­ва; ра́­дуй­ся, чис­то­ты́ и це­ло­му́д­рия со­су́­де из­бра́н­ный.

Ра́­дуй­ся, во́инствующим на плоть целому́дрием изря́дное венча́ние; ра́­дуй­ся, во и́ночестве благоскорбя́щим пода́тельнице ве́ч­на­го ра́дования.

Ра́­дуй­ся, пла́мень страс­те́й изменя́ющая; ра́­дуй­ся, мрак ис­ку­ше́­ний про­го­ня́ю­щая.

Ра́­дуй­ся, нас­та́в­ни­це це­ло­му́д­рия; ра́­дуй­ся, чис­то­ты́ ог­раж­де́­ние.

Ра́­дуй­ся, ис­прав­ле́­ние че­ло­ве́­ков; ра́­дуй­ся, Е́ю­же от паде́ния воста́хом.

Ра́­дуй­ся, тве́р­дое ве́­ры утвер­жде́­ние; ра́­дуй­ся, прия́тное мо­ли́т­вы ка­ди́­ло.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 11

Пе́­ние все­уми­ле́н­ное при­но́­сим Ти, раби́ Твои́, Бо­го­ро́­ди­це, я́ко всеси́льней за­сту́п­ни­це ро́­да на́­ше­го: утоли́ бо­ле́з­ни многовоздыха́ющих душ на́­ших, укро­ти́ гнев Бо́­жий, пра́ведно на ны дви́жимый грех ра́­ди на́­ших, из­ба́­ви нас от вся́­кия лю́тыя ско́р­би и бо­ле́з­ни, во­пию́­щих о Те­бе́ Бо́­гу: Алли­лу́иа.

Икос 11

Светоприе́мная свеща́, у́глем бла­го­да́­ти Бо́­жия возжже́нная, яви́­ся нам пречестна́я ико́­на Твоя́, Вла­ды́­чи­це, на ос­вя­ще́­ние на́­ше и уте­ше́­ние. Мы же, лю­бо́­вию чту́ще ю и с ве́­рою при­па́­даю­ще к ней, во­пи­е́м Ти:

Ра́­дуй­ся, си́льным Тво­и́м заступле́нием от всех бед нас из­бав­ля́ю­щая; ра́­дуй­ся, от тру́­са и по­то́­па нас защища́ющая.

Ра́­дуй­ся, от гла́­да душе́внаго и теле́снаго нас снабдева́ющая; ра́­дуй­ся, огнь росо́ю мо­ли́тв Тво­и́х угаша́ющая.

Ра́­дуй­ся, от сме́ртнаго губи́тельства нас спа­са́ю­щая; ра́­дуй­ся, в бра́нех кре́п­кая по­мо́щ­ни­це.

Ра́­дуй­ся, от на­ше́ст­вия ино­пле­ме́н­ных нас огражда́ющая; ра́­дуй­ся, от меж­до­усо́б­ныя бра́­ни охраня́ющая.

Ра́­дуй­ся, пла́­ваю­щих ле́гкое по во­да́м прехожде́ние; ра́­дуй­ся, путеше́ствующих до́б­рая води́тельнице.

Ра́­дуй­ся, пле́нных свобожде́ние; ра́­дуй­ся, от належа́щаго пра­вед­на­го пре­ще́­ния Бо́­жия ско́­рое из­бав­ле́­ние.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 12

Бла­го­да́­ти зало́г вос­хо­те́в­ши да́­ти ро́ду на́­ше­му, цельбоно́сную ико́­ну Твою́ яви́ла еси́ нам, Бо­го­ма́­ти, от нея́же то́­ки чу­де́с с ве́­рою при­хо­дя́­щим источа́ются, неду́зи врачу́ются и ско́р­би утоля́ются. Се­го́ ра́­ди ра́­дост­но о Те­бе́ во­пи­е́м Бо́­гу: Алли­лу́иа.

Икос 12

Пою́­ще Твоя́ ми́­лос­ти и чу­де­са́, Бо­го­ро­ди́­тель­ни­це, хва́­лим Тя вси, я́ко тве́р­дую предста́тельницу на́­шу, и со уми­ле́­нием покланя́емся Те­бе́, моля́щейся о нас, и про́­сим: воз­дви́г­ни ру́­це к Сы́­ну Тво­ему́, да всег­да́ в сей жи́з­ни и по сме́р­ти на́­шей ми­ло­се́р­дие Его́ неотсту́пно бу́дет от нас, взыва́ющих Ти:

Ра́­дуй­ся, не­по­сты́д­ное на́­ше упо­ва́­ние в жи­во­те́ и по преставле́нии на́­шем; ра́­дуй­ся, упова́ющим на Тя ми́рен ко­не́ц жи­тия́ се­го́ по­даю́­щая.

Ра́­дуй­ся, в день су́дный на́­ша на­де́ж­до и за­щи­ще­́ние; ра́­дуй­ся, Судии́ пра­вед­на­го умоле́ние.

Ра́­дуй­ся, гее́нны ве́ч­ныя из­бав­ле́­ние; ра́­дуй­ся, на­де́ж­до ве́ч­на­го спа­се́­ния.

Ра́­дуй­ся, ключу́ Ца́рст­вия Хри­сто́­ва; ра́­дуй­ся, две́ре ра́йс­кая.

Ра́­дуй­ся, мо́сте, к небесе́м приводя́й; ра́­дуй­ся, всех ка́ю­щих­ся гре́ш­ни­ков при­бе́­жи­ще и бла­га́я за­сту́п­ни­це.

Ра́­дуй­ся, А́н­ге­лов ра́­дос­те; ра́­дуй­ся, всех пра́­вед­ных сла́­во и уте­ше́­ние.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 13

О Все­пе́­тая Богообра́дованная Ма́­ти, ро́жд­шая на ра́­дость не́бу и зем­ли́ Ца­ря́ Хри­ста́, Бо́­га на́­ше­го! Услы́­ши глас скор­бя́­щих раб Тво­и́х, и прие́мши сие́ ма́­лое мо­ле́­ние на́­ше, из­ба́­ви нас от вся́­ких бед, скор­бе́й и на­па́с­тей; не­ду́­ги на́­ша ис­це­ли́, на­пра́с­ныя клеветы́ потреби́, вся́­ку зло́бу и вражду́ от­же­ни́ от нас и бу́­ду­щия из­ми́ му́­ки о Те­бе́ во­пию́­щих: Алли­лу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

А́н­гел пред­ста́­тель по́с­лан бысть с Не­бе­се́ ре­щи́ Бо­го­ро́­ди­це: ра́­дуй­ся, возвеща́я Боже́ственным воплоще́нием Хри­сто́­вым хотя́щую роди́тися от Нея́ Ра́­дость все­му́ ми́­ру, в ско́р­би погиба́ющу. Те́м­же и мы, грех­ми́ обремене́ннии, на­де́ж­ду спа­се́­ния в Те­бе́ улучи́вше, уми́ль­но взы­ва́­ем Ти:

Ра́­дуй­ся, Бо́­жие ко гре́ш­ным благоволе́ние; ра́­дуй­ся, ка́ю­щих­ся пред Го́сподом Бо́­гом кре́п­кое за­ступ­ле́­ние.

Ра́­дуй­ся, па́д­ша­го Ада́ма воззва́ние; ра́­дуй­ся, слез Е́виных из­бав­ле́­ние.

Ра́­дуй­ся, грехо́вную отъе́млющая скве́рну; ра́­дуй­ся, ба́­не, омы­ва́ю­щая со́­весть.

Ра́­дуй­ся, ро́жд­шая Изба́вителя, без­за­ко́­ния на́­ша ту́­не очища́ющаго; ра́­дуй­ся, всечу́дное всех к Бо́­гу при­ми­ре́­ние.

Ра́­дуй­ся, мо́сте, вои́стину преводя́й нас от сме́р­ти к животу́; ра́­дуй­ся, мир от по­то́­па грехо́внаго спа́сшая.

Ра́­дуй­ся, ле́ствице не­бе́с­ная, Е́ю­же Гос­по́дь к нам сни́­де; ра́­дуй­ся, вина́ всех обо́жения.

Ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Кондак 1

Взбра́нней Воево́де победи́тельная, я́ко из­ба́вль­ше­ся от ве́ч­ныя сме́р­ти бла­го­да́­тию от Те­бе́ ро́жд­ша­го­ся Хри­ста́ Бо́­га на́­ше­го и Тво­и́м ма́терним пред Ним хо­да́­тай­ством, бла­го­да́р­ствен­ная воспису́ем Ти, раби́ Твои́: я́ко иму́щая держа́ву непобеди́мую, от вся́­ких нас бед и ско́рб­ных об­стоя́­ний сво­бо­ди́, зо­ву́­щих: ра́­дуй­ся, Бла­го­да́т­ная Бо­го­ро́­ди­це Де́­во, всех скор­бя́­щих Ра́­дос­те.

Мо­ли́т­ва

О Пре­свя­та́я Вла­ды́­чи­це Бо­го­ро́­ди­це, вы́ш­шая Хе­ру­ви́м и чест­не́й­шая Се­ра­фи́м, Бо­го­из­бра́н­ная От­ро­ко­ви́­це, всех скор­бя́­щих Ра́­дос­те! По­да́ждь уте­ше́­ние и нам, в ско́р­би су́­щим: ра́­зве бо Те­бе́ ино́го прибе́жища и по́­мо­щи не и́ма­мы. Ты еди́на еси́ ра́­дос­ти на́шея хода́таица, и Я́ко Ма́­терь Бо́­жия и Ма́­ти ми­ло­се́р­дия, предстоя́щи у Пре­сто́­ла Пре­свя­ты́я Тро́ицы, мо́жеши нам помо­щи́: ни­кто́­же бо при­те­ка́яй к Те­бе́ посра́млен от­хо́­дит. Услы́­ши у́бо и нас, ны́­не в день ско́р­би пред Твое́ю ико́­ною при­па́­даю­щих и со сле­за́­ми Те­бе́ мо­ля́­щих­ся: от­же­ни́ от нас належа́щия на нас ско́р­би и пе­ча́­ли в сей вре́­мен­ней жи́з­ни, не лише́ны же ны со­тво­ри́ Тво­и́м всеси́льным хо­да́­тай­ством и ве́ч­ныя несконча́емыя ра́­дос­ти в Ца́рст­вии Сы́­на Тво­его́ и Бо́­га на́­ше­го. Ами́нь.

 

Песнь 1

Ирмос: Колесницегони́теля фарао́ня погрузи́/ чудотворя́й иногда́/ Моисе́йский жезл, крестообра́зно порази́в/ и раздели́в мо́ре, Изра́иля же беглеца́, пешехо́дца спа́се,/ песнь Бо́гови воспева́юща.

Припев: Преподо́бне о́тче Анто́ние, моли́ Бо́га о на́с.

Безсме́ртия и жи́зни е́мься ве́чныя я́ве/ и Трисия́нныя зари́, о́тче, насыща́яся,/ просвеще́нием благода́ти омраче́нную ду́шу мою́ озари́ти помоли́ся,/ я́ко да досто́йно воспою́ тя.

Припев: Преподо́бне о́тче Анто́ние, моли́ Бо́га о на́с.

Млад сый во́зрастом телесе́,/ нов путь доброде́тели восприе́м, сим безбе́дно ше́ствовал еси́,/ зако́ну но́вому повину́яся Спа́сову, треблаже́нне,/ и живоно́сным повеле́нием Ева́нгелия после́дуя.

Сла́ва Отцу́ и Сы́ну и Свято́му Ду́ху.

Трисо́лнечным сия́нием, всему́дре, озаря́емь,/ злоу́мное, блаже́нне, де́монов свере́пство, и звере́й зия́ния,/ и ран боле́зни, я́коже паучи́ну, разори́л еси́,/ Боже́ственным разжиза́емь жела́нием.

И ны́не и при́сно и во ве́ки веко́в. Ами́нь.

Богородичен: Я́ко Бо́жия Ма́ти,/ дерзнове́ние иму́щи к ро́ждшемуся из Тебе́ Единоро́дному Сло́ву,/ и Отцу́ Собезнача́льному, и Соесте́ственному Ду́ху,/ моля́щи не преста́й от бед спасти́, Всенепоро́чная,/ Тя, Богоро́дицу, сла́вящия.

Песнь 3

Ирмос: Утвержде́й в нача́ле Небеса́ ра́зумом/ и зе́млю на вода́х основа́вый,/ на ка́мени мя, Христе́, за́поведей Твои́х утверди́,/ я́ко несть свят, па́че Тебе́, Еди́не Человеколю́бче.

Припев: Преподо́бне о́тче Анто́ние, моли́ Бо́га о на́с.

Утвержде́нным по́мыслом и кре́пким терпе́нием страсте́й увяди́л еси́ пла́мень,/ в безстра́стия све́тлую оде́жду, Анто́ние, оде́ялся еси́, о́тче, и спасе́ния ри́зу.

Припев: Преподо́бне о́тче Анто́ние, моли́ Бо́га о на́с.

Крепча́шия прило́ги де́монов дерза́ющих/ и зве́рскими о́бразы подо́бящихся,/ пренебре́гл еси́ тех не́мощную си́лу,/ кре́пкаго бо име́л еси́ во бране́х Спомо́щника.

Сла́ва Отцу́ и Сы́ну и Свято́му Ду́ху.

Богоно́сец, нача́ла тьмы и вла́сти обличи́в воздержа́нием кре́пким,/ до́блественный победи́тель, Анто́ние, был еси́,/ по́стников сла́ва, мона́шествующих похвала́.

И ны́не и при́сно и во ве́ки веко́в. Ами́нь.

Богородичен: Умерщвле́нный мой ум живо́тным де́йством,/ из Тебе́ я́вльшимся ми́ру, воздви́гни, Чи́стая, и к жи́зни наста́ви,/ я́же сме́рти две́ри разо́ршая еди́на Рождество́м Твои́м.

Седален, глас 8

Ду́шу твою́ связа́в любо́вию Христо́вою,/ земна́я возненави́дев вся му́дре,/ водвори́лся еси́, о́тче преподо́бне, в пусты́нях и гора́х,/ разу́мнаго бо дре́ва вкуси́в, сла́вне,/ я́ко от незаходи́мых, таи́нниче, а́нгельски просия́л еси́./ Те́мже и, мрак проше́д пло́ти твоея́,/ тьму отгна́л еси́ де́монов, Анто́ние,/ и, мона́шествующих предызбра́нный,/ моли́ Христа́ Бо́га прегреше́ний оставле́ние пода́ти/ чту́щим любо́вию святу́ю па́мять твою́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Я́ко Всенепоро́чная Неве́сто Творца́,/ я́ко Неискусому́жная Ма́ти Изба́вителя,/ прия́телище я́ко су́щи Уте́шителя, Всепе́тая,/ беззако́ния мя су́ща скве́рное оби́телище и де́монов игра́лище в ра́зуме бы́вша,/ потщи́ся от тех злоде́йства мя изба́вити/ и све́тлое жили́ще доброде́телей соверши́, Светоно́сная Нетле́нная./ Отжени́ о́блак страсте́й, и Вы́шняго прича́стия сподо́би,/ и Све́та Невече́рняго моли́твами Твои́ми.

Песнь 4

Ирмос: Ты моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча/ и на́шу нищету́ посети́в./ Тем с проро́ком Авваку́мом зову́ Ти:/ си́ле Твое́й сла́ва, Человеколю́бче.

Припев: Преподо́бне о́тче Анто́ние, моли́ Бо́га о на́с.

Доброде́телей ле́ствицу Боже́ственную употреби́в,/ к высоте́, о́тче, возше́л еси́/ и Бо́га ви́дел еси́, на ней утвержде́на/ и да́ры раздава́юща руко́ю богате́йшею ве́рно пою́щим:/ си́ле Твое́й сла́ва, Человеколю́бче.

Припев: Преподо́бне о́тче Анто́ние, моли́ Бо́га о на́с.

Весь Бо́гу освяти́лся еси́, Анто́ние,/ еди́н Еди́ному, всему́дре, единя́яся доброде́телию и бесе́дами/ и Богоявле́ния, я́ко чист, сподобля́емь/ земли́ бо и земны́х отступи́в,/ досто́йно Небе́сное обре́л еси́ наслажде́ние.

Сла́ва Отцу́ и Сы́ну и Свято́му Ду́ху.

Ум и ду́шу очи́стив, Анто́ние, пре́лесть, о́тче, душегу́бную,/ и кова́рствия, и ле́сти го́рькия, и мечта́ния враго́в обличи́л еси́,/ пострада́в бо, навы́кл еси́/ и, научи́вся, учи́ши мона́шествующих мно́жества, всеблаже́нне.

И ны́не и при́сно и во ве́ки веко́в. Ами́нь.

Богородичен: Бо́га, из Тебе́ воплоще́ннаго, моли́, непрело́жно, еже́ бе, пребы́вша/ и есте́ственно равна́ Отцу́, и Тебе́, Ро́ждшей, бы́вша Единосу́щна,/ проще́ние прегреше́ний и душ спасе́ние пою́щим Тя ве́рою дарова́ти.

Песнь  5

Ирмос: Вску́ю мя отри́нул еси́/ от лица́ Твоего́, Све́те Незаходи́мый,/ и покры́ла мя есть чужда́я тьма, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Припев: Преподо́бне о́тче Анто́ние, моли́ Бо́га о на́с.

Живу́ща в тебе́ име́я вся ви́дящаго Бо́га, блаже́нне,/ науча́юща тя, и просвеща́юща, и умудря́юща,/ душ, треблаже́нне, чи́стых и блаже́нных восхо́ды зре́ти сподо́бился еси́.

Сла́ва Отцу́ и Сы́ну и Свято́му Ду́ху.

Исцеле́ний тебе́ благода́ть на неду́ги разли́чныя дарова́/ и на ду́хи нечи́стыя Христо́с власть, му́дре:/ естество́ бо, о́тче, победи́в,/ па́че естества́ даро́в причасти́лся еси́ Ду́ха.

И ны́не и при́сно и во ве́ки веко́в. Ами́нь.

Богородичен: Тя сте́ну иму́ще и предста́тельством Твои́м соблюда́еми,/ Твое́ю Боже́ственною сла́вою хваля́щеся, Тя блажи́м:/ Ты бо, Всечи́стая, душа́м на́шим источа́еши весе́лие и ра́дование.

Песнь 6

Ирмос: Бе́здна грехо́в и прегреше́ний бу́ря мя смуща́ет/ и во глубину́ ну́жднаго ре́ет мя отча́яния,/ но Твою́ кре́пкую ру́ку мне простри́, я́ко Петро́ви,/ о Управи́телю! и спаси́.

Припев: Преподо́бне о́тче Анто́ние, моли́ Бо́га о на́с.

Зако́нное страда́льчески житие́ от мя́гких ногте́й восприи́м, Богому́дре,/ да́же до конца́ соблю́л еси́/ и, я́ко Боже́ствен до́блественник,/ вене́ц прия́л еси́ побе́ды от всех Ца́рствующаго.

Сла́ва Отцу́ и Сы́ну и Свято́му Ду́ху.

Иму́ще тя к Бо́гу моли́твенника крепча́йша, блаже́нне,/ и о́бщника попече́ний, и предста́теля, и побо́рника, и хода́тая благоче́стна,/ от вся́ких спаса́емся бед, и напа́стей, и обстоя́ний.

И ны́не и при́сно и во ве́ки веко́в. Ами́нь.

Богородичен: Вознесла́ еси́ всеи́стинно па́дшееся челове́ческое существо́, во зра́це Боже́ственнем/ и Отца́ в ра́венстве, ви́димаго Сы́на неизме́ннаго, Богома́ти,/ без се́мене во чре́ве поноси́вши.

Кондак, глас 2

Жите́йския молвы́ отри́нув,/ безмо́лвно житие́ сконча́л еси́,/ Крести́теля подража́яй вся́ким о́бразом, преподо́бнейший,/ с ним у́бо тя почита́ем,/ отце́в нача́льниче, Анто́ние.

Икос

Христо́в глас услы́шав, ше́ствовал еси́ в след Того́ за́поведей,/ наг жития́ быв, и отве́ргл еси́ попече́ния вся/ стяжа́ний, име́ний и рабо́в твои́х,/ и сестры́ любле́ние, Богоно́се Анто́ние,/ и, еди́н в пусты́нях Бо́гу бесе́дуя чисте́йше, ра́зума благода́ть прия́л еси́,/ ю́же ми посли́, в пе́снех тя пою́щему,/ отце́в нача́льниче, Анто́ние.

Песнь 7

Ирмос: Бо́жия снизхожде́ния/ огнь устыде́ся в Вавило́не иногда́,/ сего́ ра́ди о́троцы в пещи́, ра́дованною ного́ю,/ я́ко во цве́тнице, лику́юще, поя́ху:/ благослове́н еси́, Бо́же оте́ц на́ших.

Припев: Преподо́бне о́тче Анто́ние, моли́ Бо́га о на́с.

Ча́ши бы́ша арома́т лани́ты твоя́,/ доброде́телей благово́ние и спасе́ние благоуха́ющий, я́ко от цве́тника, ве́рою зову́щим:/ благослове́н Бог оте́ц на́ших.

Сла́ва Отцу́ и Сы́ну и Свято́му Ду́ху.

Благода́ть Ду́ха Всесвята́го, в тя все́льшися,/ духо́в гони́теля лука́вствия, о́тче, соде́ла/ и мона́шествующих обучи́теля, зову́ща:/ благослове́н Бог оте́ц на́ших.

И ны́не и при́сно и во ве́ки веко́в. Ами́нь.

Богородичен: Мари́ю Пречи́стую и Всесвяту́ю восхва́лим:/ То́ю бо благода́ть нам источа́ется па́че ума́ даро́в,/ я́ко от пото́ка Боже́ственныя бла́гости,/ Ю́же благочести́вым по́мыслом ны́не ублажи́м.

Песнь 8

Ирмос: Седмери́цею пещь/ халде́йский мучи́тель/ Богочести́вым неи́стовно разжже́./ Си́лою же лу́чшею спасе́ны, сия́ ви́дев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.

Припев: Преподо́бне о́тче Анто́ние, моли́ Бо́га о на́с.

В моли́твах бо́дрое, в поще́ниих благомо́щное, терпели́вное в напа́стех, Анто́ние,/ ума́ чистото́ю на земли́, я́ко А́нгел, показу́я, Бо́гу вопия́л еси́:/ о́троцы, благослови́те, свяще́нницы, воспо́йте,/ лю́дие, превозноси́те во вся ве́ки.

Припев: Преподо́бне о́тче Анто́ние, моли́ Бо́га о на́с.

Моли́твами, преподо́бне, и мольба́ми приближа́яся ты непреста́нно к Бо́гу,/ восте́кл еси́ к высоте́ превзя́тей, де́монских сете́й избе́гл,/ свободи́вся же тех мучи́тельства, Богому́дре, воспева́еши:/ свяще́нницы, по́йте,/ лю́дие, превозноси́те во вся ве́ки.

Сла́ва Отцу́ и Сы́ну и Свято́му Ду́ху.

Но́вый Моисе́й быв, в пусты́ни побе́ду на враги́ и бори́тели поста́вил еси́,/ лю́ди предводя́, по́стников собо́р в весе́лии и но́вом жи́тельстве,/ вопию́щих Влады́це:/ свяще́нницы, благослови́те, лю́дие, превозноси́те во вся ве́ки.

И ны́не и при́сно и во ве́ки веко́в. Ами́нь.

Богородичен: Богороди́тельнице Всечи́стая,/ души́ моея́ я́звы и грехо́вныя стру́пы очи́сти,/ исто́чниками омыва́ющи, су́щими из боку́ Рождества́ Твоего́/ и су́щими из того́ очища́ющи струя́ми,/ к Тебе́ бо взыва́ю, и к Тебе́ прибега́ю,/ и Тя призыва́ю, Богоблагода́тную.

Песнь 9

Ирмос: Ужасе́ся о сем Не́бо,/ и земли́ удиви́шася концы́,/ я́ко Бог яви́ся челове́ком пло́тски/ и чре́во Твое́ бысть простра́ннейшее Небе́с/ Тем Тя, Богоро́дицу,/ А́нгелов и челове́к чинонача́лия велича́ют.

Припев: Преподо́бне о́тче Анто́ние, моли́ Бо́га о на́с.

Наста́ светоно́сный твой пра́здник, всеблаже́нне о́тче Анто́ние,/ испо́лнь ра́дости, испо́лнь весе́лия духо́внаго,/ испо́лнь Свята́го Ду́ха, испо́лнь благоуха́ния и просвеще́ния,/ и ны́не, иму́ще тя поще́ния пра́вило и законополо́жника, ра́дуемся.

Припев: Преподо́бне о́тче Анто́ние, моли́ Бо́га о на́с.

Не преста́й моля́ Изба́вителя, всечестны́й о́тче,/ дарова́ти благогове́йно па́мять твою́ соверша́ющим свяще́нную прегреше́ний оставле́ние,/ дарова́ний раздая́ние, Боже́ственное предста́тельство,/ душ спасе́ние, ве́чное ра́дование.

Сла́ва Отцу́ и Сы́ну и Свято́му Ду́ху.

Равноа́нгелен пожи́в на земли́, равноа́нгельну обре́л еси́ све́тлость,/ тех бо Богови́днейшим сия́нием в прича́стии был еси́./ С ни́миже и ра́дуешися всегда́, я́ко Боже́ственный проро́к,/ я́ко му́ченик венцено́сец,/ я́ко мона́шествующих верхо́вник.

И ны́не и при́сно и во ве́ки веко́в. Ами́нь.

Богородичен: Зачала́ еси́, Де́во, без се́мене/ вся́ческая созда́вшаго Сло́во Бо́жие, кроме́ хоте́ний плотски́х,/ и без истле́ния родила́ еси́, без боле́зней ма́терних./ Тем Тя, Богоро́дицу, и язы́ком, и се́рдцем испове́дующе, велича́ем.

Светилен

Свет единонра́вных показа́лся еси́,/ Све́та ходи́ти стезя́ми благочести́выя научи́в,/ Анто́ние, отце́в о́тче,/ и пла́мень мо́лнии па́ки огнь испуща́я и попаля́я де́монов полки́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Тя песньми немо́лчными ублажа́ем, Дево,/ я́ко от Тро́ицы Еди́наго родила́ еси́, Богоро́дице,/ и носи́ла еси́ на Боже́ственных объятиих Пресущественное Сло́во,/ невращно и неизме́нно.

 

АКАФИСТ СВЯТОМУ АПОСТОЛУ И ЕВАНГЕЛИСТУ МАРКУ

Конда́к 1.

Пресла́вных апо́стол Петра́ и Па́вла сора́тниче, струя́ми благода́ти Госпо́дней напои́вши оби́льне концы́ ми́ра, святы́й апо́столе Ма́рко, при́зри ны́не на ны́, чту́щия усе́рдно па́мять твою́! Укрепи́ сердца́ на́ша Тро́ическою ве́рою, испо́лни на́с ду́ха прему́дрости, научи́ ра́зуму, обрати́ во ученико́в свои́х, да непреста́нно пое́м благода́рственная тебе́, во умиле́нии зову́ще:

Ра́дуйся, святы́й апо́столе Ма́рко, во Ева́нгелии Христа́ пропове́дниче.

И́кос 1.

Ми́ра созда́телю, Христо́с Бо́г, па́дшее во тьму́ челове́чество, све́том нетле́нным просвеща́ти жела́я, тя́, блаже́нне апо́столе Ма́рко, из до́ма ма́тери твоея́ Мари́и во гра́де Иерусали́ме на служе́ние Себе́ призва́, на де́лание спасе́ния на́шего во мно́ги зе́мли иуде́ом и е́ллином Христа́ распя́таго, Бо́жию си́лу и Бо́жию прему́дрость пропове́дати посла́в. Те́мже и мы́, све́том уче́ния твоего́ озаря́еми, се́рдцем и усты́ к тебе́ си́це вопие́м:

Ра́дуйся, из евре́йска коле́на Леви́ина роди́выйся; ра́дуйся, от пле́мени свяще́нническаго Бо́гом избра́нный.

Ра́дуйся, в до́ме ма́тери своея́ Мари́и, апо́стольском прибе́жище, Све́т узре́вый; ра́дуйся, евре́йски Иоа́нном нарече́нный, лати́нское и́мя Ма́рк во сла́ву Бо́га просвети́вый.

Ра́дуйся, обы́чаи роди́тельския почита́вый; ра́дуйся, измла́да и́стинную простоту́ возлюби́вый.

Ра́дуйся, от ю́ности украше́нный доброде́тельми; ра́дуйся, к ве́ре и упова́нию на Бо́га на́с призва́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 2.

Всобо́рныя труды́ созыва́юще иерусали́млян ве́рующих и апо́стол Бо́жиих, до́м ма́тери твоея́, святы́й апо́столе, тебе́ ковче́гом духоно́сным и назида́тельным ста́л, оба́че и мы́ собо́рность Це́ркви Госпо́дней почита́ем, усе́рдно поя́: Аллилу́иа.

И́кос 2.

Ра́зум боже́ственный и́мам, при жи́зни земно́й в це́ркви гра́да Госпо́дня сугу́бо чти́мый, тво́й дя́дя Варна́ва, апо́столе Ма́рко, му́ж до́брый и испо́лненный Ду́ха Свята́го и ве́ры, Тро́ическим про́мыслом к апо́столу Па́влу в до́ме ма́тернем тебя́ прибли́зивый, за таково́е и мы́ с благогове́нием умиле́нно вопие́м сицева́я:

Ра́дуйся, апо́столу Варна́ве по пло́ти и о Бо́зе сро́дниче; ра́дуйся, в до́ме ма́тернем первоверхо́вных апо́стол Петра́ и Па́вла сре́тивый.

Ра́дуйся, первоверхо́вных апо́стол Петра́ и Па́вла учениче́ ста́в усе́рдный; ра́дуйся, Ду́ха Свята́го обогати́выйся от апо́стол первоверхо́вных.

Ра́дуйся, я́ко са́м ста́л еси́ обита́лищем Пресвята́го Ду́ха; ра́дуйся, украше́ние целому́дрия.

Ра́дуйся, от Го́спода жре́бий апо́стольства улучи́вый; ра́дуйся, благове́стия трубо́, основа́ния ве́тхаго ми́ра сокруши́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 3.

Си́лою свы́ше укрепле́ннии, в пе́рвый пу́ть из Антиохи́и к иуде́ом и волхво́м с апо́столы Па́влом и Варна́вою по́слани Го́сподем бы́сте, тебе́, святы́й апо́столе и евангели́сте, с собо́ю взя́вше, на́м же укажи́ стезю́ ко Го́споду, вопию́щих: Аллилу́иа.

И́кос 3.

Иму́ще прему́дрость ше́ствовати за ста́ршими апо́столы, ты́ святи́телю Ма́рко, о́стров Ки́пр с восто́ка на за́пад проше́д пропове́да, те́м у́бо и на́ша ду́ши, омраче́нныя мра́ком страсте́й ко све́ту Госпо́дню просвети́, да восхва́лим ти́ та́ко:

Ра́дуйся, свиде́телем ста́в пораже́ния слепото́ю волхва́ Вариису́са по сло́ву апо́стола Па́вла; ра́дуйся, в ма́лую А́зию из Ки́пра со апо́столы Па́влом и Варна́вою проше́ствовавый.

Ра́дуйся, дерза́ющий Про́мысл Бо́жий исполня́ти, из Перги́и во Иерусали́м возврати́выйся; ра́дуйся, во свято́м гра́де ко апо́столу Петру́ присоедини́выйся.

Ра́дуйся, со апо́столом Петро́м в Ри́м от до́ма ма́терняго ше́ствовати вознаме́ривыйся; ра́дуйся, Це́рковь Правосла́вную во гра́де Ри́ме апо́столу Петру́ соде́йствующе, утверди́вый.

Ра́дуйся, напои́вый зе́млю ри́мскую струя́ми боже́ственных веща́ний; ра́дуйся, мно́жество язы́чников ри́мских во́инами христо́выми утверди́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 4.

Сладча́йшаго Учи́теля ты́ па́че все́х бла́г земны́х возлюби́л еси́, что́ устреми́лся возвести́ти его́ о ше́ствии Иу́ды со стра́жники, наготу́ пло́ти своея́ успе́в покры́ти то́лько покрыва́лом, научи́ и на́с чрез все́ житие́ ко Спаси́телю свои́ стопы́ устремля́ти, вопия́ше Ему́: Аллилу́иа.

И́кос 4.

Слы́шаша, богому́дре Ма́рко, бли́жнии и да́льнии ри́мляне из у́ст твои́х о Го́споде, ре́вностно возжела́ли в письмена́х обрести́ сло́во Бо́жие, мы́ же к и́х мольба́м благода́рственно вопие́м ти́:

Ра́дуйся, в дни́ разли́чны от апо́стола Петра́ слы́шанное во Ева́нгелие изложи́вый; ра́дуйся, Ева́нгелие тобо́ю пи́санное, второ́й кни́гой Заве́та Госпо́дняго яви́ся.

Ра́дуйся, чудеса́ми Боже́ственными во Ева́нгелие си́лу Тро́ицы Свято́й показа́вый; ра́дуйся, явле́нием Иоа́нна Крести́теля благовествова́ние о Го́споде нача́вый.

Ра́дуйся, про́поведь из пусты́ни иуде́йской в пусты́ню все́й земли́ принесы́й; ра́дуйся, я́ко рыка́ющему льву́ гла́с вопию́щаго в пусты́ни уподо́бивый.

Ра́дуйся, са́м со льво́м в Це́ркви Христо́вой показу́емый; ра́дуйся, непоколеби́мый сто́лпе, тве́рдо содержа́вый су́щих в ве́ре.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 5.

Сверши́вше труды́ апо́стольския в Ри́ме, исполня́я смире́нно чрез апо́стола Петра́ во́лю Госпо́дню дарова́ти ины́м зе́млем сло́во Бо́жие, апо́столе Христо́в Ма́рко, научи́ смире́нию и послуша́нию на́с гре́шных, пою́щих: Аллилу́иа.

И́кос 5.

Не и́щуще сла́вы себе́, но ре́вностно благовеству́яй во сла́ву Христо́ву, святы́й апо́столе Ма́рко, дерзну́вый во гра́д импера́торов войти́. Тебе́ мы́, многогре́шнии, хвалу́ воспева́ем:

Ра́дуйся, из Ри́ма в Аквиле́ю для про́поведи сло́ва Бо́жия прише́дый; ра́дуйся, во гра́де, возлю́бленнем импера́торами, о Христе́ распя́том благовествова́вый.

Ра́дуйся, Аквиле́ю, зла́том с Ри́мом ра́вной, нетле́нным зла́том сло́ва Бо́жия озари́вый; ра́дуйся, во́ды мо́ря Адриати́ческаго вода́ми Иорда́нскими утверди́вый.

Ра́дуйся, сокро́вищами духо́вными бога́тства Аквиле́и посрами́вый; ра́дуйся, в гра́де се́м Це́рковь Христо́ву основа́вый.

Ра́дуйся, все́м се́рдцем Иису́са, Сы́на Бо́жия возлюби́вый; ра́дуйся, с усе́рдием Свято́й Тро́ице зе́мно послужи́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 6.

Боготе́чней звезде́ подо́бен бы́л еси́, апо́столе Ма́рко, с ра́достию во иуде́йский и язы́ческий Еги́пет Ева́нгелие Христо́во поне́сший, научи́л еси́ неве́рных ве́ровати в Тро́ицу Единосу́щную и ку́пно с тобо́ю воспева́ти: Аллилу́иа.

И́кос 6.

Подо́бно Моисе́ю, не́когда возвести́вшему сыно́м Изра́илевым избавле́ние от и́га Фарао́нова, ты́ из апо́стол пе́рвым, евангели́сте Ма́рко, во Еги́пте возвести́л свобо́ду от ра́бства диа́вола, мы́ же, чту́щи па́мять твою́, умиле́нно пое́м:

Ра́дуйся, вели́кое мно́жество же́н и муже́й иуде́йских во Еги́пте ко Христу́ приведы́й; ра́дуйся, зе́рна Ева́нгелия в угото́ванную зако́ном Моисе́овым зе́млю всади́вый.

Ра́дуйся, утвержде́ние ве́ры Христо́вой; ра́дуйся, сто́лпе Це́ркви Бо́жия.

Ра́дуйся, в Александри́и еги́петской Це́рковь Христо́ву возведы́й; ра́дуйся, насади́телю и́стиннаго богопочита́ния.

Ра́дуйся, свети́ло ве́ры Правосла́вныя; ра́дуйся, всего́ ро́да Христиа́нскаго украше́ние.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 7.

Узре́л еси́, апо́столе Ма́рко, во о́бразе Челове́честем Влады́ку ми́ра и Сы́на Бо́жия, от первоверхо́вных апо́стол открове́ние о Го́споде возлюби́в. Сего́ ра́ди и мы́, испове́данию твоему́ вня́вше, пое́м та́ко: Аллилу́иа.

И́кос 7.

Ра́зум неуразуме́нный вразумля́я о Святе́й Тро́ице, побо́рниче испове́дания Правосла́вныя ве́ры, святы́й апо́столе Ма́рко, из Антиохи́и со святы́ми Па́влом и Варна́вою ше́ствовати во вторы́й пу́ть с про́поведию Христо́вой вознаме́ривыйся. Сего́ ра́ди ве́рнии научи́шася воспева́ти тебе́:

Ра́дуйся, про́мыслу Бо́жию на тебе́ по исхо́де из Антиохи́и сверши́вшемуся; ра́дуйся, ше́ствовати да́лее ку́пно, отка́з апо́стола Па́вла получи́вый.

Ра́дуйся, с дя́дею свои́м апо́столом Варна́вою в Ки́пр возврати́выйся; ра́дуйся, в се́ни до́ма роди́тельскаго от стра́нствий до вре́мени почива́вый.

Ра́дуйся, богоозаре́нный испове́дниче неизрече́нныя Боже́ственныя сла́вы; ра́дуйся, ми́р веща́нием воплоти́вшагося Бо́жия сло́ва озари́вый.

Ра́дуйся, мре́жею благода́ти на́с из суе́т ми́ра любо́вию возводя́щий; ра́дуйся, уче́ний небе́сных благовеща́нный сказа́телю.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 8.

Та́йнам Ца́рствия Бо́жия науче́нный, па́ки во Еги́пте благовеству́я, апо́столе Ма́рко, апо́стола Петра́ сре́тивый, омраче́нныя грехми́ ду́ши на́ша просвети́, да воспря́нем е́же пе́ти Бо́гу: Аллилу́иа.

И́кос 8.

Ве́сь огне́м Боже́ственныя любве́ испо́лненный, в терпе́нии стяжа́в Ду́х Святы́й, Бо́гом води́мый десни́цею свое́ю Ева́нгелие Госпо́дне напису́я, апо́столе Ма́рко, апо́стола Петра́ в Вавило́не для трудо́в но́вых сре́тивый, мы́ же, любо́вию твое́ю побежда́еми, дерза́ем зва́ти тебе́ такова́я:

Ра́дуйся, апо́столу Петру́ усе́рдно подража́вый; ра́дуйся, со апо́столом Петро́м Це́рковь Христо́ву в Вавило́не еги́петстем созда́вый.

Ра́дуйся, апо́столе Пе́тре, в хра́ме то́м пе́рвое посла́ние к малази́йцем сотвори́вый; ра́дуйся, апо́столе Ма́рко, дру́же врата́ря ра́йскаго, отве́тшаго Спа́су, ты́ еси́ Христо́с, Сы́н Бо́га Жива́го.

Ра́дуйся, собра́том ста́в апо́столу, ключи́ Ца́рствия Небе́снаго стяжа́вшаго; ра́дуйся, Христо́во Ева́нгелие в себе́ воплоти́вый.

Ра́дуйся, ко све́ту та́йн Бо́жиих приница́ющий; ра́дуйся, сло́ва Бо́жия усе́рдный изъясни́телю.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 9.

Си́лою свы́ше осене́нный, апо́столе Ма́рко, гони́телей свято́й ве́ры не устраши́выйся, благове́стническия труды́ заточе́ннаго во у́зы в Ри́ме апо́стола Па́вла раздели́вый, ве́ру Христо́ву велегла́сно прославля́я, те́мже поя́ху Бо́гу: Аллилу́иа.

И́кос 9.

Вити́я многовеща́нныя не довле́ют изглаго́лати чистоту́ духо́вную, ю́же име́л ты́, апо́столе Ма́рко, и на́с научи́ ве́ре кре́пцей, с любо́вию зову́щих ти́:

Ра́дуйся, Па́влом, во дни́ заточе́ния, колосса́ем о тебе́ писа́вшим, я́ко о свое́м уте́шителе; ра́дуйся, и́мже сотру́дником свои́м для Ца́рствия Бо́жия нарече́нный.

Ра́дуйся, указа́ние ше́ствовати из Ри́ма в Ма́лую А́зию испо́лнивый; ра́дуйся, во фриги́йский гра́д Коло́ссы прише́дый.

Ра́дуйся, лжеучи́телем, прельща́вшим колосси́йских христиа́н, противоде́йственниче; ра́дуйся, иуде́ев и е́ллинов просвети́телю.

Ра́дуйся, тридне́внаго сме́рти и воскре́сния Божества́ благовести́телю; ра́дуйся, кро́тости и воздержа́ния учи́телю.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 10.

Спасти́ хотя́ ро́д челове́ческий, са́м благове́стником на стезя́х Бо́жиих ста́вый, в приле́жнем послуша́нии апо́столу Па́влу ве́рен до конца́ бы́вый, поя́ Тро́ице Пресвяте́й: Аллилу́иа.

И́кос 10.

Царя́ Небе́снаго, Его́же славосло́вят херуви́мы и серафи́мы, житие́м, ве́рою и любо́вию всеусе́рднейший служи́тель бы́л еси́, апо́столе Ма́рко, первоверхо́вным апо́столом Па́влом пред кончи́ною его́ во у́зах бы́л призва́нный, Того́ ра́ди ра́достно зове́м ти́:

Ра́дуйся, посла́ние апо́стола Па́вла к Тимофе́ю испо́лнивый; ра́дуйся, со апо́столом Тимофе́ем из Ма́лой А́зии в Ри́м на по́мощь Па́влу поспеши́вый.

Ра́дуйся, свиде́телем му́ченической кончи́ны обои́х учи́телей свои́х яви́выйся; ра́дуйся, вели́каго апо́стола Па́вла, ри́мскаго граждани́на, усекнове́нным узре́вый.

Ра́дуйся, первоверхо́внаго апо́стола Петра́, ра́спята на кресте́ созерца́вый; ра́дуйся, пло́ть свою́ ко страда́нием за Христа́ угото́вавый.

Ра́дуйся, сле́зы за грехи́ на́ша пред Го́сподем пролия́вый; ра́дуйся, учи́телей свои́х в Ца́рствии Бо́жием сре́тивый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 11.

Пе́ние Пресвяте́й Тро́ице с первоверхо́вными апо́столы возда́л еси́, апо́столе Ма́рко, сло́вом, умо́м и живы́м всего́ себе́ в же́ртву принесе́нием: подража́я бо распя́тому за ны́ непоро́чному А́гнцу Христу́, положи́л еси́ ду́шу свою́ за дру́ги своя́ во́лею. Те́мже благода́рни су́ще, пое́м ди́вному во святы́х: Аллилу́иа.

И́кос 11.

До после́дняго часа́ своего́ науча́ти любви́ Госпо́дней и сло́ва Бо́жия устремле́нный, апо́столе Ма́рко, па́ки во Еги́пет по́сле убие́ния учи́телей свои́х стопы́ напра́вивый, просвеща́еши бо сердца́ ве́рных и к ра́зуму Боже́ственному вся́ наставля́еши, поуча́я и на́с ве́село взыва́ти:

Ра́дуйся, во Еги́пет воздви́гнутый тобо́ю хра́м благоустра́ивать напра́вивыйся; ра́дуйся, в Александри́и средото́чие гре́ческаго уче́ния в зна́тнем книгохрани́лище во сла́ву Христо́ву употреби́вый.

Ра́дуйся, иуде́ев, увле́кшихся гре́честей уче́ностию, к зна́нием христиа́нским приведы́й; ра́дуйся, христиа́нское учи́лище в Александри́и основа́вый.

Ра́дуйся, учи́лище сие́, знамени́тыми учи́тельми и отца́ми Це́ркви просла́вивший; ра́дуйся, в забо́те о слу́жбе церко́вней чи́н Боже́ственныя Литурги́и соста́вивый.

Ра́дуйся, из Александри́и пропове́дать Христа́ в А́фрику, Ливи́ю и ины́м язы́ком пу́ть предприя́вый; ра́дуйся, во Еги́пте про́поведи твои́ вро́вень с млеко́м ма́тери христиа́не употреби́ша.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 12.

Благода́ть Бо́жия соблюда́ше тя́, апо́столе Ма́рко, а́ки Пе́тр и Па́вел Ева́нгелие возвеща́л еси́, сло́вом Христо́вым ве́рныя утеша́я. И та́ко упа́сл еси́ Це́рковь да́же до дне́, егда́ язы́чники злы́я в хра́м ворва́вшеся с наме́рением погуби́ти тя́, неуста́нно взыва́л ко Го́споду: Аллилу́иа.

И́кос 12.

Пою́ще многотру́дныя по́двиги за Христа́, всехва́льный апо́столе Ма́рко, хва́лим ева́нгельския труды́ твоя́, ублажа́ем му́ченическую кончи́ну, почита́ем свяще́нную па́мять твою́ и в похвалу́ сицева́я тебе́ зове́м:

Ра́дуйся, пе́рвый епи́скопе це́ркви Александри́йстей; ра́дуйся, Александри́и первому́чеником явле́нный.

Ра́дуйся, е́ллинское божество́ се́раписа Свято́ю Па́схою разруши́вый; ра́дуйся, в Пра́здник Христо́вой Па́схи е́ллинами уму́ченный.

Ра́дуйся, а́нгелом Госпо́дним в темни́це на по́двиг укрепле́нный; ра́дуйся, исте́рзанный, всле́д за а́нгелом от Самого́ Го́спода утеше́ние прия́вый.

Ра́дуйся, во вторы́й де́нь лю́тою толпо́ю доро́гами гра́да влаче́нный, ду́х от му́к испусти́вый; ра́дуйся, я́ко те́ло твое́ не да́л еси́ Госпо́дь огне́м сожещи́, гро́мом с мо́лнией злора́дных е́ллинов вразумля́я, и христиа́ном пречи́стую пло́ть погреба́ти благослови́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 13.

Овсехва́льный благове́стниче апо́столе и евангели́сте Ма́рко! Внемли́ у́бо воздыха́нию серде́ц на́ших, моля́щихся тебе́, учи́телю и архипа́стырю, мно́го бо мо́жет моли́тва святы́х апо́стол пред Бо́гом: научи́ на́с потщи́теся и па́мятовати о небе́снем зва́нии и христиа́нстей кончи́не жи́зни на́шея, привлецы́ ны́ ко сла́дости ева́нгельския и́стины, свяжи́ у́зами любве́ Христо́вы, да мы́ вси́, отве́ргшеся нече́стия и мирски́х похоте́й, вни́дем в ра́дость Го́спода на́шего, пою́ще Ему́ с тобо́ю и со все́ми апо́столы: Аллилу́иа.

Этот конда́к читается трижды, затем и́кос 1-й и конда́к 1-й.

И́кос 1.

Ми́ра созда́телю, Христо́с Бо́г, па́дшее во тьму́ челове́чество, све́том нетле́нным просвеща́ти жела́я, тя́, блаже́нне апо́столе Ма́рко, из до́ма ма́тери твоея́ Мари́и во гра́де Иерусали́ме на служе́ние Себе́ призва́, на де́лание спасе́ния на́шего во мно́ги зе́мли иуде́ом и е́ллином Христа́ распя́таго, Бо́жию си́лу и Бо́жию прему́дрость пропове́дати посла́в. Те́мже и мы́, све́том уче́ния твоего́ озаря́еми, се́рдцем и усты́ к тебе́ си́це вопие́м:

Ра́дуйся, из евре́йска коле́на Леви́ина роди́выйся; ра́дуйся, от пле́мени свяще́нническаго Бо́гом избра́нный.

Ра́дуйся, в до́ме ма́тери своея́ Мари́и, апо́стольском прибе́жище, Све́т узре́вый; ра́дуйся, евре́йски Иоа́нном нарече́нный, лати́нское и́мя Ма́рк во сла́ву Бо́га просвети́вый.

Ра́дуйся, обы́чаи роди́тельския почита́вый; ра́дуйся, измла́да и́стинную простоту́ возлюби́вый.

Ра́дуйся, от ю́ности украше́нный доброде́тельми; ра́дуйся, к ве́ре и упова́нию на Бо́га на́с призва́вый.

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Конда́к 1.

Пресла́вных апо́стол Петра́ и Па́вла сора́тниче, струя́ми благода́ти Госпо́дней напои́вши оби́льне концы́ ми́ра, святы́й апо́столе Ма́рко, при́зри ны́не на ны́, чту́щия усе́рдно па́мять твою́! Укрепи́ сердца́ на́ша Тро́ическою ве́рою, испо́лни на́с ду́ха прему́дрости, научи́ ра́зуму, обрати́ во ученико́в свои́х, да непреста́нно пое́м благода́рственная тебе́, во умиле́нии зову́ще:

Ра́дуйся, святы́й апо́столе Ма́рко, во Ева́нгелии Христа́ пропове́дниче.

Моли́тва.

Опресла́вный апо́столе и евангели́сте Ма́рко, ду́шу за Христа́ преда́вый и кро́вию твое́ю па́жить Его́ удобри́вый! При́зри на на́с, ча́д Госпо́дних многогре́шных, все́х зде́ ны́не предстоя́щих и моля́щихся (имена́), моли́твы и воздыха́ния сердца́ми сокруше́нными ны́не принося́щих.

Се́ бо беззако́ньми омрачи́хомся, и того́ ра́ди беда́ми, я́коже ту́чами, обложи́хомся, еле́а же до́браго жития́ обнища́хом зело́, и не возмо́жем проти́витися волко́м хи́щным, и́же расхища́ти насле́дие Бо́жие де́рзостно тща́тся.

О, всехва́льный апо́столе и евангели́сте Ма́рко! Просвети́ на́с све́том Свята́го Ева́нгелия Госпо́дня, вразуми́ истреби́ти не́мощи на́ша, помоги́ не отлуча́тися от Го́спода Спа́са на́шего, да не разлучи́мся в коне́ц от любве́ Бо́жия, но кре́пким заступле́нием твои́м на́с защити́, да поми́лует Госпо́дь все́х на́с моли́тв твои́х ра́ди, да вразуми́т сло́вом Свои́м и рукописа́ние безме́рных грехо́в на́ших истреби́т, и да сподо́бит со все́ми святы́ми апо́столы во блаже́нном Ца́рствии воспева́ти Пресвяту́ю и Неразде́льную Тро́ицу, Отца́ и Сы́на и Свята́го Ду́ха, и ны́не и при́сно и во ве́ки веко́в! Ами́нь.

МОЛИТВА ПРЕПОДОБНОЙ МАРИИ ЕГИПЕТСКОЙ О ПРЕОДОЛЕНИИ ГРЕХОВ И СТРАСТЕЙ, О ДАРОВАННИ ПОКАЯНИЯ

Кондак 1

Избра́нней от Го́спода во о́браз спасе́ния всем гре́шным и отча́янным, из глубины́ греха́ восте́кшей на высоту́ безстра́стия, похва́льная пе́ния прино́сим ти, ма́ти преподо́бная, ты же, я́ко иму́щи дерзнове́ние к Ще́дрому Бо́гу, моли́твами твои́ми наста́ви на стезю́ покая́ния любо́вию тебе зову́щих: Ра́дуйся, чу́до милосе́рдия Бо́жия, Мари́е равноа́нгельная.

Икос 1

А́нгела во пло́ти узре́в тя в пусты́ни Иорда́нской вели́кий Зоси́ма, на возду́се стоя́щую и о ми́ре моля́щуюся, со удивле́нием и у́жасом одержи́мь весь тре́петом быв, со слеза́ми вопия́ше тебе́ такова́я:

Ра́дуйся, благода́ти и све́та испо́лненная;

ра́дуйся, прозре́ния да́ром украше́нная.

Ра́дуйся, в моли́тве твое́й на возду́се стоя́щая;

ра́дуйся, пусты́нное сокро́вище, от ми́ра утае́нное.

Ра́дуйся, безпло́тных собесе́днице;

ра́дуйся, Ду́ха Свята́го селе́ние.

Ра́дуйся, чу́до милосе́рдия Бо́жия, Мари́е равноа́нгельная.

Кондак 2

Ви́дящи ста́рца благогове́йнаго, у́жаса испо́лнена, ти́хим гла́сом рекла́ еси́ тому́, преподо́бная: «Не бо́йся, а́вво Зоси́мо, несмь дух, но земля́, прах и пе́пел, и вся́чески плоть, ничто́же духо́вное когда́ помы́слившая и ни еди́ныя доброде́тели иму́щая. Жена́ есмь гре́шница, недосто́йная взира́ти на не́бо, и со стра́хом гре́шными усты́ зову́ Бо́гу: Аллилу́иа».

Икос 2

Разуме́ти ища́ ди́вную та́йну, в тебе́ сокрове́нную, ста́рец паде́ пред нога́ма твои́ма, глаго́ля: «Заклина́ю тя и́менем Го́спода на́шего Иису́са Христа́, Его́же ра́ди наготу́ но́сиши сию́, не скры́й от мене́ жития́ твоего́, да вели́чия Бо́жия я́ве сотвори́ши». С ни́мже и мы дерза́ем ублажа́ти тя си́це:

Ра́дуйся, смире́ния све́тлая высото́;

ра́дуйся, дарова́ний духо́вных бога́тство неисчерпа́емое.

Ра́дуйся, любве́ ра́ди Бо́жия те́ло свое́ умерщвля́вшая;

ра́дуйся, в пусты́ни непрохо́дней еди́на с еди́ным Бо́гом пребыва́вшая.

Ра́дуйся, ра́йскою красото́ю сия́ющая;

ра́дуйся, безстра́стия све́том озаре́нная.

Ра́дуйся, чу́до милосе́рдия Бо́жия, Мари́е равноа́нгельная.

Кондак 3

«Си́лою Вы́шняго укрепля́ема, испове́м ти, челове́че Бо́жий, грехи́ и беззако́ния моя́, — отвеща́ла еси́ Зоси́ме, — стыжду́ся, о́тче, прости́ мя, но поне́же те́ло мое́ на́го вид́ел еси, обнажу́ ти и дела́ моя́, оба́че молю́ тя пе́рвее: не бежи́ от мене́, не терпя́ слы́шати безме́стная, я́же аз содея́х; но, милосе́рдствуя о мне, моли́ся за мя, блу́дную, и Бо́гу, не возгнуша́вшемуся мно́ю, зови́: Аллилу́иа».

Икос 3

«Име́я милосе́рдие неизрече́нное, с мытари́ и гре́шники вечеря́вый, Той и мне, во глубину́ поги́бели па́дшей, простре́ ру́ку Свою́ Боже́ственную, егда́ бо возжела́х аз вни́ти в хра́м Госпо́день, не́кая си́ла возбра́ни ми вход, се́рдца же моего́ косну́выйся свет ра́зума, показа́ ми ти́ну дел мои́х; и нача́х пла́катися о гресе́х, в пе́рси бию́щи и го́рько рыда́ющи», — си́це рекла́ еси́, Мари́е, мы же, покая́нию твоему́ дивя́щеся, пе́ние прино́сим ти таково́е:

Ра́дуйся, я́ко но́щи преше́дшей возсия́ ти заря́ спасе́ния;

ра́дуйся, я́ко глас Христо́в призва́ овча́ заблу́ждшее от де́брей греха́.

Ра́дуйся, я́ко сле́зными то́ки омы́ла еси́ вся твоя́ скве́рны;

ра́дуйся, я́ко слеза́ми твои́ми очи́стила еси́ одея́ние души́ твоея́.

Ра́дуйся, я́ко Оте́ц щедро́т объя́тия Своея́ любве́ тебе́ отве́рзе;

ра́дуйся, я́ко Ве́дый твоя́ та́йная рукописа́ния грехо́в твои́х раздра́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 4

Бу́рею ско́рбных помысло́в одержи́ма, узре́ла еси́ ико́ну Пречи́стыя Богома́тери и, стеня́щи, воззва́ла еси́ к Ней: «Повели́, о Влады́чице, да и мне, недосто́йней, отве́рзутся боже́ственнии вхо́ди, и бу́ди ми Пору́чница, да узре́вши Крест Сы́на Твоего́, ми́ра и я́же в ми́ре всего́ отве́ргуся и изы́ду, а́може повели́ши мне, зову́щи Бо́гу: Аллилу́иа».

Икос 4

Слы́шавши глас, издале́ча глаго́лющ: «А́ще Иорда́н пре́йдеши, добр поко́й обря́щеши», на коле́на па́дши пред Присноде́вою, рекла́ еси́: «О Влады́чице! Не гнуша́ется де́вственная чистота́ Твоя́ моея́ недосто́йныя моли́твы, бу́ди ми спасе́ния Учи́тельница, руково́дствующая на путь покая́ния!» Те́мже у́бо А́нгели Бо́жии, напису́юще испове́дание твое́, возглаша́ху тебе́ в той час сицева́я:

Ра́дуйся, от тьмы греха́ к чи́стому све́ту покая́ния преше́дшая;

ра́дуйся, неи́стовство страсте́й и нечистоту́ плотску́ю отри́нувшая.

Ра́дуйся, тя́жкое бре́мя сту́дныя рабо́ты диа́воли отве́ргшая;

ра́дуйся, благо́е и ле́гкое и́го Христо́во подъе́мшая.

Ра́дуйся, от сме́рти грехо́вныя к ве́чному животу́ возста́вшая;

ра́дуйся, от врат поги́бели ко врато́м рая́ восше́дшая.

Ра́дуйся, чу́до милосе́рдия Бо́жия, Мари́е равноа́нгельная.

Кондак 5

Богосве́тлыми луча́ми благода́ти просвеща́ет тя Пресвята́я Де́ва, Та бо Спору́чница гре́шных к Бо́гу су́щи, отверза́ет тебе́ две́ри милосе́рдия Бо́жия и врата́ хра́ма свята́го, во́ньже вше́дши, со мно́гими слеза́ми поклони́лася еси́ Живоно́сному Дре́ву, и́мже мир спасе́н бысть, и распе́ншемуся Го́споду, Кро́вь Свою́ за твое́ избавле́ние излия́вшему, благода́рственно воспе́ла еси́: Аллилу́иа.

Икос 5

Ви́девши та́йны Бо́жия и ка́ко Той гото́в есть приима́ти ка́ющихся, всехва́льная Мари́е, воззва́ла еси́ всем се́рдцем: «Влады́чице Богоро́дице! Не оста́ви мене́!» — и устреми́лася еси́ в пусты́ню об он пол Иорда́на, мы же, почита́юще бе́гство твое́, срета́ем тя пе́нии си́ми:

Ра́дуйся, я́ко всепроща́ющею любо́вию Спа́са ура́нися се́рдце твое́;

ра́дуйся, я́ко сокро́вище благода́ти, тобо́ю прия́тое, потща́лася еси́ сокры́ти в пусты́ни.

Ра́дуйся, я́ко ми́ра грехо́вныя сла́дости скороте́чно отбе́гла еси́;

ра́дуйся, я́ко невозвра́тное ше́ствие твое́ к небе́сным на всяк день ускоря́ла еси́.

Ра́дуйся, я́ко ре́вностный исхо́д твой де́моны опали́;

ра́дуйся, я́ко вселе́ние твое́ в ско́рбную пусты́ню Небеса́ возвесели́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 6

Пропове́дуеши всем па́дшим и отча́янным, всечестна́я, Бо́жие человеколю́бие, и явля́еши си́лу покая́ния, я́же гре́шную ду́шу омыва́ет, очища́ет, светли́т, и возво́дит горе́, и весе́лие твори́т А́нгелом Бо́жиим, с ни́миже и мы бре́нными усты́ зове́м: Аллилу́иа.

Икос 6

Возсия́ ми́рови от пусты́ни Иорда́нския свет вели́ких по́двигов твои́х, Мари́е присносла́вная, мно́гая бо ле́та, а́ки адама́нт тверд и столп непоколеби́мь пребыла́ еси́, я́ко со зверьми́ лю́тыми, с похотьми́ твои́ми борю́щися и ору́жием Креста́ отража́ющи разжже́нныя стре́лы лука́ваго. Сего́ ра́ди дивя́щеся преесте́ственному терпе́нию твоему́, любо́вию зове́м ти:

Ра́дуйся, я́ко злострада́ния труд в пусты́ни четы́редесять и осмь лет понесла́ еси́;

ра́дуйся, я́ко опале́ние со́лнечное и мраз нощны́й в наготе́ долготерпе́ла еси́.

Ра́дуйся, гла́дом и жа́ждею изможда́емая;

ра́дуйся, покро́вом Богоро́дицы от сме́рти охраня́емая.

Ра́дуйся, я́ко в борьбе́ со грехо́м, в тебе́ живу́щим, до кро́ве подвиза́лася еси.

ра́дуйся, я́ко вся́кое пожела́ние пло́ти коне́чне умертви́ла еси́.

Ра́дуйся, чу́до милосе́рдия Бо́жия, Мари́е равноа́нгельная.

Кондак 7

Хотя́ препя́тие сотвори́ти твоему́ све́тлому к Небеси́ ше́ствию, всеблаже́нная, иско́нный враг ро́да челове́ческаго не престая́ше влага́ти ти по́мыслы нечи́стыя, огнь грехо́вный в удесе́х твои́х разжиза́я и приводя́ тебе́ на па́мять о́бразы пре́жняго жития́ твоего́. Ты же, многострада́льная, поверга́лася еси́ на зе́млю, слеза́ми ороша́ющи ю и призыва́ющи в по́мощь Присноде́ву, и не востава́ла еси́ от земли́, до́ндеже сла́дкий свет осиява́ше тя, воздвиза́я благода́рственно пе́ти Бо́гу: Аллилу́иа.

Икос 7

Но́вый челове́к, по Бо́зе созда́нный, яви́лася еси́, преподо́бная, умертви́вши бо всеконе́чне ве́тхаго челове́ка, во Христа́ облекла́ся еси́, всечу́дная, за седмьна́десять лет безчи́сленныя беды́ постра́давши. О сем у́бо Зоси́ме рекла́ еси́: «Отто́ле же и до днесь си́ла Бо́жия гре́шную мою́ ду́шу и те́ло смире́нное соблюде́». Приими́ у́бо и от нас, недосто́йных, похвалы́ сицевы́я:

Ра́дуйся, я́ко умертви́ла еси́ страсте́й взыгра́ния;

ра́дуйся, я́ко победи́ла еси́ и са́мое естество́.

Ра́дуйся, я́ко очи́стила еси́ ду́шу и плоть твою́ от вся́каго греха́;

ра́дуйся, я́ко в хра́мине всели́ся Госпо́дь.

Ра́дуйся, я́ко облекла́ся еси́ в оде́жду весе́лия духо́внаго;

ра́дуйся, я́ко вошла́ еси́ в ве́чный поко́й Сы́на Бо́жия.

Ра́дуйся, чу́до милосе́рдия Бо́жия, Мари́е равноа́нгельная.

Кондак 8

Стра́нное и пресла́вное изме́нение твое́, преподо́бная, ви́дяще, де́монов те́мныя полцы́ го́рько рыда́ху, вся же Си́лы Небе́сныя ра́достию игра́юще, песнь Христу́ воспева́ху, прославля́юще Бо́жие милосе́рдие, грехми́ людски́ми неодоли́мое, ве́лиим гла́сом зову́ще: Аллилу́иа.

Икос 8

Вся была́ еси́ в Бо́зе, Мари́е всебога́тая, егда́ Зоси́ма, обходя́ пусты́ню, ви́дети тя сподо́бися. «Заклина́ю тя, о́тче, Спаси́телем Бо́гом, да никому́же рече́ши, я́же слы́шал еси́ от мене́, до́ндеже Бог от земли́ во́змет мя, — запове́дала еси́ тому́. — Ны́не с ми́ром отыди́, в посте́ же гряду́щаго ле́та причасти́ мя Святы́х Христо́вых Та́ин на бре́зе Иорда́нстем». Сия́ ре́кши, а́ки го́рлица пустыннолюби́вая и неудержи́мая, от о́чию ста́рца скры́лася еси́, той же поклони́ся до земли́ и, облобы́зав ме́сто, иде́же стоя́сте но́зе твои́, воззва́ такова́я:

Ра́дуйся, я́ко студа́ грехо́внаго обнажи́лася еси́;

ра́дуйся, я́ко па́че сне́га убели́лася еси́;

Ра́дуйся, я́ко омраче́ние стра́стное препобеди́ла еси́;

ра́дуйся, я́ко па́че луче́й со́лнечных просвети́лася еси́.

Ра́дуйся, пе́рвее блудни́ца, ны́не же неве́ста Христо́ва;

ра́дуйся, я́ко вси греси́ твои́ проще́ни суть у Бо́га.

Ра́дуйся, чу́до милосе́рдия Бо́жия, Мари́е равноа́нгельная.

Кондак 9

«Всяк по́мысл и ум ужаса́ют боле́зни твоя, всехва́льная, ка́ко труд пусты́ни любве́ ра́ди Бо́жия прете́рпела еси́, — взыва́ше превели́кий во отце́х Зоси́ма, рыда́я. — О, ма́ти духо́вная! Ты Бо́гу прибли́зилася еси́, хоте́л бых, а́ще бы мо́щно ми бы́ло, во след тебе́ ходи́ти, и зре́ти честно́е лице́ твое́, и ку́пно с тобо́ю немо́лчно пе́ти: Аллилу́иа».

Икос 9

Вети́йство земноро́дных не довле́ет к досто́йному похвале́нию твои́х по́двигов, всечестна́я. Кто же дово́лен изрещи́ сле́зныя то́ки, я́же пролия́ла еси́ в моли́твах к Бо́гу, кто боле́зни твоя́ изочте́т, кто испове́сть всено́щная бде́ния, боре́ния и тесноту́ жития́ твоего́? Пусты́ню всю чудесы́ просвети́вши, я́ко со́лнце, просия́ла еси́, всечу́дная, тем у́бо мо́лим тя: озари́ луча́ми све́та твоего́ сердца́ на́ша и испроси́ оставле́ние грехо́в всем вопию́щим тебе́ такова́я:

Ра́дуйся, помраче́нный о́браз Бо́жий в све́тлости вели́цей в себе́ возобрази́вшая;

ра́дуйся, смра́да греха́ избе́гши, небе́сными арома́ты благоуха́ющая.

Ра́дуйся, звезда́ми чуде́с украше́нная;

ра́дуйся, луча́ми доброде́телей сия́ющая.

Ра́дуйся, вели́чия Бо́жия всем конце́м земли́ благовеству́ющая;

ра́дуйся, не́бо и зе́млю к пе́нию сла́вы Го́спода твоего́ призыва́ющая.

Ра́дуйся, чу́до милосе́рдия Бо́жия, Мари́е равноа́нгельная.

Кондак 10

Спаси́теля Бо́га Животворя́щия Те́ло и Кровь взе́м, в день та́инственныя Христо́вы Ве́чери а́вва Зоси́ма по завеща́нию твоему́, преподо́бная ма́ти, в ве́чер зело́ по́зден изы́де на брег Иорда́на, неукло́нно в пусты́ню лу́нным све́том осиява́емую, зря и моля́ся к Бо́гу, глаго́лаше: «Покажи́ ми, Го́споди, сокро́вище Твое́, е́же в пусты́ни сокры́л еси́! Покажи́ ми а́нгела во пло́ти, да не оты́ду тощ, нося́ моя́ грехи́ на обличе́ние, но да ра́дуяся, зову́ Тебе́: Аллилу́иа».

Икос 10

Сте́ну непрохо́дну мы́сляше ста́рец бы́ти Иорда́н ре́ку между́ ним и тобо́ю, преподо́бная; оба́че ты, ста́вши на бре́зе да́льнем, зна́мением кре́стным Иорда́н осени́ла еси́ и с моли́твою пошла́ еси́ по воде́, а́ки по су́ху. Зоси́ма же, ви́дев тя, гряду́щу по вода́м Иорда́нским, ужасе́ся и ра́достне вопия́ше тебе́:

Ра́дуйся, го́рняго рая́ Бо́жия обита́тельнице;

ра́дуйся, я́ко тварь повину́ется веле́нию твоему́.

Ра́дуйся, я́ко Иорда́н тебе́ слу́жит;

ра́дуйся, я́ко луна́ и зве́зды дивя́тся святы́не твое́й.

Ра́дуйся, си́лы Бо́жия ди́вное проявле́ние;

ра́дуйся, Бо́га Жива́го хра́ме одушевле́нный.

Ра́дуйся, чу́до милосе́рдия Бо́жия, Мари́е равноа́нгельная.

Кондак 11

«Пе́ние подоба́ет тебе́ приноси́ти Всемогу́щему Бо́гу, а́вво, — рекла́ еси́ тому́, по воде́ ше́ствующи. — Что твори́ши, свяще́нник сый, ка́ко хо́щеши кла́нятися мне, убо́зей, сам нося́й стра́шныя Та́йны Христа́ Бо́га! И́мже ве́рою и лю́бовию покланя́ющися, прах и земля́ су́щи, со стра́хом зову́: Аллилу́иа».

Икос 11

Све́том небе́сным блистающи́ся, причасти́лася еси́ Боже́ственных Та́ин и ра́дости преми́рныя испо́лнившися и на не́бо ру́це возде́вши, рекла́ еси́: «Ны́не отпуща́еши рабу́ Твою́, Влады́ко!» Обра́щшися же к ста́рцу, веща́ла еси́: «О, а́вво Зоси́мо! В гряду́щее ле́то у́зриши мя па́ки в пусты́ни, я́коже хо́щет Госпо́дь. Моли́ Его́ о мне, о́тче мой, моли́, помина́я всегда́ мое́ окая́нство». И па́ки Иорда́н зна́менавши, прешла́ еси́ верху́ воды́, ста́рец же, не сме́я надо́лзе держа́ти тя, стеня́ и рыда́я, взыва́ше во след тебе́ такова́я:

Ра́дуйся, ме́ртвость Го́спода Иису́са в те́ле нося́щая;

ра́дуйся, Воскресе́ния Его́ сла́вою сия́ющая.

Ра́дуйся, благода́тию, я́ко ри́зою све́та, облече́нная;

ра́дуйся, светоза́рная оби́тель Всесвяты́я Тро́ицы.

Ра́дуйся, я́ко си́лы а́довы ужаса́ются и тре́пещут сла́вы твоея́;

ра́дуйся, я́ко А́нгели Бо́жии дивя́тся чистоте́ твое́й.

Ра́дуйся, чу́до милосе́рдия Бо́жия, Мари́е равноа́нгельная.

Кондак 12

Благода́тию Боже́ственною окриля́ема, во един час долготу́ пусты́ни прешла́ еси́ и в нощь спаси́тельныя Христо́вы Стра́сти, по причаще́нии Боже́ственныя Та́йныя Ве́чери, сном святы́м усну́ла еси́, о ми́ре моля́щися, и дух твой Го́споду предала́ еси́, Ему́же со а́нгелы в неисповеди́мей ра́дости зове́ши ны́не: Аллилу́иа.

Икос 12

Поя́ надгро́бное пе́ние, богому́дрый Зоси́ма но́зе твои́ честне́и слеза́ми омыва́ше, и мно́го моли́вся, покры́ те́ло твое́ земле́ю, на́го су́щее и ничто́же иму́щее, то́чию ве́тхую ма́нтию, ю́же испе́рва тебе́ даде́, ра́достию и стра́хом мно́гим одержи́мь, вели́чию Бо́жию дивя́ся, стоя́ше, зовы́й к тебе́ такова́я:

Ра́дуйся, я́ко, ча́до све́та су́щи, прешла́ еси́ к Све́ту невече́рнему;

ра́дуйся, я́ко дух твой с весе́лием прия́ша со́нмы святы́х.

Ра́дуйся, я́ко те́ло твое́ упоко́ися во гро́бе, и́же лев от пусты́ни тебе́ ископа́;

ра́дуйся, я́ко тобо́ю показа́ нам Госпо́дь, коли́ко отстои́м от ме́ры соверше́нства.

Ра́дуйся, по́стников высото́ и преподо́бных сла́во;

ра́дуйся, о всем ми́ре к Бо́гу хода́таице.

Ра́дуйся, чу́до милосе́рдия Бо́жия, Мари́е равноа́нгельная.

Кондак 13

О, преподо́бная ма́ти, богоблаже́нная Мари́е! Приими́ от нас ны́не приноси́мое тебе́ моле́ние и, Све́ту непристу́пному предстоя́щи, моли́ся Всеще́дрому Бо́гу, да по вели́цей ми́лости Свое́й, низпо́слет светоза́рную благода́ть покая́ния всем нам, заблу́ждшим ча́дом Небе́снаго Отца́, да, от греха́ к оте́ческому до́му восте́кше, в ра́йских селе́ниих сподо́бимся вку́пе с тобо́ю во ве́ки благода́рственно пе́ти Ему́: Аллилу́иа.

[Се́й конда́к глаго́лется три́жды.]
[Далее повторяем 1‑е икос и кондак:]

Икос 1

А́нгела во пло́ти узре́в тя в пусты́ни Иорда́нской вели́кий Зоси́ма, на возду́се стоя́щую и о ми́ре моля́щуюся, со удивле́нием и у́жасом одержи́мь весь тре́петом быв, со слеза́ми вопия́ше тебе́ такова́я:

Ра́дуйся, благода́ти и све́та испо́лненная;

ра́дуйся, прозре́ния да́ром украше́нная.

Ра́дуйся, в моли́тве твое́й на возду́се стоя́щая;

ра́дуйся, пусты́нное сокро́вище, от ми́ра утае́нное.

Ра́дуйся, безпло́тных собесе́днице;

ра́дуйся, Ду́ха Свята́го селе́ние.

Ра́дуйся, чу́до милосе́рдия Бо́жия, Мари́е равноа́нгельная.

Кондак 1

Избра́нней от Го́спода во о́браз спасе́ния всем гре́шным и отча́янным, из глубины́ греха́ восте́кшей на высоту́ безстра́стия, похва́льная пе́ния прино́сим ти, ма́ти преподо́бная, ты же, я́ко иму́щи дерзнове́ние к Ще́дрому Бо́гу, моли́твами твои́ми наста́ви на стезю́ покая́ния любо́вию тебе зову́щих: Ра́дуйся, чу́до милосе́рдия Бо́жия, Мари́е равноа́нгельная.

Молитва

О, вели́кая Христо́ва уго́днице, преподо́бная ма́ти Мари́е! На Небеси́ Престо́лу Бо́жию предстоя́щи, на земли́ же ду́хом любве́ с на́ми пребыва́ющи, иму́щи дерзнове́ние ко Го́споду, моли́ спасти́ рабы́ Его́, к тебе́ с любо́вию притека́ющия. Испроси́ нам у Многоми́лостиваго Влады́ки и Го́спода на́шего ве́ры непоро́чное соблюде́ние, градо́в и весей на́ших утвержде́ние, от гла́да и па́губы избавле́ние, скорбя́щим утеше́ние, неду́гующим исцеле́ние, па́дшим возста́ние, заблу́ждшим вразумле́ние, в де́лех благи́х преспе́яние и благослове́ние, сирота́м и вдови́цам заступле́ние и отше́дшим от сего́ жития́ ве́чное упокое́ние. Бу́ди кре́пкая хода́таица, ди́вная ма́ти Мари́е, во е́же всем нам в день Стра́шнаго Суда́ десны́я страны́ о́бщники бы́ти и блаже́нный глас Судии́ ми́ра услы́шати: прииди́те, благослове́ннии Отца́ Моего́, насле́дуйте угото́ванное вам Ца́рствие от сложе́ния ми́ра. Ами́нь.

Тропарь, глас 8-й:
В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней. Темже и со aнгелы срадуется, преподобная Марие, дух твой.

Кондак, глас 4-й:
Греха мглы избежавши, покаяния светом озаривши твое сердце, славная, пришла еси ко Христу, Сего всенепорочную и святую Матерь, молитвенницу милостивную принесла еси. Отонудуже и прегрешений обрела еси оставление, и со ангелы присно срадуешися.

Молитва:
Услыши недостойную молитву нас, грешных (имена), избави нас, преподобная мати, от страстей, воюющих на души наша, от всякия печали и находящия напасти, от внезапныя смерти и от всякого зла, в час же разлучения души и тела отжени, святая угодница, всякую лукавую мысль и лукавые бесы, яко да приимет души наша с миром в место светло Христос Господь Бог наш, яко от него очищение грехов, и Той есть спасение душ наших, Емуже подобает всякая слава, честь; и поклонение со Отцем и Святым Духом во веки веков. Аминь.

МОЛИТВА МУЧЕНИЦЕ ПАРАСКЕВЕ, НАРЕЧЕННОЙ ПЯТНИЦА

Тропарь, глас 4

Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́ и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те и огне́м сожги́те,/ аз бо, ра́дующися, иду́ ко Христу́, Жениху́ моему́./ Тоя́ моли́твами, Христе́ Бо́же,// спаси́ ду́ши на́ша.

Перевод: Премудрая и всеми прославляемая Христова мученица Параскева, мужскую силу получив, а женскую слабость отвергнув, диавола победила и мучителя посрамила, взывая и говоря: «Придите и рассеките тело мое мечом и сожгите огнем, ибо я, радуясь, иду ко Христу, Жениху моему». По ее молитвам, Христос Бог наш, спаси души наши.

Кондак, глас 3

Всесвято́е и непоро́чное муче́ние прине́сши,/ я́ко ве́но пречестно́е, безсме́ртному Жениху́ Христу́,/ А́нгельское ликостоя́ние возвесели́ла еси́/ и победи́ла еси́ де́монския ко́зни./ Сего́ ра́ди тя че́стно ве́рою чтим,// му́ченице Параске́во многострада́льная.

Перевод: Всесвятое и непорочное мучение принеся, как драгоценное приданое, бессмертному Жениху Христу, Ангельское собрание возрадовала ты и победила демонские козни. Потому с верой тебя почитаем, мученица Параскева многострадальная.

Молитва 1-я

О, свята́я и преблаже́нная му́ченице Христо́ва Параске́во, красото́ деви́ческая, му́чеников похвало́, чистоты́ о́бразе, великоду́шных зерца́ло, прему́дрых удивле́ние, ве́ры христиа́нския храни́тельнице, и́дольския льсти обличи́тельнице, Ева́нгелия Боже́ственнаго побо́рнице, за́поведей Госпо́дних ревни́тельнице, сподо́бльшаяся приити́ ко приста́нищу ве́чнаго поко́я и в черто́зе Жениха́ твоего́, Христа́ Бо́га, све́тло веселя́щаяся, сугу́бым венце́м де́вства и му́ченичества украше́нная! Мо́лим тя, свята́я му́ченице: бУди о нас печа́льница ко Христу́ Бо́гу, Его́же преблаже́ннейшим зре́нием при́сно весели́шися: моли́ Всеми́лостиваго, Иже сло́вом Очи слепы́м отве́рзе, да изба́вит нас от боле́зни оче́с на́ших, теле́сных вку́пе и душе́вных; разжени́ твои́ми святы́ми моли́твами те́мный мрак, прибы́вший от грехо́в на́ших; испроси́ у Отца́ Све́тов свет благода́ти душе́вным и теле́сным очесе́м на́шим; просвети́ нас, омраче́нных грехми́, све́том Бо́жия благода́ти, да твои́х ра́ди святы́х моли́тв да́стся безоче́сным сла́дкое зре́ние. О вели́кая уго́днице Бо́жия! О му́жественнейшая де́во! О кре́пкая му́ченице свята́я Параске́во! Святы́ми твои́ми моли́твами бу́ди нам гре́шным помо́щница, хода́тайствуй и моли́ся о окая́нных и зело́ неради́вых гре́шницех, ускори́ на по́мощь нам, я́ко зело́ не́мощни есмы́. Моли́ Го́спода, чи́стая деви́це, моли́ Милосе́рдаго, свята́я му́ченице, моли́ Жениха́ твоего́, непоро́чная Христо́ва неве́сто, да твои́ми моли́твами посо́бствовани, мра́ка же грехо́внаго избы́вше, во све́те и́стинныя ве́ры и дея́ний Боже́ственных вни́дем во свет ве́чный дне невече́рняго, во Град весе́лия при́снаго, в не́мже ты ны́не све́тло блиста́еши сла́вою и весе́лием безконе́чным, славосло́вящи и воспева́ющи со все́ми Небе́сными Си́лами Трисия́тельное Еди́ное Божество́, Отца́, и Сы́на, и Свята́го Ду́ха, ны́не и при́сно, и во ве́ки веко́в. Ами́нь.

Молитва 2-я

Свята́я неве́сто Христо́ва, многострада́льная му́ченице Параске́во! Ве́мы, я́ко от ю́ности твоея́ ты все́ю душе́ю твое́ю и всем се́рдцем твои́м возлюби́ла еси́ Царя́ сла́вы, Христа́ Спаси́теля и Ему́ еди́ному уневе́стилася еси́, разда́вши име́ния твоя́ неиму́щим и бе́дным. Ты си́лою благоче́стия твоего́, твои́м целому́дрием и пра́ведностию, я́ко луча́ми со́лнечными, просия́ла еси́, жи́вши свя́то среди́ неве́рных и безбоя́зненно пропове́давши им Христа́ Бо́га. Ты, от дней ю́ности твоея́, науче́нная твои́ми роди́телями, всегда́ благогове́йно че́ствовала дни искупи́тельных страсте́й Го́спода на́шего Иису́са Христа́, Его́же ра́ди и сама́ доброво́льно пострада́ла еси́. Ты, десни́цею А́нгела Бо́жия от неисце́льных ран ди́вно исцеле́нная и восприя́вшая неизрече́нную све́тлость, изуми́ла еси́ неве́рных мучи́телей. Ты, и́менем Го́спода на́шего Иису́са Христа́ и си́лою моли́твы твое́ю в ка́пище язы́ческом всех и́долов до́лу пове́ргши, в прах сокруши́ла еси́ я́. Ты, опаля́емая свеща́ми, еди́ною моли́твою твое́ю ко всеси́льному Го́споду угаси́ла еси́ огнь есте́ственный, и тем же пла́менем, чуде́сне возжже́нным чрез А́нгела Бо́жия, попали́вши неи́стовых беззако́нников, мног наро́д привела́ еси́ к позна́нию и́стиннаго Бо́га. Ты, во сла́ву Го́спода прия́вши ме́чное главы́ твоея́ усече́ние от мучи́телей, до́блественно сконча́ла еси́ страда́льческий твой по́двиг, возше́дши душе́ю твое́ю на Небеса́, в черто́г вожделе́ннаго твоего́ Жениха́ Христа́ Царя́ Сла́вы, ра́достно сре́тшаго тя сим небе́сным гла́сом: «Ра́дуйтеся, пра́веднии, я́ко му́ченица Параске́ва увенча́ся!» Те́мже и мы днесь приве́тствуем тя, многострада́льная, и, взира́юще на святу́ю твою́ ико́ну, с умиле́нием вопие́м ти: всечестна́я Параске́во! Ве́мы, я́ко ве́лие и́маши дерзнове́ние ко Го́споду: умоли́ у́бо Его́ Человеколю́бца и о нас с предстоя́щих и моля́щихся ти, да пода́ст Он и нам, я́коже тебе́, терпе́ние и благоду́шие в беда́х и ско́рбных обстоя́ниях; да да́рует Он, хода́тайством твои́м и заступле́нием, ра́достное, благоде́нственное и ми́рное житие́, здра́вие же и спасе́ние, и во всем благо́е поспеше́ние возлю́бленному на́шему оте́честву, да ниспосле́т свято́е Свое́ благослове́ние и мир, и всем правосла́вным христиа́нам да пода́ст твои́ми святы́ми моли́твами утвержде́ние в ве́ре, благоче́стии и свя́тости, преспе́яние же в христиа́нской любви́ и вся́кой доброде́тели: да очи́стит нас гре́шных от вся́кой скве́рны и поро́ка, да огради́т нас святы́ми Свои́ми А́нгелами, да засту́пит, сохрани́т и поми́лует всех свято́ю Свое́ю благода́тию и соде́лает насле́дниками и прича́стниками Небе́снаго Своего́ Ца́рствия. И та́ко улучи́вше спасе́ния твои́ми святы́ми моли́твами, предста́тельством и заступле́нием, всесла́вная неве́сто Христо́ва Параске́во, просла́вим все пречи́стое и великоле́пое и́мя ди́внаго во святы́х Свои́х и́стиннаго Бо́га, Отца́ и Сы́на и Свята́го Ду́ха, всегда́, ны́не и при́сно и во ве́ки веко́в. Ами́нь.

Личное прошение 

О, свята́я и преблаже́нная му́ченице Христо́ва Параске́во! Святы́ми твои́ми моли́твами бу́ди помо́щница нам гре́шным (имена), хода́тайствуй, да твои́ми моли́твами сподо́бимся (содержание прошения), и ку́пно с тобо́ю да славосло́вим и воспева́ем Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

КАНОН ПРЕПОДОБНОМУ ИОАННУ ЛЕСТВИЧНИКУ, ИГУМЕНУ СИНАЙСКОМУ

Песнь 1

Ирмос: Во́ду проше́д, я́ко су́шу,/ и еги́петскаго зла избежа́в,/ изра́ильтянин вопия́ше:/ Изба́вителю и Бо́гу на́шему пои́м.

Припев: Преподо́бне о́тче Иоа́нне, моли́ Бо́га о на́с.

Во Свет невеще́ственный и у́мный/ от се́тования веще́ственных восте́к, Иоа́нне преподо́бне,/ моли́твами твои́ми, су́щими ко Го́споду, просвети́ мя.

Припев: Преподо́бне о́тче Иоа́нне, моли́ Бо́га о на́с.

Я́ко воздержа́ния сла́дость ссав,/ отри́нул еси́ го́ресть страсте́й,/ те́мже па́че ме́да и со́та услажда́еши, о́тче, чу́вства на́ша.

Сла́ва Отцу́ и Сы́ну и Свято́му Ду́ху.

Возше́д на высоту́ доброде́телей/ и долере́вностныя поплева́в сла́сти,/ сла́дость яви́лся еси́ спасе́ния, преподо́бне о́тче, па́стве твое́й.

И ны́не и при́сно и во ве́ки веко́в. Ами́нь.

Богородичен: Прему́дрость и Сло́во О́тчее несказа́нно ро́ждшая,/ души́ моея́ лю́тую уврачу́й я́зву/ и се́рдца боле́знь укроти́.

Песнь 3

Ирмос: Ты еси́ утвержде́ние/ притека́ющих к Тебе́, Го́споди,/ Ты еси́ свет омраче́нных,/ и пое́т Тя дух мой.

Припев: Преподо́бне о́тче Иоа́нне, моли́ Бо́га о на́с.

Попали́л еси́ у́глем поще́ния, преподо́бне, страсте́й те́рние/ и гре́еши мона́шествующих состоя́ния.

Припев: Преподо́бне о́тче Иоа́нне, моли́ Бо́га о на́с.

Ми́ро освяще́ния,/ от по́стнических, преподо́бне, арома́т ве́сь сложи́лся еси́/ в воню́ благоуха́ния Бо́жия.

Сла́ва Отцу́ и Сы́ну и Свято́му Ду́ху.

В зако́нех обуче́ния поуча́яся,/ стра́сти погрузи́л еси́, я́коже ины́я ны́не фараони́ты,/ тече́нием слез твои́х.

И ны́не и при́сно и во ве́ки веко́в. Ами́нь.

Богородичен: Уста́ви мое́ нестоя́нное помысло́в, Чи́стая, смуще́ние, Ма́ти Бо́жия,/ к Сы́ну Твоему́ направля́ющи движе́ние.

Седален, глас 8

Виде́нием и дея́нием преесте́ственне просия́в, облиста́еши уче́ньми,/ зако́ны нам положи́л еси́ Богому́дрыя, блаже́нне,/ доброде́телей добро́ты степе́ни поста́вль/ и зло́бы ле́сти показа́в и ловле́ния./ Отону́дуже возво́диши твои́м после́дующия Боже́ственным уче́нием/ от страсте́й к безстра́стию, Иоа́нне равноа́нгельне,/ моли́ Христа́ Бо́га прегреше́ний оставле́ние пода́ти/ чту́щим любо́вию святу́ю па́мять твою́.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Я́ко Де́ву и еди́ну в жена́х, Тя, без се́мене ро́ждшую Бо́га пло́тию,/ вси ублажа́ем, ро́ди челове́честии,/ О́гнь бо всели́ся в Тя Божества́,/ и я́ко Младе́нца дои́ши Зижди́теля и Го́спода./ Тем, А́нгельский и челове́ческий род, досто́йно сла́вим пресвято́е рождество́ Твое́/ и согла́сно вопие́м Ти:/ моли́ Христа́ Бо́га согреше́ний оставле́ние дарова́ти/ покланя́ющимся ве́рою пресвято́му рождеству́ Твоему́.

Песнь 4

Ирмос: Услы́шах, Го́споди,/ смотре́ния Твоего́ та́инство,/ разуме́х дела́ Твоя́/ и просла́вих Твое́ Божество́.

Припев: Преподо́бне о́тче Иоа́нне, моли́ Бо́га о на́с.

Я́ко цве́тник благово́ннейший и доброде́телей рай одушевле́нный,/ воздержа́ние процве́л еси́,/ и́мже вся пита́еши, чту́щия тя.

Припев: Преподо́бне о́тче Иоа́нне, моли́ Бо́га о на́с.

3аконоположи́теля обуче́ния и мона́хов пра́вило кротча́йшее,/ я́ко Моисе́я тя и Дави́да, и́стинно стяжа́вше, о́тче, ублажа́ем.

Сла́ва Отцу́ и Сы́ну и Свято́му Ду́ху.

Насажде́н на вода́х воздержа́ния,/ яви́лся еси́, блаже́нне, розга́, о́тче, благоцве́тнейшая,/ благоче́стия гро́зды произнося́щая.

И ны́не и при́сно и во ве́ки веко́в. Ами́нь.

Богородичен: Под ле́том бы́вша,/ от Отца́ безле́тно возсия́вша, Богома́ти, нам родила́ еси́,/ Его́же моли́ спасти́ пою́щия Тя.

Песнь 5

Ирмос: Вску́ю мя отри́нул еси́/ от лица́ Твоего́, Све́те незаходи́мый,/ и покры́ла мя есть чужда́я тьма́, окая́ннаго?/ Но обрати́ мя и к све́ту за́поведей Твои́х/ пути́ моя́ напра́ви, молю́ся.

Припев: Преподо́бне о́тче Иоа́нне, моли́ Бо́га о на́с.

Погаси́в вся стра́сти росо́ю подвиго́в твои́х, о́тче блаже́нне,/ оби́льно вжег огне́м любве́ и ве́ры воздержа́ния свети́льник,/ и просвеще́ние безстра́стия, и дне сын был еси́.

Припев: Преподо́бне о́тче Иоа́нне, моли́ Бо́га о на́с.

Ве́ры грозд Боже́ственным земледе́ланием твои́м, о́тче, воспита́л еси́,/ и в точи́ла вложи́л еси́, и изгне́л еси́ труды́ обуче́ния,/ и, ча́шу испо́лнив духо́вную воздержа́ния, весели́ши сердца́ па́ствы твоея́.

Сла́ва Отцу́ и Сы́ну и Свято́му Ду́ху.

Претерпе́в до́блественно прило́ги и я́звы неви́димых враго́в,/ яви́лся еси́ столп терпе́ния,/ утвержда́я па́ству твою́ па́лицею Боже́ственною на па́житех воздержа́ния/ и на воде́ воспитова́я, блаже́нне.

И ны́не и при́сно и во ве́ки веко́в. Ами́нь.

Богородичен: Ре́чем Твои́х усте́н, Всечи́стая, после́дующе, Тя ублажа́ем:/ с Тобо́ю бо вои́стинну вели́чия сотвори́вый Госпо́дь возвели́чи Тя,/ и и́стинную Бо́жию Ма́терь рожде́йся из чре́ва Твоего́ показа́.

Песнь 6

Ирмос: Очи́сти мя, Спа́се,/ мно́га бо беззако́ния моя́,/ и из глубины́ зол возведи́, молю́ся,/ к Тебе́ бо возопи́х, и услы́ши мя,/ Бо́же спасе́ния моего́.

Припев: Преподо́бне о́тче Иоа́нне, моли́ Бо́га о на́с.

Собра́л еси́ в души́ Боже́ственное бога́тство Ду́ха,/ непоро́чную моли́тву, чистоту́, че́стность,/ бде́ние всегда́шнее, воздержа́ния труды́,/ и́миже дом позна́лся еси́ Бо́жий.

Припев: Преподо́бне о́тче Иоа́нне, моли́ Бо́га о на́с.

Вещества́ до́льняго, прему́дре, прете́кл еси́ ху́дость,/ невеще́ственною же моли́твою ум впери́в,/ и Вы́шняго упокое́ния яви́лся еси́ насле́дник соверше́нством жития́.

Сла́ва Отцу́ и Сы́ну и Свято́му Ду́ху.

По́тами по́стническими у́глие стрел вра́жиих угаси́л еси́ вои́стинну/ и, о́гнь ве́ры вжег, попали́л еси́ неве́рия ересе́й шата́ния.

И ны́не и при́сно и во ве́ки веко́в. Ами́нь.

Богородичен: Возсия́ от Сио́на вы́шняго благоле́пие/ предложе́нием пло́ти по соедине́нию неизрече́нному,/ из Тебе́, Неискусобра́чная, обложе́нное, и мир просвети́.

Кондак, глас 4

На высоте́ Госпо́дь воздержа́ния и́стинна тя положи́,/ я́коже звезду́ неле́стную, световодя́щую концы́,/ наста́вниче Иоа́нне, о́тче наш.

Икос

Дом Бо́жий я́ко вои́стинну тебе́ сама́го соде́лал еси́, о́тче,/ Боже́ственными твои́ми доброде́тельми/ я́ве украси́в, я́ко зла́то све́тлое, ве́ру, наде́жду и любо́вь и́стинную,/ Боже́ственныя зако́ны излага́я, воздержа́нием обучи́вся, я́ко безпло́тен,/ ра́зум, му́жество, целому́дрие стяжа́в,/ смире́ние, и́мже возвы́сился еси́./ Те́мже и, просвети́вся моли́твами непреста́нными,/ виде́нии та́йными впери́лся еси́ и Небе́сныя прия́л еси́ селе́ния,/ наста́вниче Иоа́нне, о́тче наш.

Песнь 7

Ирмос: От Иуде́и доше́дше, о́троцы/ в Вавило́не иногда́/ ве́рою Тро́йческою пла́мень пе́щный попра́ша, пою́ще:/ отце́в Бо́же, благослове́н еси́.

Припев: Преподо́бне о́тче Иоа́нне, моли́ Бо́га о на́с.

На зла́це Вы́шняго Ца́рствия ста́до, о́тче, воспита́л еси́/ и, жезло́м догма́тов зве́ри отгна́в ересе́й, воспе́л еси́:/ оте́ц на́ших Бо́же, благослове́н еси́.

Припев: Преподо́бне о́тче Иоа́нне, моли́ Бо́га о на́с.

В Го́рний вшел еси́ неве́стнический черто́г Ца́рства Христо́ва,/ оде́ждею облече́н, досто́йною зва́вшаго,/ в не́мже и возле́гл еси́, вопия́:/ оте́ц на́ших Бо́же, благослове́н еси́.

Сла́ва Отцу́ и Сы́ну и Свято́му Ду́ху.

Невла́жная грехми́ река́ яви́лся еси́ воздержа́ния, о́тче,/ по́мыслы потопля́я и скве́рну очища́я вопию́щих ве́рою:/ оте́ц на́ших Бо́же, благослове́н еси́.

И ны́не и при́сно и во ве́ки веко́в. Ами́нь.

Богородичен: Из чре́ва Твоего́ про́йде воплоти́выйся, Де́во, всех Госпо́дь./ Те́мже Тя, Богоро́дицу, му́дрствующе правосла́вно, Сы́ну Твоему́ зове́м:/ оте́ц на́ших Бо́же, благослове́н еси́.

Песнь 8

Ирмос: Царя́ Небе́снаго,/ Его́же пою́т во́и А́нгельстии,/ хвали́те и превозноси́те во вся ве́ки.

Припев: Преподо́бне о́тче Иоа́нне, моли́ Бо́га о на́с.

Столп тя одушевле́нный я́ко вои́стинну/ и о́браз воздержа́ния, о́тче, стяжа́вше,/ вси твою́ па́мять почита́ем, Иоа́нне.

Припев: Преподо́бне о́тче Иоа́нне, моли́ Бо́га о на́с.

Мно́жество ра́дуется мона́хов,/ и лику́ет преподо́бных собо́р и пра́ведных,/ вене́ц бо досто́йно с си́ми прия́л еси́.

Сла́ва Отцу́ и Сы́ну и Свято́му Ду́ху.

Укра́шен доброде́тельми,/ в неве́стник неизрече́нныя сла́вы возше́л еси́,/ песнь воспева́я Христу́ во ве́ки.

И ны́не и при́сно и во ве́ки веко́в. Ами́нь.

Богородичен: По́мощи я́же от Тебе́ тре́бующия не пре́зри, Де́во,/ пою́щия и превознося́щия Тя во ве́ки.

Песнь 9

Ирмос: Чи́стую сла́вно почти́м,/ лю́дие, Богоро́дицу,/ о́гнь Божества́ прии́мшую во чре́ве неопа́льно,/ пе́сньми велича́ем.

Припев: Преподо́бне о́тче Иоа́нне, моли́ Бо́га о на́с.

Врач боля́щих в прегреше́ниих от Бо́га, блаже́нне,/ губи́тель же яви́лся еси́ и прогони́тель лука́вых духо́в,/ те́мже тя ублажа́ем.

Припев: Преподо́бне о́тче Иоа́нне, моли́ Бо́га о на́с.

Зе́млю, я́коже тли жили́ще, оста́вил еси́, о́тче,/ и в земли́ всели́лся еси́ кро́тких,/ и с ни́ми весели́шися, Боже́ственныя наслажда́яся сла́дости.

Сла́ва Отцу́ и Сы́ну и Свято́му Ду́ху.

Дне́сь день пра́зднственный/ вся бо созыва́ет мона́шествующих стада́ в лик духо́вный,/ трапе́зу и сне́дь нетле́нныя жи́зни.

И ны́не и при́сно и во ве́ки веко́в. Ами́нь.

Богородичен: В Тебе́ всели́вся, Всенепоро́чная,/ пре́жде родонача́льники злонра́внаго прельсти́вшаго человекоуби́йцу низложи́вый роди́ся/ и вся ны спасе́.

Светилен

Ми́ра пристра́стия, я́ко от скве́рны уклони́лся еси́/ и, а́лчбою пло́ть увяди́в, обнови́л еси́ души́ кре́пость, преподо́бне,/ и сла́вою обогати́лся еси́ Небе́сною, приснопа́мятне./ Те́мже не преста́й моля́ся о нас, Иоа́нне.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Богородичен: Госпо́дственно Богоро́дицу Тя испове́дуем, Влады́чице, Тобо́ю спа́сшиися,/ и́бо Бо́га неизрече́нно родила́ еси́, разо́ршаго Кресто́м смерть,/ к Себе́ же привле́кшаго преподо́бных собо́ры,/ с ни́миже Тя восхваля́ем, Де́во.